Nehemi 1:3 - BII BILA

³ Má mulul-la aa: ‹Vanaa tɔ̀a lo yoomu fulaa o cɛlen nin-nda co lon, o tàndá Yuda-o nin. Kɛ ɛnɛ palaa a siɛmbula bɛndulan koni la co nda coo ni, kpakio Yerusalɛm co o buulua kpow, koŋnda ndɔlan bɛɛ la ŋɔɛ.›»

Nehemi 1:3 Iomraidhean Croise

1Masaa 9:7

i toawnin Israɛlla mì faŋa nda o lɛŋnde ya yɔngu nda le calle nin-nden nin, mì faŋa vɛlɛ hɔlla o Cɛi yáà dindi hoo o diola nilan-ndo coo. O kon kɔɔli, i tuisinin Israɛlla siɛmbulan, mì vanaa-mangalaa-isɔɔa kpede a mam nda.

2Masaa 25:10

Mí vanaa cɔvaa Babilɔnnda kpow, a va simlacia vanaa kándà masaa-a ikɛi-ya koombiaa kpaki bɛndu va Yerusalɛm balɔɔ sɔ́-o.

2Dɛnnda lemasalan 36:19

Mí Babilɔnnda loam Cɛi-Hala-o, má komba kpakio Yerusalɛm, má loam cɛila kɛndɛ-kɛndɛlan, má tɛɛmbuu ɲɛm báà kalan va o kobi kalaa nin-ndon kpow.

Ɛsdras 2:1

O yungula Nebukanɛsar masaa Babilɔn ndóò kɔɛ o biyɔɔ nin Babilɔn-nda nin, vanaa muungu Yerusalɛm a o tàndá Yuda-o nin yɔŋnun haa ni, mí vana-vana kɔ cal o kobi ndɔɔ nin.

Ɛsdras 5:8

Masaa, sina pɛngu maa n kɔɛ o tàndá Yuda-o nin, mí n kɔ tiiya háá o Cɛi-Hala-o dí, Hala bɛndoo pɛɛn. A kandu Cɛi kon mingio tangullo a powta sialaalan. A co yɔmnde vowvo o cìì Cɛi kalaa nin. Vali kalaa co tosanndo a taasio ɲɛkɛndɛi, o co bɛndaa nda o ba taw.

Nehemi 11:3

Tofa vɔ simlacia fula o kobila bɛndulan nin, má hun cal Yerusalɛm-nda. O vanaa fula o kobila co o tàndá Yuda-o nin-nda tɛɛn, mí vana-vana cal o kobi ndɔɔ nin, vana-vana o fonda ndɔɔ, vanaa kan yɔŋnun haa ni: Israɛlla, vanaa-solia-lasálàá, leviia, Netiniia-a a poaa buɛyaa Salomɔn-nda.

Nehemi 2:13

Mí kei a ba dio Bóllo, mí kɔa a ba Pee tambálakáà, mí kɔa a ba Dio-puulu-sállo, le kpaki tambɛi va Yerusalɛm-ndo mɛɛndianndo a le kɔllo keeliaa o koŋnda ndɔla yinnden le lom-ndan coo.

Nehemi 2:17

«O kon, mí dimul nda aa: ‹Niaa pila co cɔu dɛnɛ palaa co naa coo-o! Yerusalɛm tambu, koŋnda ndɔlan la cuu ŋɔ! Lelan, la hun mì n mingin kpakio Yerusalɛm cɔvɔɔ haliko mi siɛmbulan ndan la faŋan nin naa coo›

Nehemi 2:3

O kon mí mulul masaa aa: ‹Masaa, màá va yoomu le fɛɛn a fɛɛn! Kɛ vɛ̀ɛ̀ ya kɛɛ yɛnin kɔllo itambu? Kobi sɛila fuɲaa nia imamaa la co nin-ndo tambu, yinnden le lom koŋnda ndɔlan.›

Nehemi 7:6

Mí vanaa bɔɔ-bɔɔ a fula o yungula Nebukanɛsar, masaa Babilɔn, ndóò bii o cɛlen nin-ndan nin, má muungu Yerusalɛm a o tàndá Yuda-o nin. Mí vana-vana muungu o kobi o fula-o nin.

Ɛstɛr 1:1

O telen Sɛrsɛs-o dɛnndan ndan la yɔŋnun ni. Sɛrsɛs kon pɛɛn, ò masale ndɔlen le va kandɔɔ o lɛŋnde Ɛnde len, kɔlan tiiyaa háá Kus-o. Faw-faw, tàndàlan kɛmɛ a bidiin a laŋɔmmɛw la va o masale ndɔlen nin ni.

Condii lisai 79:4

Vanaa naa n cɛɛlan-nda co naa yeowlan, vanaa balu naa-a co naa mamɔɔ.

Talelan 25:28

Vana tiw kɔl ndɔɔ ba loo co ko maa kobi kpaki ndɔɔ komba mò lonnun fondo fúú-o.

Esai 43:28

Lelan ya cii simlacia co o Cɛi-Diandaa nin-nda labɛɛ ni, mí tɛɛmbuu polale Yakɔb len, mí tosa mí vannda yeow Israɛlla yeowlan pila.

Esai 5:5

I co niaa niko dimul mɛɛ ya co hunɔɔ tosa a nakɔ ni n'rɛsɛn kalaa yɛ. I co kpalion suingi mì visia luɛi, mà de ndu. I co kunga ndɔɔ puusiaa, mò nɛwnun a labɛngu!

Yeremi 24:9

O kon siòònde biinin masɛi co o ceendo coo-e kpow a dɛnɛ palaa ya tuisinin nda coo-o. O lɛŋii ya sɛŋinin nda nin-nde kpede, vannda vanin tɔɔmaseloo cuaa a nda, le vanndo siɛmbulan tuisio, le ndu mamɔɔ, le ndu yeowlan a le ndu dangaa dɔvɔɔ.

Yeremi 29:18

I toalnin nda kɔɔli a cɔwvo, yima fofolan, mì tol nda vɛlɛ kɔɔli a nàà n'kɔnyaa. I co mɔnɛ soli a nda, mì siòòŋii bɛnduei bii masɛi co o ceendo coo-e kpow. O lɛŋii kɛ́-kɛ̀ ya toawnin nda nin, nda vanin tɔɔmasele vannda vanin cuaa le mɛnaa a le sɔɛi vɔɔn-vɔɔnde, te kon te sɔɛi lasiɛmbuei pum tuuvo ni.

Yeremi 39:8

Mí Babilɔn-nda loam cɛi masaa a cɛila vannda. Má komba kpaki va Yerusalɛm balɔɔ-o.

Yeremi 42:18

Kani diom Mɛlɛka-Nɔ-Kpaayaa-Kpow-vo, Hala Israɛlla dimi-o co hoo ni aa: «Maa mɛɛ yáà tuulu kɔl taw a vannda Yerusalɛm yɛ, lende koni ya tuulunin vɛlɛ kɔl a niaa ni, te la kɔɛ pɛ Esipte. Vannda vanin tɔɔmaseloo cuaa a niaa le mɛnanndo, te kon te le sɔɛi vɔɔŋii bɛnduei pum dimio. Nduyɛ la ci lɛnin lɛŋnden nden lɔ́ɔ́-lɔ́ɔ̀ le.»

Yeremi 5:10

La hel o kungala ndɔlan mì la tɛɛmbuu, kɛ la tɛɛmbuu ndu kpow le. La bɛɛsiaa lɛvun ndɔn, kani o co Mɛlɛka le nɔ mun te.

Yeremi 52:14

Mí vanaa cɔvaa Babilɔŋaa va bolle vanaa kàndàà masaa kɔɔli-a komba kpaki ndóò balu Yerusalɛm-ndo.

Cɛɛŋɔnnda Yeremi lan 1:7

Telen Yerusalɛm va o siɛmbulan nin mó va kelan fondoo-o, mó loonun a ɲɛm sɔvɛn ndóò nɔ kabi paandu-on kpede. Telen yaamɔɔa bii vanaa ndɔa vana-vana ve le nda mala loo, mí yaamɔaa ndɔa kan va ndu tofaa, má ndu mamɔɔ le tambii ndɔɛi.

Cɛɛŋɔnnda Yeremi lan 2:9

Mí koŋnda kobi kalaa la deli, mí la luɛi lɛŋ. Mí Mɛlɛka tɛɛmbuu sɔkɔma ndan. Masa ndɔɔ a simlacia ndɔa kpow a co a biyaa vanaa-mangalaa-isɔɔa o ba. Vana-vana co lɛ le vannda tɔŋndo pɛɛkoo le. Hali vanaa-tɛɛngaa-diom Hala-a, a co lɛ levundu cɔ fulaa Mɛlɛka o ba le.

Cɛɛŋɔnnda Yeremi lan 3:61

Mɛlɛka, a tuei ɲɛ va nda fulaa o sondo-o, a sina dúmbúla ndáà tuu le ya lan kpow.

Cɛɛŋɔnnda Yeremi lan 5:1

«Éé Mɛlɛka! Loonun a dɛnɛ komal naa-o. Tofa vɔ, ma ce siɛmbula co naa coo lan.

Tɔŋ lasálàá 26:31

I siinguunin kobila niaalan bémbélan, mì siinguu sooluula niaalan pɔmndan. Sálàla niaala cun kɛndɛlan la hɛnan ndɛnin ya cun te.

Tɔŋ lasálàá 26:33

I saŋnin niaa vanaa-mangalaa-isɔɔa tɛɛn, lɛŋnde niaalen le lonin fondo, mì kobila niaalan la siŋnun pɔmndan.