Nsaŋ 4:1 - BII BILA

¹ Yeesu sinaa maa Faliisia tuei maa ndu Yeesu co hiovɔɔ kaandennda sɔlaa le nda yinɔɔ a Nsaŋ,

Nsaŋ 4:1 Iomraidhean Croise

Luke 1:76

Nɔm poombɔɔ ho, a veelunin nɔm aa vana-tɛɛngaa-diom Hala Hiow-Ɲɔɔn kpow-vo, kani Mɛlɛka nɔnin nɔm hɔlten coo, mà hiow laci, mà toosiaa nɛila ndɔlan

Luke 19:31

Te vana ɲuna niaa pɛ aa: ‹Le yɛɛ nɛ niaa co yɛ ndu timbio?› La mulul ndu aa: ‹Maalii nɔ makoo a ndu ni.›»

Luke 19:34

Má mulul nda aa: «Maalii nɔ makoo a ndu ni.»

Luke 2:11

Vana Ciindiaa vilun niaa hau o Kobi David-o nin, ndu co Krista ni, Maalii pɛɛn.

Luke 7:13

Yeesu cɔu ndu, mí ɲííye bii ndu a ndu, mó dimul ndu aa: «Caŋ te.»

Luke 7:19

mó viam nda o Maalii lo le ndu ɲunaa aa: «Vɛ̀ɛ̀ nɔm co vana naa n tuei tɔ́ɔ́ le hunɔɔ-o ni baa o bɛnda mì n cum o celen?»

Nsaŋ 3:22

O kon kɔɔli, mí Yeesu kɔa nda kaandeŋaa ndɔa o tàndá Yuda-o nin, mó kɔ va lon nda ndaa, mó va vannda yinɔɔ.

Nsaŋ 3:26

Má kɔa o Nsaŋ-ndo, má kɔ dimul ndu aa: «Kɔɔfa, vana va nɔm hoo ikɛi Yurdɛn peo leeloo, ma timbi seilen a ndu o kɔɔ-o cɛn vannda yinɔɔ, vannda kpow a co kɔlan o ndu lo.»

Dɛnnda kiilaa 10:36

O cuu Israɛlla sɔɛi ndɔɛi, sɔɛi ken i co Yoongu Kɛndɛ vana sɔla kɔlɲuloo a Yeesu Krista o kɔɔ-e ni, Yeesu co Maalii le vannda kpow-vo pɛɛn.

1Korɛntea 1:17

Kani Krista vim ya le vana yinɔɔ le, kɛ le vannda Yoongu kɛndɔɔ tiiyallo. O co le sɔɛi caa le, yɔŋii piɔ́m Krista sɔla o yɔm singafilaa coo-o siŋnun fúú.

1Korɛntea 15:47

Adam tasoo a puuloo Mɛlɛka toosiaa ndu ni, kɛ o diinndɔɔ ndu, o halataala o fula ni.

1Korɛntea 2:8

O ceendo ho coo, kpaayala kɛ́-kɛ̀ sínà kɔlkalu kalaa le, kani te láà sínà ndu pɛ, la ve Maalii biiloo bɛnda-o baŋɔɔ o yɔm singafilaa coo le.

2Korɛntea 4:5

O co yoongu naa pila le naa n co yondaa le, kɛ yoongu Maalii Yeesu Krista-o naa n co dimio ni. Nduyɛ le Yeesu naa n co vanaa baalaa niaa ni.

Nsaki 2:1

Puapilɛa nia, niaa laalan Maalii naa Yeesu Krista biiloo bɛnda-o-a, la hiyàn vannda le.

Dɛnnda cɔɔmuanndan 19:16

Diolan lapum la va lasɛvaalan ndu o doma bɛndoo coo a ndu o lɔloo coo aa: «Masa hiow masaa-o a Vana bɛndu hiow vanaa bɛndua-o.»