Osee 1:5 - BII BILA

⁵ Paale len, i tɛɛmbuunin kpaaya vanaa cɔwva Israɛl o bóllo Yisreɛl nin.»

Osee 1:5 Iomraidhean Croise

2Masaa 15:29

Telen Peka va o masalen coo Israɛl-lo, mí Tiklat-Pilesɛr, masaa Asiri hun bii Iyon, Abɛl-Bɛt-Maaka, Yanoa, Kedɛs a Hatsɔr. Mó bii tàndá Kalaad-o a tàndàá Kalile kpow, kɔ bii niko a tàndá Nɛftali-o kpow, mó bii vanaa va o kobila lan a o tàndàla lan nin-nda kpow, mó kɔa a nda o biyɔɔ nin o lɛŋnde Asiri len nin.

Condii lisai 37:15

Kɛ mɔɔn ndan cɔwvon tɛndanin nda pila kɔltan, kpaasiaala ndalan la yominin.

Condii lisai 46:9

La hun mì la tofa dɛnnda Mɛlɛka tosa lan, dɛnɛ tambɛi o tuisi o lɛŋnden coo-o pɛɛn.

Yeremi 51:56

A toɲa, vana co ndu tɛɛmbuu-o co nin ndu kpɛɛlun. O co lakɔ ndu delɔɔ coo, mò diw kuubaa ndɔa, mò yimi kpaasiaala ndala cɔw lan. Kani Mɛlɛka co vana caa màá mingio, mò sala vana-vana mɛɛ o bɛnda yɛ ni.

Esekiɛl 39:3

I yamnin kpaasiaa n nɔ o ba mɛllo-o, mì tosa mì kɔɔn co nɔm o ba kɛndɔɔ nin-ndon cɛɛlun.

Osee 2:18

Mɛlɛka dimi aa: «Paale len, o veelunin ya aa: ‹Pɔnɔ nuu›, o veelu lɛnin ya aa: ‹Vana ni bɛndoo› le.

Yosue 17:16

Mí poaa Yosɛf-a dimul ndu aa: «Tàndá n'pemboo tiw naa le, hiovɔɔ o kon coo, ɲɛla ɲaanannda n'cilinndan la co Kanaŋaa co icali o bóllo nin-nda kpow o ba, la co haa Bɛt-Sean a á co o kobila co ndu o ba bɛngu lan nin-nda o ba, la co vɛlɛ a co o bóllo Yisreɛl nin-nda o ba.»

Masaa kialaa n'yamaa 6:33

O kon, mí Madiannda, Amalɛkea a vanaa fula o lɛŋii co a ba paalen le can-ndo-e nin-nda kpow a cuungian, má taŋ Yurdɛn, má kɔ kila dɔ́ɔ́ngɔ́ɔ̀ o dɛngbɔɔ Yisreɛl nin.