Nehemi 8:3 - BII BILA

³ Mí Ɛsdras lo isisi sɛbɔɔ dimio o Dio-mamɛnndo hɔl-ndɔ vanpiaandua, vanlaandua a vanáà tiwba le tɔŋndo bilaa biyɔɔ-a o hɔl, kandɔɔ idiiyo háá mí paalen le tiiya o pol. Vana-vana va nilan yaŋɔɔ ɲɛkɛndɛi lɔ́ɔ́ sɛbɛ tɔŋ kon va diminndo-o.

Nehemi 8:3 Iomraidhean Croise

Nehemi 10:29

Mí vanaa tɔ̀a kpow sɔɔnguu nda ikɛi, nda yɔŋnun haa ni: vanaa-solia-lasálàá, leviia, kpalilaa cumulaa ladioa, vanaa solia n'condua, Netiniaa va baalaa o Cɛi-Hala-o nin-nda a naa vanaa sɛyan a vanaa súúla celeŋaa lo icali o lɛŋnden nin telen nda kɔɛ a Israɛlla o biyɔɔ nin-nda-a, naa n lo a yiinannda a tɔŋ Mɛlɛka-o-a pɛɛn. Handɔɔ o laandaa naa, poaa naa a o cuavaa naa laandua nɔ nin kɔlkaloo-a,

Nehemi 13:1

«Telen pilɛ kon, lɔ́ɔ́ nda va sɛbɛ Moise-o dimio vannda kpede o hɔl vakpa-o, má tiiya o fondaa pum, o va o sɛvaa lon maa le fɛɛn a fɛɛn Amɔnnda nda Moabua bɛnda mà luɛi o kunda vanaa Hala-a nin te.

Nehemi 8:1

O kon mí vannda kpow cuungian o lepilɔɔ o fonda co o Dio-mamɛnndo hɔl-ndɔ-o. Má dimul Ɛsdras vana sɛvaa latɔŋndo le hunɔɔ a sɛbɛ tɔŋ Moise-o, tɔŋ Mɛlɛka hendul Israɛlla-o.

Nehemi 8:18

O palɛi kafoei kpow nin, kandɔɔ o paale taselen háá o paale mɛɛlaalen, a va bungɛi ipilɛ dimio o sɛbɛ tɔŋ Hala-o nin maa mɛɛ o sɛvan yɛ. Mí kafoo tosan o palɛi ndii ŋɔmmɛw bɛngu. O paale ŋɔmaandɔlen coo, má tosa bɔŋan lekaando mɛɛ ndóò sɛvan yɛ.

Nehemi 8:4

Ɛsdras vana sɛvaa latɔŋndo va isisi o bàndóó coo, o ndáà baŋ le dɛnɛ kon-ndo. Matitia, Sema, Anaya, Uri, Hilkiya a Maseya a va isisi ndu o ba kɛndɔɔ coo, mí Pedaya, Mikaɛl, Makia, Hakum, Hasbadana, Sakari a Mesulam nda va isisi ndu o ba mɛllo coo.

Nehemi 8:5

Ɛsdras va isisi nɛɛ yesa-a vannda kpow o hɔl, mí vana-vana ca ndu sɛbɔɔ kumbio. Fɔ́ɔ́fɔ̀, mí nda kpow a can o lepilɔɔ.

Marke 12:37

David pila veelu ndu aa ‹Maalii›, vɛ̀ɛ̀ o nɔla yɛ vɛlɛ mò va po ndɔɔ?» Sɛ́lɛ́ bɛndu va lon-ndo va ndu yaŋnɔnndo a kɔlkɛndɔɔ.

Luke 19:48

Kɛ ndáà sina mɛɛ nda tosa le, kani vannda kpow a va ndu nilan yaŋɔɔ ɲɛkɛndɛi.

Luke 8:18

Lelan, la caa taw, le mɛɛ niaa yaŋnun vannda yɛ. Kani a yɔngunin vana nɔ-o, kɛ vana nɔ loo, hali ɲɛ-pɔmbɔ o co yiyanndo maa o nɔ-o, ndu hialunnin ndu.»

Dɛnnda kiilaa 13:15

Ndáà ciiyo sɛbɛ tɔŋndo a sɛbɛla vanaa-tɛɛngaa-diom Hala-a dimio, mí simlacia cɛi lekaan kon dimul nda aa: «Puapilɛa naa, te la nɔ pɛ isɔɔ le vannda yoomuan lueiyo, mɛɛ la dimi.»

Dɛnnda kiilaa 13:27

Vanaa va Yerusalɛm-nda a simlacia ndaa a sina Yeesu le, a bii sɔɔn vanaa-tɛɛngaa-diom Hala-a va nda dimullo o palɛi pɛngiaa yɛ́-yɛ́-i coo-on te. Kɛ má yaala Yeesu mɛɛ vanaa kan dimi yɛ le sɔɔn mun peeloo.

Dɛnnda kiilaa 15:21

Kani o co nin lɔ́ɔ́ levil, mí vannda co tɔŋ Moise-o vanaa celen pɛɛkoo o kobila yɛ́-yɛ́lan nin, a co vɛlɛ ndu dimio o cɛila lekaandan nin o palɛi pɛngiɛi coo lɔ́ɔ́-lɔ́ɔ̀.›»

Dɛnnda kiilaa 16:14

Vanalanɔ pilɛ va nda tɛɛn diolan Lidi, fulaa o kobio Tiatir. Kolala siaŋala volototola báà kalalan ndóò pisi ni, o va Hala piɛiyo. O va naa nilan yaŋɔɔ, mí Mɛlɛka kumbi ndu kɔllo le ɲɛ Pol va dimio-o tueyɔɔ ɲɛkɛndɛi.

Dɛnnda kiilaa 17:11

Mí Yuifia va Beeree-a bii nda ɲɛkɛndɛi hiovɔɔ biyɔɔ haa Tesalonike a bii nda-o coo. Má cɛl sɔɛi Hala-e a kɔlta ndalan kpede. Lepalaa-lepala, a va Sɛbɛ Hala-o yaasiaa le sinaa te toɲaa sɔɔn Pol va dimi-on co ni.

Dɛnnda kiilaa 20:11

O kon kɔɔli, mó hel vɛlɛ, mó yimiyimi buloo, mó dia. Mó sɔaa vɛlɛ háá mí paalen se sia, o kon mó kɔannun.

Dɛnnda kiilaa 20:7

O paale tasele lɔ́ɔ́ coo, mí n bɔɔŋian le ɲɛdiaa dioo, mí Pol va sɔɛi o vannda lo. Ndóò yeema le hiovɔɔ diimandɔɔ, mó lo pɛɛkoo háá di-tɛɛndo.

Dɛnnda kiilaa 28:23

O kon mí simlacia Yuifia hɛli paale celen le bɔɔŋian-ndo. Paale len tiiyaa, mí nda kpow a muungu Pol tofa nɛɛ o va o yiya-a. Cɔn idiiyo háá icɔllo, Pol va nda sɔɔn tɛɛsiallo a Masale Hala len o kɔɔ. O va nda kɔltan pilanndo a tɔŋ Moise-o a á sɔɔn vanaa-tɛɛngaa-diom Hala-a le nda sɔɛi Yeesu-e tiiyallo.

Tɔŋ miingua 31:9

Mí Moise sɛva tɔŋ kon, mó yɔngu vanaa-solia-lasálàá, poaa imamaa Levii-a, a ndáà cua kesu kpema Mɛlɛka-o le kɔlan a ndu-a, a kaasoŋaa kɔlkalua Israɛlla kpow.

1Tesalonikea 2:13

N co vɛlɛ Hala balikaa mello lɔ́ɔ́-lɔ́ɔ̀, kani la bii sɔɛi ndɔɛi niaa tuei naa o lasondo-e, la bii ndi maa sɔɛi n'vanndaciee le, kɛ mí la bii ndi mɛɛ i co sɔɛi Hala-e lekɛ́ndɛi yɛ, sɔɛi co vanaa laalannda baalaa tosaa nin-nde.

Yosue 8:35

Mó dimi sɛbɛ latɔŋ Moise-o kpow, o kɛ́-kɛ̀ o pɔɛɛnun te. Mó dimi lan Israɛlla kpow o hɔl: vanpiaandua, vanlaandua, cuaambɔa a mialaa va icali nda o bɛngu coo-a.

Dɛnnda cɔɔmuanndan 2:29

Vana nɔ pɛ nilan, mɛɛ ndú tuéi ɲɛ Kɔl-Diandaa co kundala vanaa laalannda dimullo-o.›»

Dɛnnda cɔɔmuanndan 3:22

Vana nɔ pɛ nilan, mɛɛ ndú tuéi ɲɛ Kɔl-Diandaa co kundala vanaa laalannda dimullo-o.›»