Nsaŋ 13:2 - BII BILA

² Telen Yeesu nda kaandeŋaa ndɔa va ɲɛdiaa icɔl-lo dioo-o, mí ɲina vɔɔndo yɔngu Yuda po Simɔn Iskariɔt-o yiyanndo le Yeesu malɔɔ vannda o ba.

Nsaŋ 13:2 Iomraidhean Croise

Ɛsdras 7:27

«Biiloo co le Mɛlɛka, ó co Hala fuɲaa naa imamaa-o, ó luei masaa yiyan kɛndɔɔ o kɔl le Cɛi-Hala co Yerusalɛm-ndo bɛɛle bɛndule vaa nuaa yɔngoo-o!

Nehemi 2:12

O kon kɔɔli, mí can icɔllo a vanpiaandua pum kɔɔli, i dimul vana-vana ɲɛ Hala ndóò soo ya o kɔl le tosaa Yerusalɛm-ndo le. Cɔlu bana-bana celen ve ya o ba le, fɔ o ya pila yáà hel coo-o.

Matie 10:4

Simɔn vana fulà diallon le lɛŋnde ndɔlen-ndo a Yuda Iskariɔt, o mal Yeesu vannda o ba-o.

Luke 22:3

O kon, mí Setana luɛi Yuda nin, o ndáà veelu vɛlɛ aa Iskariɔt-o pɛɛn, ó va vana pilɛ o kaandeŋaa tɔ́ a à ŋiɔnda tɛɛn-ndo.

Luke 22:31

Mí Yeesu dimul Simɔn-Piɛr aa: «Simɔn, Simɔn, yaŋnun! Setana ɲuna Mɛlɛka mì ndu Setana hɛi niaa maa mɛɛ vana hɛi maalon nuaa yɛ.

Nsaŋ 13:11

Yeesu ndóò sina vana va ndu malɔɔ vannda o ba-o, lelan o dimi ni maa a ve a diandaa kpede le.

Nsaŋ 13:4

Mó can o ɲɛdiaa coo, mó solin doma ndɔ lecoo-o lekɔɔ, mó cua kolaa pum, mó yiinun o caŋ.

Dɛnnda kiilaa 5:3

Kɛ mí Piɛr ɲuna ndu aa: «Ananias, le yɛɛ nɛ n kumbil-lɛ Setana kɔl nɔmndo le Hala Kɔl-Diandaa còòlan dimullo, má faŋa volin n pisi yondoo-on baa pilɔɔ le nɔm pila?

2Korɛntea 8:16

I mel Hala balika le tùú o luei Tite yiyanndo o kɔl le niaa malaa mɛɛ ya nɔ yiyanndo le niaa malaa yɛ,

Efɛsea 2:3

Naa kpow, maa nda naa n va kelaa telen pum ni, n va yeemɛi naa n'dial-le a ɲɛ va naa hunɔɔ o lebollo tosaa. Mɛɛ mì kɔl tambɛi Mɛlɛka-o ndóò tol naa coo maa vanaa celen le vanacieeyɛi nɛi paandui ken.

Dɛnnda cɔɔmuanndan 17:17

Kani Hala mal nda o kɔl le yiyan ndɔɔ tosaa, mà nɔ yiyannda pilɛlan le visi kon masale ndalen yɔngoo, háá mi sɔɔn Hala dimi-on peelun.