Luke 9:54 - BII BILA

⁵⁴ Mɛɛ kaandeŋaa ndɔa Nsaki nda Nsaŋ a ce kon, má ɲuna aa: «Maalii, vɛ̀ɛ̀ a yeema mì n tuisi yinnden fulaa o halataala mì le lom vannda ha?»

Luke 9:54 Iomraidhean Croise

2Samiɛl 16:9

O kon mí Abisai, po Seruya-o ɲuna masaa aa: «Le yɛɛ mì tun vílɛ́iyo ho va nɔm masaa, nɔm vana bɛndoo yeowlan nuaa? Mɛi-yɔ mì kɔ kiolu ndu bollen!»

2Samiɛl 21:2

O kon mí masaa veelu Kabaɔnnda, mó soaa o nda lo. Kabaɔnnda ve cuavaa Israɛl te, o Amoriia tɔ̀a lo yoomu-a nin ndáà fula ni. Mí Israɛlla ndáà yiilu nda paandu kpemaa maa ndáà yɔŋnin nda ɲɛ-ɲɛ le. Kɛ mí Saul va kindinndo le nda ciiyo le kaola bɛndu ndóò kaola Israɛlla a Yudaa-o.

2Masaa 1:9

Mí masaa Ahasia viam simlacinɔ kunda n'van beleŋuɛɛnu-o a n'van beleŋuɛɛnua ndɔa kan. Mí simlacinɔ kon kɔa o Elii lo nɛɛ o va o pembei bollen-nda, mó dimul ndu aa: «Nɔm vana-tɛɛngaa-diom Hala-o sei, masaa dimi aa nɔm tol!»

2Masaa 10:16

Mó dimul ndu aa: «Hun n kɔ, ma ce kaola paŋalaa co ya o kɔl le Mɛlɛka-o.» Má kɔa nda ndu latulu o ɲɛ ndɔ ɲaanan soa nan-ndo nin.

2Masaa 10:31

Kɛ a kon kpow, Yehu cɛl le kelaa a kɔl ndɔɔ kpow o tɔŋ Mɛlɛka, Hala Israɛlla-o coo le, o soli balan o pɔwla Yeroboam ndóò mal Israɛlla nin-ndan nin te.

Vana Kɔlkaloo 3:3

Telenndo co le diyɔɔ, telenndo co le singio, telenndo co le puusiaa, telenndo co le tangullo.

Marke 3:17

Nsaki po Sebede-o nda Nsaŋ puapilɛ ndɔ, nda Yeesu ndóò veelu ni aa Boanɛrsɛs, kon co dimio ni aa poaa letaŋnda,

Luke 9:55

Kɛ mí Yeesu mulin o nda lo, mó kpaandian nda.

Dɛnnda cɔɔmuanndan 13:13

Mɛɛ o tosa dɛnnda kaamaala bɛndulan tei, mó tuisi yinnden o lɛŋnden coo fulaa o halataala vannda kpede o hɔl.

Dɛnnda cɔɔmuanndan 13:3

Mí ca ndu bollen lepilɛlen a bolin bɛndoo, vanáà ca ko aa le ndu diyɔɔ ndáà boli ndu ni. Kɛ mí bolin ndɔ kon siangu. Mí vanndacieea co o lɛŋnden coo-a kpow a dɔawnun kɔndɔfili, má del visi tɔɔma kalaa kɔɔli.