Nsaŋ 13:3 - BII BILA

³ Yeesu pila ndóò sina nin maa o Hala lo ndóò fula ni, o Hala lo o va muungoo ni, ndóò sina vɛlɛ maa Fuɲa ndɔ ndóò cii ndu ɲɔɔn kpow downɔn.

Nsaŋ 13:3 Iomraidhean Croise

Matie 11:27

Fuɲa nuu yɔngu ya ɲɔɔn kpow. Vana-vana sina Poo le, te o co Fuɲaa le. Vana-vana sina vɛlɛ Fuɲaa le, te o co Poo a vana Poo yeema le Fuɲa ndɔ cɔmndo-o le.

Matie 28:18

Mí Yeesu sɔɔnguu, mó dimul nda aa: «Kpaayaa kpow yɔngun ya o halataala a o lɛŋnden coo.

Luke 10:22

Fuɲa nuu mal ɲɔɔn kpow ya o ba. Nduyɛ, vana-vana sina o co Poo-o le, fɔ Fuɲaa, vana-vana sina vɛlɛ o co Fuɲaa-o le, fɔ Poo a vanaa Poo hɛli le nda mun cɔmndo-a.»

Nsaŋ 1:18

Vana-vana ci vɔ Hala le, Hala Po pilɔɔ, o co o Fuɲaa nin-ndo, ndu cɔm vana ndu ni.

Nsaŋ 13:1

Lɔ́ɔ́ pá mí Kafo-hiava-coo tiiya, Yeesu ndóò sina nin maa telen ndɔɔ tiiya le faŋanndo o ceendo coo le kɔlan o Fuɲa ndɔ lo. Ndóò kaola kaandeŋaa ndɔa va o ceendo coo-a taw, nduyɛ mó lo nda kaolaa háá o mɛɛlulan.

Nsaŋ 17:2

maa mɛɛ n ke ndu kpaayaa ɲɔɔn kpow coo yɛ, haliko mo ke vanaa n ke ndu-a kpow yoomu fɛɛn-fɛɛndo.

Nsaŋ 3:13

Vana-vana hel o halataala le, fɔ vana tol fulaa o halataala-o, Po vanacieo pɛɛn.

Nsaŋ 3:35

Fuɲaa kaola Poo, mó sɔaa ndu dɛnndan kpede o ba.

Nsaŋ 7:29

Ya yɛ, i sina ndu, o vomɔɔ ndɔɔ nin ya co ni, ndu vem ya ni.»

Nsaŋ 7:33

Mí Yeesu dimi aa: «I co vɔ latulu naa niaa le telen bingi, o kon kɔɔli i muungun o vana vem ya-o lo.

Nsaŋ 8:14

Mí Yeesu mulul nda aa: «O va bɛɛ aa seile nile ya pila len ya co tɛndaa ni, toɲaa le co ni, kani i sina ba ya fula-o, i sina nɛɛ ya co kɔlan-nda. Kɛ niaa yɛ, la sina nɛɛ ya fula-a le, la sina vɛlɛ nɛɛ ya co kɔlan-nda le.

Nsaŋ 8:42

Mí Yeesu dimul nda aa: «Te ndóò va pɛ maa Hala co Fuɲa nia ni, la va ya kaola, kani o Hala nin ya fula ni mí hun. O co a ba ni le ya hin te, ndu vem ya ni.

Dɛnnda kiilaa 2:36

Lelan, mɛɛ mì Israɛlla kpow a sínà toɲaa maa Yeesu niaa baŋ kon o yɔm singafilaa coo-o, ndu Hala siinguu Maalii a Krista ni!»

1Korɛntea 15:27

Nduyɛ, o co o sɛvaa aa: «Hala kɛsi ndu ɲɔɔn kpow a ba bɛngu.» Kɛ te o dimi pɛ aa «kpow», kon co dimi le maa ndu Hala co lecoo, kani ndu kɛsi ndu ɲɔɔn kpow o ba bɛngu ni.

Hebreea 1:2

Kɛ sunsun, o palɛi mɛɛlɛi he nin, mó soaa o naa lo a sondo po ndɔɔ. A po ndɔ kon o cɔw ceendo ni, ndu Hala koni hɛli vɛlɛ ni mí ɲɔɔn kpow n va le ndu.