Nehemi 11:1 - BII BILA

¹ Simlacia va vannda coo-a a va icali Yerusalɛm. Mí vanaa tɔ̀a mal siondei, haliko mi vana pilɛ o n'van tɔ́ oo n'van tɔ́ tɛɛn o hin calle o kobi diandaa Yerusalɛm nin, o kon mì vanaa ŋɔmahiɔɔlua tɔ̀a nda lo o kobila ndalan nin.

Nehemi 11:1 Iomraidhean Croise

1Dɛnnda lemasalan 26:13

Má mal siondei mɛɛ yungula ndalan la va yɛ le diola luɛyaala ndáà bɛnda le cumullo lan piɔwvo cuaambɔa a kaasonnda tɛɛn kpen-kpen.

1Dɛnnda lemasalan 8:28

Haa yɔŋnun bolii lapangɛi mɛɛ polama ndan ma va yɛ ni. Yerusalɛm nda va icali ni.

1Dɛnnda lemasalan 9:1

Má cɔm Israɛlla kpow, má sɛva nda diolan a yungula yɛ́-yɛ́lan o sɛbɛ masaa Israɛlla nin. Kɛ vanaa va Yuda-a lo o lediom coo a Hala le, lelan má kɔa a nda Babilɔn o cɛlen nin.

1Dɛnnda lemasalan 9:2

Vanaa yɔŋnun vanaa tasea le muungoo o kobila ndalan nin má kɔ mingin yondola ndalan o ba-a yɔŋnun Israɛlaa tɔ̀a ni. O nda kɔɔli, mí vanaa-solia-lasálàá, leviia a vanaa va baalaa o Cɛi-Hala-o nin-nda bɛɛ a muungu.

1Dɛnnda lemasalan 9:3

Mí vannda pum o polale Yuda len nin, vannda pum o polale Bɛnyamɛn-nden nin, vannda pum o polale Efraim-nden nin a vannda pum o polale Manase len nin a kɔ kila caltan Yerusalɛm.

Nehemi 10:34

Volin mun vanin le bulula sálàla nda kɛ̀sì Mɛlɛka o hɔl-tan piondɔɔ, le sálàla loamaalan a le ɲɛm-kéan latɔlɔn yɔngun lepalaa-lepala-on, le sálàla vana soli o paale pɛngiaalen coo lan a le sálàla paangun sɛnɛilan, le sálàla solin o palɛi celeŋii kafoei coo lan, le ɲɛm-kéan celeŋun co le Hala-on a le sálàla Israɛlla yɔngu le hakio sɔlaa malɔɔ lan. Volin mun n vanin vɛlɛ le baalala bɛɛndiaa Cɛi-Hala lan.

Nehemi 11:18

Leviia va o kobi diandaa nin-nda va faw-faw n'van kɛmɛ lediin a belaŋɔmaa a à hiɔɔlu (284).

Condii lisai 122:5

O nɔmndo kpɛŋɛla lemasalan la co ni, kpɛŋɛla lemasala yungu David-o pɛɛn.

Condii lisai 122:6

La piɛi, mì Yerusalɛm sɔla kɔlɲuloo. Màá vanaa kaola Yerusalɛm-nda vannun nila ɲulu!

Talelan 16:33

Vana mal bɛɛ siondei le dɛnɔɔ pum sinaa, Mɛlɛka nɔ diomnde mɛɛlaalen ni.

Esai 48:2

Kani la co diolan puuvo aa: «Vanaa co o kobi diandaa nin-nda.» Mì la co Hala Israɛl-lo tiindanndo coo, Hala nɔ diolan aa Mɛlɛka-Nɔ-Kpaayaa-Kpow-vo pɛɛn.

Esai 52:1

«Tiondu! Tiondu! Cɔn a mayoomu, nɔm Siɔn! Vownun volɔɔla nɔmnda sɔvɛ-sɔvɛlan, nɔm kobi diandaa Yerusalɛm! Kani kɔ̀ndénɔ piaandu luei lɛnin o nɔm ndo le, vana nɔɔlɛi luei lɛnin o nɔm ndo le.

Matie 27:53

Má fula o sɛilan nin. Yeesu tendullo niko, má luɛi o ciee diandaa nin, mí vanaa bɔɔ-bɔɔ ca nda.

Matie 4:5

Mí masa ɲinaa vɔɔnda kɔa a ndu o kobi diandaa Yerusalɛm nin, mó kɔ kɛsi ndu o Cɛi-Hala-o tullo,

Dɛnnda kiilaa 1:24

O kon kɔɔli, má piɛi Hala aa: «Maalii, a sínà yiyannda vannda kpow, cɔm vana n hɛli o vanaa ŋiɔnda ha tɛɛn

Dɛnnda kiilaa 1:26

Ndáà malɔɔ siondei, mí sionnden le bii Matias, o kon má handu ndu o kunda kiilaa tɔ́ a ò pilɛa coo.

Yosue 18:10

Mí Yosue mal siondei Silo Mɛlɛka o hɔl le Israɛlla, mó piɔw nda lɛŋnden tɛɛn, mó ke lepola oo lepola yondola ndɔlan.