Nsaŋ 1:1 - BII BILA

¹ O kandɔɔ Sɔɛi va, Sɔɛi va Hala ikɛi, Sɔɛi Hala i co ni.

Nsaŋ 1:1 Iomraidhean Croise

O Kandɔɔ 1:1

O kandɔɔ tasoo, mí Hala cɔaw halataalaa a lɛŋnden.

Condii lisai 45:6

Kɔɔn nɔmndon co n'siɛɛmbiaa siembulu-siembulu, n co vanaa súúla celennda mɛlio nɔm o labɛngunin. Kɔɔn mun co yaamɔaa masaa kɔltan buuluuo.

Esai 7:14

Lelan, Maalii pila co niaa tɔɔmaseloo yɔngu: la tuei-yɔ, cuaambɔ laandoo cuanin folio, mò velu hɔ́ɔ́ piaandoo, ma ke ndu diolan aa Emmanuɛl.

Esai 9:6

Tofa vɔ ɲɛ o tosanin-ndo: masalen pɛngɛlaa mì le kui, vana co o kpɛŋɛ lemasa David-o coo-o a masale ndɔlen kɔlɲulu nɔ lamɛɛlu loo yɔngoo, yoomuan masale ndɔlen lueiyo a len simio yili, a dɛnɛ sandaa a sakpoyɛi, kandɔɔ sisa háá le fɛɛn a fɛɛn. Dɛnndan ndan Mɛlɛka-Nɔ-Kpaayaa-Kpow-vo tosanin a dialun fulaan ni.›»

Matie 1:23

«Cuaambɔ lembu sina vɔ dɛnɛ vanapɔnɔ loo cuanin folio, mò velu hɔ́ɔ́ piaandoo, mà ke ndu diolan aa Emmanuɛl», kɔlɔ ndɔɔ co ni aa: «Hala co naa ikɛi».

Luke 24:53

A va Hala candɔɔ lɔ́ɔ́-lɔ́ɔ̀ o Cɛi-Hala-o nin.

Nsaŋ 1:14

Mí Sɔɛi siŋnun falon, mí i va naa tɛɛn. I co i piaa a kɛndɛi a á toɲaa. Mí n mɛɛndan biilu ndɔɔ, biilu ndɔ kon co maa o Po pilɔɔ sɔla fulaa Fuɲa ndɔ o ba-o.

Nsaŋ 1:18

Vana-vana ci vɔ Hala le, Hala Po pilɔɔ, o co o Fuɲaa nin-ndo, ndu cɔm vana ndu ni.

Nsaŋ 1:2

Sɔɛi ken va Hala ikɛi o kandɔɔ.

Nsaŋ 16:28

O Pua lo ya fula ni, mì hun o ceendo coo. Sunsun, i co faŋan o ceendo coo, mì muungu o Pua lo.

Nsaŋ 17:5

Lelan Pua, biilu ya nɔm pila ikɛi, maa biilu naa n va paandu nin naa ŋiɔn lɔ́ɔ́ pá mi ceendo fula-o.

Nsaŋ 20:28

Mí Tomas mulul ndu aa: «Maalii nuu a Hala nuu!»

Nsaŋ 8:58

Mí Yeesu dimul nda aa: «I co niaa toɲaa dimul kpendekele, lɔ́ɔ́ pá mi Abraham fula, ya i va nin.»

Rɔmnda 9:5

A fuɲaa ndaa mamaa yɔŋnun vanaa bɛndua o laalanndo nin-nda, a Krista co ɲɔɔn kpow bollen-ndo fula o polale ndalen coo o falon nin-nda. Màá biiloo va le Hala le fɛɛn a fɛɛn! Amiina!

Efɛsea 3:9

haliko mi cɔm vannda kpow kɔlɔ dɛnɛ viannan kon. Hala, o cɔw ɲɔɔn kpow-vo ven dɛnɛ kon kabi paandu ni.

Filipea 2:6

Ndu co ɲɛ pilɔɔ a Hala-o, o kungulan siimian o siimian nda Hala-o coo le.

Kolɔsea 1:15

Yeesu co vundule Hala vana ci le len ni. Ndu co Po tasoo o ɲɛm Hala cɔw-von kpow nin ni,

Kolɔsea 1:17

O va ɲɔɔn kpow tase, ndu co vɛlɛ tosaa ni mì n va.

1Timote 3:16

A toɲa, sɔɛi viannannde he i co i bɔɔ le laalan naa: Yeesu cɔmnun maa vanaciee, mí Hala Kɔl-Diandaa ke ndu di, mó cɔmnun mɛlɛkaa, mí vannda kɔ dimi sɔɛi ndɔɛi vanaa-mangalaa-isɔɔa tɛɛn, mí vannda laalan ndu o ceendo coo, mó helnun o halataala o biiloo nin.

Tite 2:13

Nuaa naa n bɛnda ni mì n cum palɛi naa n co tiindanndo-e, a paale biilu Hala naa bɛndoo, a Yeesu Krista Vana naa ciindiaa cɔmnunnin-nden.

Hebreea 13:8

Mɛɛ Yeesu Krista va cɛi yɛ, lende koni o co hau ni, lende vɛlɛ koni o vanin le fɛɛn a fɛɛn ni.

Hebreea 7:3

O nɔ fuɲa le, o nɔ kala le, o nɔ yungu le, o nɔ fuɲa mama le. Vana sínà telen o velun te, vana sínà a piɔ́m ndɔɔ o kɔɔ le. Maa po Hala-o o co ni, vana-solia-lasálàá fɛɛn fɛɛn-ndo o co ni.

2Piɛr 1:1

Ya Simɔn Piɛr, vana baalaa a kiila Yeesu Krista-o ni. Ya co vanaa sɔla laalan sɔvɛɔ maa naa o dɛnɛ cindaa Hala naa nda Vana naa ciindiaa Yeesu Krista nin-ndo-a sɛvallo ni.

1Nsaŋ 5:20

N sínà vɛlɛ maa Po Hala-o hin, mó ke naa kɔlkaloo le Hala toɲaa sinaa, o ndu nin naa n co ni, le sauma Yeesu Krista Po ndɔ-an. Ndu co Hala toɲaa a yoomu fɛɛn-fɛɛndo ni.

1Nsaŋ 5:7

Seiya nda yáá co seilen tɛndaa ni:

Dɛnnda cɔɔmuanndan 1:11

mo va ya dimullo aa: ‹Sɛva ɲɛ n co cɔw-vo o sɛbɔɔ nin, mà yoo kundala ŋɔmmɛwlan ndan: Efɛs, Smirne, Pɛrkam, Tiatir, Sarde, Filadɛlfii a Laodisee.›

Dɛnnda cɔɔmuanndan 1:17

Mɛɛ ya ce ndu, mí del ndu o pelon bɛngu maa vana vílɛ́i. Mó handu ya ba ndɔ kɛndɔɔ coo, mó dimi aa: ‹Siòòŋii bii nɔm te! Ya co vana tasoo a vana mɛɛlaa ni.

Dɛnnda cɔɔmuanndan 1:2

Nsaŋ co seiyo ni, maa toɲaa ɲɛ-ɲɛ o ce o sɔɛi Hala-e a o dɛnɛ Yeesu Krista-o o kɔɔ-o yɔŋnun ni.

Dɛnnda cɔɔmuanndan 1:8

Maalii, Hala-Nɔ-Kpaayaa-Kpow-vo dimi aa: «Ya co Alfa a Omeka ni, vana co-o, ó va-o a o co hunɔɔ-o.»

Dɛnnda cɔɔmuanndan 19:13

Doma bɛndu nda yin o koovan nin-ndo va ndu lekɔɔ. Diolan ndu aa: «Sɔɛi Hala-e.»

Dɛnnda cɔɔmuanndan 2:8

«Sɛval mɛlɛkanɔ vanaa laalannda Smirne aa: ‹Ɲɛ vana co vana tasoo a vana mɛɛlaa-o, vana ndóò vi mó muungu yoomu-o dimi-o co hoo ni aa:

Dɛnnda cɔɔmuanndan 21:6

Mó dimul-la vɛlɛ aa: «I cuu tosan, ya co vana tasoo a vana mɛɛlaa ni, kandɔnndo a mɛɛlulan pɛɛn. Vana kolɔɔ bii pɛ, i kenin ndu soon mɛmma yoomaa, o venin a vɔngu le.

Dɛnnda cɔɔmuanndan 22:13

Ya co Alfa a Omeka ni, vana tasoo a vana mɛɛlaa, kandɔnndo a mɛɛlulan.

Dɛnnda cɔɔmuanndan 3:14

«Sɛval mɛlɛkanɔ vanaa laalannda Laodisee aa: ‹Ɲɛ Amiina, sei lo o lediom coo-o, o co sei toɲaa-o, o ɲɛm Hala soli-on cɔwnun o ba-o dimi-o co hoo ni aa: