Nehemi 2:3 - BII BILA

³ O kon mí mulul masaa aa: ‹Masaa, màá va yoomu le fɛɛn a fɛɛn! Kɛ vɛ̀ɛ̀ ya kɛɛ yɛnin kɔllo itambu? Kobi sɛila fuɲaa nia imamaa la co nin-ndo tambu, yinnden le lom koŋnda ndɔlan.›

Nehemi 2:3 Iomraidhean Croise

1Masaa 1:31

Mí Bat-Seba tundun, mó baŋ vulan masaa o labɛngunin, mó tundu hɔlla lɛŋ. Mó dimi aa: «Masaa, màá vá yoomu le fɛɛn a fɛɛn!»

2Masaa 25:8

Vɔsi Nebukanɛsar suili vɔsilan tɔ́ a laŋɔmahiɔɔlu o masalen-ndo, o paale ŋɔmmɛwndɔlen coo o paangii ŋuɛɛnundɔɛi nin, mí Nebusaradan luɛi Yerusalɛm. Vana bɛndoo pum Nebusaradan kon va masaa Babilɔn o ba bɛngu ni, ndu va bolle vanaa va masaa kandaa-a ni.

2Dɛnnda lemasalan 21:20

Yoram ndóò nɔ vɔsilan beleyaa a latiɔn, mó siŋnun masaa. Mó tosa masalen vɔsilan tan ŋɔmaa Yerusalɛm, mó vu. Vana-vana mɔnɛi bii le piɔ́m ndɔɔ le. Má kumbu ndu o Kobi David-o nin, kɛ o co o sɛila ndáà kumbu masaa lan nin te.

2Dɛnnda lemasalan 28:27

Mí Ahas diam fuɲaa ndɔa mamaa ciee-piɔ́m, má kumbu ndu o kobio Yerusalɛm nin, kɛ a kumbu ndu o sɛila masaa Israɛl nin te. O kon mí Esekia po ndɔ koma sul masaa o fonda ndɔɔ.

2Dɛnnda lemasalan 32:33

Esekia vuo, má kumbu ndu o pembei coo nɛɛ sɛila poaa David-a la va-a, mí Yudaa a vannda Yerusalɛm kpow a sangala ndu o biisi ndɔɔ coo. O kon, mí Manase po ndɔ koma sul masaa o fonda ndɔɔ.

2Dɛnnda lemasalan 36:19

Mí Babilɔnnda loam Cɛi-Hala-o, má komba kpakio Yerusalɛm, má loam cɛila kɛndɛ-kɛndɛlan, má tɛɛmbuu ɲɛm báà kalan va o kobi kalaa nin-ndon kpow.

Nehemi 1:3

Má mulul-la aa: ‹Vanaa tɔ̀a lo yoomu fulaa o cɛlen nin-nda co lon, o tàndá Yuda-o nin. Kɛ ɛnɛ palaa a siɛmbula bɛndulan koni la co nda coo ni, kpakio Yerusalɛm co o buulua kpow, koŋnda ndɔlan bɛɛ la ŋɔɛ.›»

Nehemi 2:13

Mí kei a ba dio Bóllo, mí kɔa a ba Pee tambálakáà, mí kɔa a ba Dio-puulu-sállo, le kpaki tambɛi va Yerusalɛm-ndo mɛɛndianndo a le kɔllo keeliaa o koŋnda ndɔla yinnden le lom-ndan coo.

Ɛstɛr 8:6

Kani vɛ̀ɛ̀ ya lo yɛnin tofaa mì dɛnɛ palaa tol vanaa nia coo? Bàà mì lo tofaa mì polale vanaa nia le cuu?»

Condii lisai 102:14

Ɲííye biinin nɔm a vannda Siɔn, kani telenndo co hoo ni, le nda kɛndɛi tosallo, a toɲa, telenndo tiiya.

Condii lisai 102:15

Powtan ndan vanaa baalaa nɔmnda kaola ni, ɲííye bii nda a cɛila bémbélan ndan.

Condii lisai 137:6

Màá sondoo vesa ya, te i ve lɛ loonɔn a nɔm o kɔɔ, mà siŋnun ɲɛ yɔngu ya ɲaaloo o kɔl ɲɛkɛndɛi-yo le!

Condii lisai 38:7

I bɛpɛla a sangaa mì yɔkpa yɔkpaa pila, niinoo kpɛŋ i co o mɔnɛi nin.

Yeremi 52:12

Vɔsi Nebukanɛsar suili vɔsilan tɔ́ a laŋɔmahiɔɔlu-o, paangii ŋuɛɛnundɔɛi va malɔ tɔ́, mí Nebusaradan luɛi Yerusalɛm ciee. Ndu va bolle vanaa kandaa masaa Babilɔn ni, o va vana pilɛ o vanaa masaa Babilɔn ndóò laalan taw-va tɛɛn.

Cɛɛŋɔnnda Yeremi lan 2:9

Mí koŋnda kobi kalaa la deli, mí la luɛi lɛŋ. Mí Mɛlɛka tɛɛmbuu sɔkɔma ndan. Masa ndɔɔ a simlacia ndɔa kpow a co a biyaa vanaa-mangalaa-isɔɔa o ba. Vana-vana co lɛ le vannda tɔŋndo pɛɛkoo le. Hali vanaa-tɛɛngaa-diom Hala-a, a co lɛ levundu cɔ fulaa Mɛlɛka o ba le.

Daniɛl 2:4

Mí vanaa viamaa yavaa kan mulul masaa o aramei nin aa: «Masaa, màá viow yoomu fɔ́! Dimul buɛyaa nɔmnda lɔma n sɔl-lan. O kon, mì n cɔm nɔm kɔlɔ ndɔɔ.»

Daniɛl 3:9

má dimul ndu aa: «Òó masaa, màá viow yoomu fɔ́!

Daniɛl 5:10

Mɛɛ kalaa masaa tuei sɔɔn mun, mó hun o cɛi kafo kon nin, mó dimul masaa aa: «Òó masaa, màá viow yoomu fɔ́! Yiyan nɔmndo laasian te. Kɔɔle nɔmnden le mangalan te.

Daniɛl 6:21

Mɛɛ o va sɔɔnguuo o soon kon ikɛi, mó veelu Daniɛl coocoo a mɔnɛi. Mó ɲuna ndu aa: «Daniɛl! Vana baala Hala yoomaa, vɛ̀ɛ̀ Hala nɔm n co baalaa tosallo lɔ́ɔ́-lɔ́ɔ̀-o tiw pá ba nɔm baŋaa yàlàá o ba?»

Daniɛl 6:6

Mí langbaa kan dimulan aa: «N seelunnin nɛi oo nɛi le ndu lɔlɔɔ le, fɔ mì n saalun dɔ́ɔ́ o pilɛ o tɔŋnda Hala ndɔɔ nin dɛ!»

Tɔŋ lasálàá 26:31

I siinguunin kobila niaalan bémbélan, mì siinguu sooluula niaalan pɔmndan. Sálàla niaala cun kɛndɛlan la hɛnan ndɛnin ya cun te.