Nsaŋ 11:11 - BII BILA

¹¹ Ndóò ciiyo sɔɔn mun dimio, mó dimul nda aa: «O lɔan Lasar caan naa co ni, kɛ i co lakɔ ndu tindi.»

Nsaŋ 11:11 Iomraidhean Croise

2Masaa 4:31

Kehasi ndóò hiownun nin laci. Ndóò tiiyaa, mó keeliaa poombɔɔ tinda Elise-o o hɔl, kɛ ŋue bɛɛ poombɔɔ kuŋ te, kpɛkɛlɛ bɛɛ o kpeŋan te. Mó muungu vana-tɛɛngaa-diom Hala-o o ibuŋ, mó downun ndu kona aa: «Poombɔɔ tendul te few.»

2Dɛnnda lemasalan 20:7

Éé Hala naa! Vɛ̀ɛ̀ o co nɔm te tow vanaa va o lɛŋnden nden nin-nda vanaa nɔmnda, Israɛlla laci, má ke cuavaa-imamaa Abraham caan nɔm-nda lɛŋnde kalalen, mì le va ɲɛ nda pɛ le?

Fulaa 33:11

Kpendekele Mɛlɛka ndóò soaa o Moise lo ni mɛɛ vanacieo suukan nda vanacieo nuaa yɛ. Ndáà cii pɛ, Moise ndóò muungu o dɔ́ɔ́ngɔ́ɔ̀ nin. Kɛ vana ndɔ malaa, ó va Yosue po Nun-ndo-o, ndóò faŋan o cɛi-kola-toandaa-labɔɔŋian kon nin te.

Esai 41:8

«Le nɔm Israɛl-lɛ, nɔm Yakɔb ya hɛli-o, nɔm polale Abraham ya kaola len.

Daniɛl 12:2

Vanaa co o lɔan o sɛilan nin-nda taw a tendulnin. A pum le yoomu fɛɛn-fɛɛndo, a tɔ̀a le siɛmbulan a sanga bɛɛ tambɛi fɛɛn-fɛɛndo.

Matie 27:52

mí sɛilan la kumbin, mí vanaa laalaŋaa bɔɔ-bɔɔ ndáà vi nin-nda muungu yoomu.

Matie 9:24

«La fula vɔ! Kani cuaambɔɔ vi le, o lɔan o co ni.» Kɛ má va ndu mamɔɔ.

Marke 5:39

Mó luɛi, mó ɲuna nda aa: «Le yɛɛ niaa co yɛ ivɔkɔ-vɔkɔɛi he a caŋndan ndan? Cuaambɔɔ vi le, o lɔan o co ni.»

Nsaŋ 11:10

Kɛ te vanndo va pɛ kelaa icɔl, boŋndo o boŋ ni, kani o nɔla cɔu le.»

Nsaŋ 11:12

Mí kaandennda dimul ndu aa: «Maalii, te o lɔan o co ni, mɛɛ o co tiondɔɔ.»

Nsaŋ 11:13

A piɔ́m Lasar-o o kɔɔ Yeesu va sɔɛi lende ni, kɛ mí nda ca maa a lɔma kpeekpeiyan o kɔɔ o va sɔɛi ni.

Nsaŋ 11:3

Mí vanlaandua va kan pɔmbɔɔ a bɛndoo-a viam vanndo le kɔlan Yeesu dimullo maa Lasar caan ndɔ kɔllo co a nàá.

Nsaŋ 3:29

Vana co lanɔɔ cuaa sɛnɛi-yo, le ndu lanɔ sɛnɛi kon co ni. Kɛ te caaŋoo vana co lanɔɔ cuaa sɛnɛi-yo tuei pɛ ndu vana co kon lanɔɔ cuaa-o sɔɛi, ɲɔɔ hɛnan ndu taw. Lende koni ɲaale bɛndoo co ya o kɔl ni.

Dɛnnda kiilaa 7:60

O kon kɔɔli, mó del vula baŋaa, mó yonda coocoo aa: «Maalii, mal nda haki le haki ndaa ho!» Mɛɛ o cii kon dimi, mó malnun kɔl.

1Korɛntea 15:18

Vanaa ndáà laalan Krista má vu-a bɛɛ a lo.

1Korɛntea 15:34

La tosa dɛnɛ sandaa, la tosa lahaki le, kani a pum a sínà Hala le, i ya co hee dimio-e co dɛnɛ lasiɛmbu le niaa.

1Korɛntea 15:51

I co niaa sɔɛi viannan-nde dimul. Naa kpow n vinin te, kɛ naa kpow n mangalanin,

Efɛsea 5:14

Hiovɔɔ o kon coo, ɲɛ-ɲɛ fula pɛ ceen kpendekele, ndu siŋnun ɲɛ-tengaa. Lelan o co o sɛvaa ni aa: «Tiondu, nɔm vana co hoo o lɔan-ndo, cɔn mà fula vanvílɛ́iya tɛɛn, mì Krista tosa, mì ɲɛ-tengaa va niaa diondɔɔ coo.»

Tɔŋ miingua 31:16

Mí Mɛlɛka dimul Moise aa: «Má cè nɔm hunɔɔ fuɲaa nɔmnda diomɔɔ ciee-piɔ́m! Te nɔm vi pɛ, vannda co lakɔ laasian ma soolu halaa fondoa o lɛŋnde nda co lakɔ luɛyɔɔ nin-nden nin. A faŋannin ya kɔɔli mà tɛɛmbuu kpema ya yii a nda-o.

1Tesalonikea 5:10

O fonda naa o vi ni, haliko mi n va yoomu lɔ́ɔ́ o hunnin-ndo.

Nsaki 2:23

Nuaa o sɛvan-ndo peelun ni aa: «Abraham laalan Hala, mí kon cɔmnun ndu coo maa dɛnɛ sandaa, má veelu ndu aa caangoo Hala.»