Nsaŋ 3:2 - BII BILA

² Mó hun o Yeesu lo icɔllo, mó dimul ndu aa: «N sina maa vana pɛɛkaa Hala vem-ndo n co ni, kani vana-vana nɔla kaamaala n co lan tosaa lan tosa le, te o co mì Hala va ndu ikɛi le.»

Nsaŋ 3:2 Iomraidhean Croise

1Masaa 17:24

Mí cua kon dimul Elii aa: «I laalan nihau lekɛ́ndɛi maa vana-tɛɛngaa-diom Hala-o n co ni, toɲaa kpeekpei sɔɛi Mɛlɛka-i co nɔm fulaa o sondo-e co ni.»

Esai 51:7

Niaa sina dɛnɛ sandaa-a, niaa vanaa nɔ tɔŋ nuu o lakɔl-la, la yaŋ ya nilan! La buulan le vannda niaa bɛ̀ɛ̀lan tɛɛmbuuo le, la ɲííyà a isiòòn le vanaa kan niaa yeowlan te.

Yeremi 38:16

Mí masaa Sedekia mɛnalan Yeremi o vionnɔnndo nin aa: «Te Mɛlɛka co yoomu, o ke naa yoomoo-o. I diinin nɔm te, i melnin nɔm vanaa yeema haa le nɔm diyɔɔ-a o ba le!»

Matie 22:16

Má vim ndu kaandeŋaa ndaa a vanaa va Herɔde kɔɔli-a a pum. Má kɔ dimul ndu aa: «Kɔɔfa, n sina maa vana toɲaa n co ni, a co vannda nɛila Hala lan pɛɛkoo a toɲaa, a nɔ sika a vana-vana le, kani a tofa vanndacieea le mɛɛ nda co yɛ le.

Matie 23:7

À yeema mì vannda va keiyo nda yilɔɔ o bɛ́ɛ̀la bɛndulan. À yeema vɛlɛ mì vannda va nda veeloo aa: ‹Kɔɔfa›.

Matie 23:8

Kɛ niaa niaa, la tosa mì vannda veelu niaa Kɔɔfa lan te, kani Kɔɔfanɔɔ ndu pilɛ kpé niaa nɔ ni. Niaa kpede, puapilɛa niaa co ni.

Marke 12:14

Má kɔ dimul ndu aa: «Kɔɔfa, n sina maa vana toɲaa n co ni, nduyɛ a vo le vana-vana toɲaa dimullo le. O toɲaa coo n co vannda sɔɛi Hala-e pɛɛkoo ni. Vɛ̀ɛ̀ o bɛnda pá mì n mal muloo Sesar o ba? N mal ndu muloo o ba bàà n mal te?»

Nsaŋ 1:38

Yeesu mulinndo, mó cannun nda hunɔɔ ndu kɔɔli, mó dimul nda aa: «Yɛɛ niaa co yɛ nuwviaa?» Má dimul ndu aa: «Kɔɔfa naa n co nuwviaa ni, kuɛɛ nɛ n co yɛ o yiya?»

Nsaŋ 10:38

Kɛ te i va pɛ dɛnnda lan tosaa, hali mì la laalan ya le, la laalan dɛnnda lan, haliko mi la sina maa Pua co ya nin, mì ya i va Pua nin.»

Nsaŋ 12:37

A kaamaala kaakuula o tosa lan nda o hɔl-tan kpede, ndáà laalan ndu le,

Nsaŋ 14:10

A laalan maa i co Pua nin, mì Pua va ya nin te? Sɔɔn ya co niaa dimullo-on, o co a ba ni le. Pua co ya nin-ndo co dɛnnda ndɔlan tosaa ni.

Nsaŋ 15:24

Te yáà tosá dɛnnda vana celen nɔ̀la tosà le lan nda tɛɛn te, ndáà nɔ nin haki le. Kɛ nihau, a ce lan, o kon má kɛɛ ya naa Fuɲa nuu.

Nsaŋ 2:11

Dɛnɛ Yeesu tosa kon Kana o tàndá Kalile-o nin-ndo yɔŋnun kaamaa ndɔ tasoo ni. Mó cɔm biilu ndɔɔ, o kon mí kaandeŋaa ndɔa laalan ndu.

Nsaŋ 20:16

Mí Yeesu dimul ndu aa: «Mari!» Mó síná ndu, mó veelu ndu aa: «Kɔɔfa!»

Nsaŋ 3:26

Má kɔa o Nsaŋ-ndo, má kɔ dimul ndu aa: «Kɔɔfa, vana va nɔm hoo ikɛi Yurdɛn peo leeloo, ma timbi seilen a ndu o kɔɔ-o cɛn vannda yinɔɔ, vannda kpow a co kɔlan o ndu lo.»

Nsaŋ 4:31

O telen kon, kaandennda va Yeesu ɲɔɔloo aa: «Kɔɔfa, dio ɲɛdiaa!»

Nsaŋ 5:36

Nduyɛ ya, seile nilen le hiow polon a le Nsaŋ-nden, kani hali dɛnnda Pua cɛl-la le tosaa mì va lan tosaa lan bɛɛ la cɔm maa Pua vem ya ni.

Nsaŋ 6:2

Mí sɛ́lɛ́ bɛndoo del ndu kɔɔli le singi kaamaa o va vanaa lanàá-o.

Nsaŋ 7:31

Mí vanaa bɔɔ-bɔɔ o sɛ́lɔ́ɔ́ tɛɛn a laalan ndu, ma va ɲunanndo aa: «Hunɔɔ Krista co-o, o tosanin pá dɛnnda kaamaalan mò hiow langbanɔɔ ho?»

Nsaŋ 9:16

Mí vannda pum a va dimio Faliisia tɛɛn aa: «Langbanɔɔ ho co vana Hala le, kani o ke paale pɛngiaalen lebɛɛ le.» Mí a pum nda va dimio aa: «Vɛ̀ɛ̀ vana lahakio ndu looku yɛnin dɛnnda kaamaala vaa nuaa tosa?»

Dɛnnda kiilaa 10:38

La sinà mɛɛ Hala pɔla Yeesu fula Nasarɛt-o a kpaaya Kɔl-Diandaa yɛ, a mɛɛ ndu Yeesu kei vannda dɛnɛ kɛndɔɔ tosal nɛɛ-nɛɛ ka yɛ. O va vanaa va o biyɔɔ nin ɲina vɔɔndo o ba-a kpow singio, kani Hala va ndu ikɛi.

Dɛnnda kiilaa 2:22

Niaa Israɛlla, puapilɛa nia, la yaŋ nilan o sɔɔn mun! Yeesu fula Nasarɛt-o, langbanɔ kon Hala cɛl ndu niaa tɛɛn o dɛnnda kaamaalan nin, o dɛnnda kɔndɔfiltan nin a o tɔɔmaselela o va tosaa niaa tɛɛn-ndan nin, maa mɛɛ niaa sina kon válán yɛ.

Filipea 1:14

Vanaa bɔɔ-bɔɔ o vanaa laalannda tɛɛn a sɔla laalanndo ɲɛkɛndɛi le cɔ nda co ya o kaasoo-o. Nduyɛ, a co cɔɔloo yoomuan sɔlaa le vannda sɔɛi Hala-e dimullo, o co a isióón te.

Masaa kialaa n'yamaa 6:27

Mí Sedeɔn cua langbaa n'van tɔ́ o vanaa ndɔa baalaa tɛɛn, mó tosa ɲɛ Mɛlɛka dimul ndu kon le tosaa-o, kɛ siòònde va ndu a vanaa va o nda lo cɛinin-nda a vanaa va vɛlɛ o kobi kon nin-nda, mó cum icɔllo le dɛnnda lan kpow tosaa.