Osee 1:7 - BII BILA

⁷ Kɛ i lonin Yudaa kaolaa tei, mì ciindiaa nda, ya Mɛlɛka Hala ndaa. O venin a kpaasiaa le, o venin a mɔɛi cɔw le, o venin a cɔw le, o venin a n'so, o venin vɛlɛ a vanaa ɲaanun o soa coo-a le ya ciindiaanin nda.»

Osee 1:7 Iomraidhean Croise

2Masaa 19:29

«Le nɔm Esekia yɛ, tɔɔmaseloo co hoo ni: nanndee, malun vulnin a ba ndɔ-on vannda vanin dioo ni, ɲinasiaŋ bɛɛ, malun vulnin a ba ndɔ-on vannda vanin dioo ni, kɛ o vɔsi yàándɔɔ nin ndu, niaa pila bɛnda mì la saŋ mì la kow, mì la tɔl rɛsɛnndon, mì la de kɔmnde ndɔlen.

2Masaa 19:34

Ndu Mɛlɛka kandanin kobio ho le ndu ciindiaa, le ndu pila a le David vana baala ndɔ.›»

2Masaa 19:35

Icɔl kon, mí mɛlɛkanɔ Hala-o toal o dɔ́ɔ́ngɔ́ Asiriia nin, mó diw vannda vaalan kɛmɛ belaŋɔmaa a à ŋuɛɛnu. Vannda cɔnɔnndo idiiyo, má ca vanvílɛ́iya a tiuvaa sɔ́.

2Masaa 6:18

Fɔ́ɔ́fɔ̀, mí vanaa cɔvaa Aramiia can, má va Elise kuello. Mí Elise piɛi Mɛlɛka aa: «Suumiaa vanaa-mangalaa-isɔɔa ha!» Mí Mɛlɛka suumiaa nda mɛɛ Elise dimi yɛ.

Condii lisai 33:16

O co le vanaa cɔvaa sɛ́lɛ́a le masaa sɔla cindaa le. Kuubanɔ cɔwvo sɔla baŋaa le kpaaya ndɔ bɛndoo le.

Condii lisai 44:7

O co kpaasiaa nuu le ya tiindan te, o co mɔɛi nii cɔwve le yɔngù ya nɔlaa le,

Fulaa 14:13

Mí Moise mulul nda aa: «La yɔŋ isiòòn te. La sim yili mì la mɛɛndan. La canin hau mɛɛ Mɛlɛka co niaa ciindiaa yɛ. Esiptea niaa co haa cɔu sisa-a, la ci lɛnin nda le fɛɛn a fɛɛn te.

Fulaa 14:30

Ɲinkon, mí Mɛlɛka ciindiaa Israɛlla, mó baŋa nda Esiptea o ba, mí Israɛlla ca Esiptea a vílɛ́iya o mɛmma ihɛlma man dangalaa.

Esai 12:2

A toɲa, Hala co baŋan nuu ni, lelan ndu ya kɛsi laalan nuu kpede coo ni, siòòŋii biinin ya a ɲɛ-ɲɛ le. Kani Mɛlɛka co yoomuma niaan a vana ya co lisaa a condon-ndo ni, ndu co cinda nuu ni.›

Esai 30:18

O va bɛɛ lende, Mɛlɛka co telenndo cumndo le niaa kɛndɛi tosallo, o cannin mò tuinun niaa iɲíí, kani Mɛlɛka ndu, Hala sandaa o co ni. Dɛnɛ kɛndɔɔ co le vanaa nɔ kɔlkɛsiaa o ndu nin-nda kpede!

Esai 49:6

O dimul-la aa: «O co dɛnɛ pɔmbɔ, le nɔm siŋnɔnndo vana ni baalaa daama, le polama cuavaa Yakɔb-a mingio toosiaa a le Israɛlaa lo vɔ yoomu-a mingio o nda lo. Kɛ handɔɔ o kon coo, i kɛsi nɔm le vaa ɲɛ-tengaa le vanaa-mangalaa-isɔɔa, haliko mi nda bɛɛ sɔla cinda nuu háá nɛɛ lɛŋnden le mɛɛlu-a.»

Esai 7:14

Lelan, Maalii pila co niaa tɔɔmaseloo yɔngu: la tuei-yɔ, cuaambɔ laandoo cuanin folio, mò velu hɔ́ɔ́ piaandoo, ma ke ndu diolan aa Emmanuɛl.

Yeremi 25:5

Mó dimul niaa aa: «Vana-vana o niaa tɛɛn mal kela ndɔ vɔɔndo, dɛnɛ vɔɔn o co tosaa-o! O kon la tiwnin ba mi la cal o lɛŋnde ya ke kabi sindɛ fuɲaa niaa mamaa a niaa pila len nin.

Yeremi 25:6

Te la yiinun a halaa celen-nda mì la baŋ vulan nda o labɛngunin le nda sooloo le. Te la selnun piɔmnda mì la baŋ vulan nda o labɛngunin le nda sooloo le, i fulanin kɔl a niaa le, i tosalnin niaa dɛnɛ vɔɔn kɛ́-kɛ̀ le.

Yeremi 33:26

La ca ko aa mì kɛɛ poaa Yakɔb-a a poaa David vana ni baala-a? Vɛ̀ɛ̀ i kɛɛnin le simlacia simnin cuavaa Abraham-nda, a Isaak-a a cuavaa Yakɔb-a laci-a hɛlio o poaa ndaa tɛɛn? Kɛì-kɛì bɛɛ! Kani ɲííye co ya a nda, i minginin vanaa ndaa nda kɔɛ o biyɔɔ nin-nda o nda lo.»

Osee 1:8

Mɛɛ nda hiwnun Lo-Ruhama («Kaolan te») labɛngu, mí Komɛr cua vɛlɛ folio, mó vialu hɔ́ɔ́ piaandoo.

Sakari 4:6

Mó mulul-la aa: ‹Diom Mɛlɛka dimul Sorobabɛl-lo co hoo ni aa: ‹O co a kpaaya le o co a mayoomu le niaa tosanin dɛnɛ kon te, kɛ a Kɔl nuu. Ya Mɛlɛka-Nɔ-Kpaayaa-Kpow-vo dimi lende e ni.›

1Samiɛl 17:47

O laan vannda ha kpow a co sina ni maa o co a mɔɛi cɔw, te kon te a bál te Mɛlɛka baŋa vana le. Mɛlɛka co naa mala mì n nɔla niaa, kani ndu Mɛlɛka nɔ cɔwvo o ba ni.»