Osee 10:1 - BII BILA

¹ «Israɛlla va maa nakɔ n'rɛsɛn koam taw-vo, a va kuiyo taw-taw. Kɛ mɛɛ nda va kɔlan a kuiyo faw, lende koni nda va fondala-loamaa-lasálàlan vangalaa ni. Mɛɛ lɛŋnde ndalen le va naŋɔɔ yɛ, lende koni nda va powta sálàlan baŋɔɔ ni.

Osee 10:1 Iomraidhean Croise

1Masaa 14:23

Mí nda bɛɛ tangul tombon a powta sálàlan, má toosiaa sungbuma soolan o pembon kpow tullo a o yɔmii kiyɛiye kpede bɛngu.

Yeremi 11:13

Kani Yudaa nda, mɛɛ nda nɔ kobilan yɛ koni nda nɔ halaa ni! Mɛɛ Yerusalɛmnda nɔ nɛilan sɛ́lɛ́ taw yɛ koni nda tangul máánndan le piɔmaa ndaa Baal sálàlan solullo ni.›

Yeremi 11:17

Mɛlɛka-Nɔ-Kpaayaa-Kpow-vo ndóò tɔl ndu ni. Ndu kon co tosaa ni mì dɛnɛ palaa va nɔm tolɔɔ coo, le dɛnɛ vɔɔn Israɛlla a Yudaa tosa-o, a cii ya tiŋɔɔ o Baal sálàlan solullo.»

Yeremi 2:28

Kɛ ya bɛɛ, i mululnin nda aa: ‹Kuɛɛ nɛ halaa niaa niaa toosiaa-a co yɛ? Taa nɔla pɛ, mɛɛ a cɔn niko mà faŋa niaa dɛnɛ palaa coo. Mɛɛ niaa nɔ kobilan yɛ koni niaa nɔ halaa ni, Éé niaa Yudaa!›

Osee 12:11

I soo o vanaa-tɛɛngaa-diom Hala-a lo, mí cɔm vannda vunduan taw-taw. I soo o talelan nin a sondola vanaa-tɛɛngaa-diom Hala-a.

Osee 12:8

Ya Mɛlɛka dimi aa: ‹Cuavaa-imamaa Efraim-nda nɔ ɲɛla tuvaala lakafalan o laba maa yulaa Kanaan, a yeema bɔɔ kafalan.›

Osee 13:15

Cuavaa-imamaa Efraim-nda, ndáà pɛlnun ladio puapilɛa ndaa tɛɛn. Kɛ hoeyii cɛn a ba paalen le can-ndo-e co hunɔɔ, hoeyii Mɛlɛka-e co cɔnɔnndo o lɛŋnde veselɛilen nin, mì va heeloo. I veesiaanin peela lebolta cuavaa Efraim-nda, mì soonnda kólaala ndalan la vela. Bolofaa ndaa a ɲɛm vɔngu ndan báà kalan cuannunnin mì n kɔɛnnun.»

Osee 13:2

Háá sisa, a co hiovɔɔ laci a hakilan tosaa, a co volin ndan teengiaa mà va piɔmnda cownɔnndo a mun. Piɔmaa nda pila co cɔvɔɔ-a kpow, vanaa caa cɔwva-a co nda cɔvɔɔ ni. Vannda co dimio a nda o kɔɔ aa: ‹Vanaa co sálàlan solio a vanndacieea-a nɔla ma kɔman piɔmaa co maa navaa téndé-a, mà sɔsa nda sondolan le nda sooloo.›

Osee 13:6

Mɛɛ niaa tiiya o yondo puiyaa nin, mí la dia, mí lapum cá. Mɛɛ niaa pim, mí kɔlta yongalan la luɛi niaa nin, mí la pɔɛɛnun ya.

Osee 2:10

O ve sina maa ya le va ndu maalon, mɔima sɛnɛiyan a cuɛiyan yɔngoo le. Ya va ndu vɛlɛ volion a sianion yɔngoo ni, kɛ mó tosa baalaa a mun le piɔmndo Baal.

Osee 2:8

Lelan, ya Mɛlɛka, i co ndu nɛiyo kinda laci a yɔɔn, i co ndu kpakio cɔvɔɔ laci. O ci lɛnin nɛi o vanin kɔlan coo-o le.

Osee 3:4

Kani cuavaa Israɛlla viawnin tei, a nɔnin masa le, a nɔnin simlacinɔ le, a solinin lasálà le, a nɔnin powta sálà le, a nɔnin ɲɛ vana tosa le hɛnan Hala-o sinaa le, a nɔnin piɔmaa tongonin te.

Osee 4:7

Hɛli co le, mɛɛ nda co kpede, a mal nɛi yáà cɔm nda-o. I co biilu ndáà nɔ-o siinguu siɛmbulan.

Osee 8:11

Kani polale Efraim-nden le vangaliaa fondala-loamaa-lasálàlan le hakilan vɔɔsuuo, kɛ fondala lan la cɔɔlu nda bollen luei o hakilan tosaa nin ni.

Osee 8:4

À kennun masaa, à ɲuna ya le, má hɛli simlacia, i ve o sina nin te. Má cɔaw piɔmnda a volin ndan a á sianin ndan, Ken nda tosa ni le laasianndo.

Tɔŋ lasálàá 26:1

«La cównùn halaa fondoa le, le sélnùn piɔmnda le, la tosa pow sálà le, la kɛ́sì powtan o lɛŋnde niaalen nin, mì la kɛɛmiaa lan le lan sooloo le. Ya co Mɛlɛka ni, Hala niaa pɛɛn.

Nahum 2:2

«Vanaa vɔɔnda co nɔm kuello, nɔm Ninive! Bɛɛndiaa vanaa nɔmaa cɔwva le fondala mayoomulan kandaa dɛ! La vá cumullo o nɛilan coo mì la bɛɛndian le cɔwvo. La sim a yoomuma niaan kpede.

2Korɛntea 5:16

Lelan, n tofan ndɛ vanndo o nɛi ivanacieea coo le. Kani o tasendɔ, o nɛi ivanacieea coo ko naa n va Krista tofaa ni. Sunsun yɛ, o co lɛ o nɛi kon coo le naa n co ndu cɔu le.

Filipea 2:21

kani vana-vana co tɔnɔ ndɔ ndu pila-o nuwviaa, a co buulan le dɛnɛ Yeesu Krista-o le.