Nsaŋ 11:3 - BII BILA

³ Mí vanlaandua va kan pɔmbɔɔ a bɛndoo-a viam vanndo le kɔlan Yeesu dimullo maa Lasar caan ndɔ kɔllo co a nàá.

Nsaŋ 11:3 Iomraidhean Croise

O Kandɔɔ 22:2

Mí Hala dimul ndu aa: «Cuá po nɔmndo, po nɔm pilɛ n kaola kon taw-taw-vo, Isaak pɛɛn, mà kɔɛ a ndu o lɛŋnde Moria len nin. La tiiya pɛ lon, a soli ndu sálà loamaa le ya o pembii ya cɔmnin nɔm-nde coo.»

Condii lisai 16:3

Vanaa diandaa co o lɛŋnden nden nin-nda, nda pila, a vanaa kpaayaa, kan co vanaa hɛnan ya-a ni.

Luke 7:13

Yeesu cɔu ndu, mí ɲííye bii ndu a ndu, mó dimul ndu aa: «Caŋ te.»

Nsaŋ 11:1

Mí langbanɔ nɔ diolan aa Lasar-o del a nàá. Betani, o ciee Mari nda Marte pɔmbɔ ndɔ-o o va ni.

Nsaŋ 11:11

Ndóò ciiyo sɔɔn mun dimio, mó dimul nda aa: «O lɔan Lasar caan naa co ni, kɛ i co lakɔ ndu tindi.»

Nsaŋ 11:2

Mari yɔŋnun vanalanɔ taaliaa Maalii cuɛima cun kɛndɛan o n'pelu, mó vɔɔsuu ndu pelon a yiiŋii ndɔɛi-yo ni, yema ndɔ va Lasar ni, ó va a naa-o.

Nsaŋ 11:21

Mí Marte dimul Yeesu aa: «Maalii, te nɔm óò va pɛ nanu, yema nuu ve vu le.

Nsaŋ 11:36

O kon mí Yuifia dimi aa: «La ce, ndóò yeema ndu dɛ!»

Nsaŋ 11:5

Yeesu ndóò kaola Marte, pɔmbɔ ndɔ a Lasar.

Nsaŋ 13:13

La co ya veeloo aa: ‹Vana bɛndoo›, ‹Maalii›, la nɔ dí mì la veelu ya lende, kani ndu ya co ni.

Nsaŋ 13:23

Kaandennɔ pilɛ, o Yeesu ndóò kaola taw-vo va ndu Yeesu icali ikɛi,

2Timote 4:20

Esaste lo Korɛnte, i mɛi Trofime a nàá Milɛt.

Dɛnnda cɔɔmuanndan 3:19

Ya ya, sɔɛi ya soaa vanaa ya kaola-a le nda silaa ni. Lelan fula diallon, mà mangalan.