Luke 9:42 - BII BILA

⁴² Telen poombɔɔ va Yeesu sɔɔnguuo ikɛi-yo, mí ɲina vɔɔndo mal ndu lɛŋ, mó yusuŋia ndu falon taw. Kɛ mí Yeesu deŋul ɲina kon, mó singi poombɔɔ, mó mingi ndu fuɲa ndɔ o ba.

Luke 9:42 Iomraidhean Croise

1Masaa 17:23

Mí Elii cua niko poombɔɔ, mó toal a ndu, mó kɔ mingul kala ndɔ ndu. Mí Elii dimul ndu aa: «Má cè po nɔmndo! O muungu yoomu.»

2Masaa 4:36

Mí Elise veelu Kehasi, mó dimul ndu aa: «Kɔ veelu kalaa poombɔɔ.» Mí Kehasi kɔ veelu ndu, mó hun o Elise lo. Mí Elise dimul ndu aa: «Cua po nɔmndo!»

Marke 9:20

Poombɔɔ delɔɔ dɔ́ɔ́ Yeesu hɔlten, mí ɲinaa cua ndu, mó biondu, mó del lɛŋ, mó va pimbullo, mí landìlandìo fula ndu o sondo.

Luke 7:15

O kon, mí vana vílɛ́i kon cal, mó kandu sɔɛi. Mí Yeesu mingi ndu kala ndɔ o ba.

Luke 9:39

Ɲina vɔɔndo bii ndu pɛ, o yonda kpélén, o yusuŋia ndu falon taw-taw, landilandio fula ndu o sondo. O co ndu bɔɔ saangiaa, o yala ndu faŋan kɔɔli le.

Luke 9:41

Mí Yeesu dimi aa: «Éé niaa vanaa yɔŋ vɔɔŋaa nɔ haa laalan te-a! Háá telen kuɛɛ ya lo yɛnin niaa ikɛi mì lo biuvɔnndo ho a niaa nuaa? Cuu vɔ ya po nɔm kalaa nanu.»

Luke 9:43

O kon mí kɔndɔfillo bii vannda kpow a bɔɔbɔɔyɛi Hala-e. Le tùú kɔndɔfillo va vannda kpow a dɛnnda Yeesu va tosaa lan-ndo, mó dimul kaandeŋaa ndɔa aa:

Nsaŋ 6:19

Ndáà kɔlan o mɛnndan coo le kilola ŋuɛɛnu, te kon te kilola ŋɔmpum, má ca Yeesu hunɔɔ a ba dɛ̀ndɔ̀ɔ́ va-o o mɛnndan coo, mí siòònde bii nda.

Dɛnnda kiilaa 9:41

Mí Piɛr bii ndu baa, mó simi ndu. O kon kɔɔli, mó veelu niko vanaa laalannda a vanlaandua piaandaa ndaa vi-a, mó cɔm nda ndu.

Dɛnnda cɔɔmuanndan 12:12

Lelan, la dɔwnun ɲaale, nɔm halataalaa a niaa vanaa co lon-nda! Dɛnɛ palaa co le lɛŋnden a le mɛmma ihɛllan! Kani masa ɲinaa vɔɔnda tol o niaa lo a yolɛi, o sínà nin maa telen ndɔɔ co lɛ o bɔɔ le.»