Luke 9:41 - BII BILA

⁴¹ Mí Yeesu dimi aa: «Éé niaa vanaa yɔŋ vɔɔŋaa nɔ haa laalan te-a! Háá telen kuɛɛ ya lo yɛnin niaa ikɛi mì lo biuvɔnndo ho a niaa nuaa? Cuu vɔ ya po nɔm kalaa nanu.»

Luke 9:41 Iomraidhean Croise

2Masaa 5:8

Elise, vana-tɛɛngaa-diom Hala-o tueyɔɔ maa masaa Israɛl sɛɛsian volɔɔlan lekɔɔ, mó viam kiilaa le ndu kɔlan ɲunaa aa: «Le kɔlɔ yɛɛ nɛ n sɛɛsian yɛ volɔɔlan lekɔɔ? Langbanɔ kon hún o ya lo. O sinanin maa vana-tɛɛngaa-diom Hala-o co o lɛŋnde Israɛl-ten nin.»

Condii lisai 78:8

O kon nda ve lɛnin maa lambila fuɲaa ndaa mamaa le, a kɛɛ kan sɔɛi Hala-e biyɔɔ, má kindi nilan-nda pɛɛn, vanaa mangala kan yiyanndan a Hala, má kɛɛ le lou o lediom coo-a.

Fulaa 10:3

Mí Moise nda Aarɔn a kɔa o Faraɔnnɔɔ lo, má dimul ndu aa: «Mɛlɛka soo nuaa ni, Hala Hebreea pɛɛn aa: ‹Vɛ ma va kɛɔ tuisinndo ya o labɛngunin? Mel-la cuavaa niaa mà kɔ biilu ya.

Fulaa 16:28

O kon mí Mɛlɛka ɲuna Moise aa: «Lɔ́ɔ́ kuɛɛ kpeekpei niaa bii yɛnin silala nilan a tɔŋnda nilan?

Yeremi 4:14

«Yerusalɛm, dindin kɔl, haliko ma sɔla cindaa. Háá telen kuɛɛ kpeekpei n solin yɛnin yiyannda vɔɔnndan o kɔl?

Kundalan 14:11

Mí Mɛlɛka dimul Moise aa: «Mì vannda ha lo ya pɛɛsaa háá lɔ́ɔ́ kuɛɛ nɛ? Mà lo ya kɛɔ laalanndo háá lɔ́ɔ́ kuɛɛ nɛ? Nduyɛ, i tosa sɔɔn kaaman taw nda tɛɛn.

Kundalan 14:27

«Mì mal vɛlɛ vanaa lanila kalua ha ya ciŋilanndo háá lɔ́ɔ́ kuɛɛ nɛ? Kani i tuei caŋnda Israɛlla co lɔ́ɔ́-lɔ́ɔ̀ a ya ciŋilanndo lan.

Matie 11:28

Niaa volɔɔlan la co o lebol mì la va o sangaa nin-nda kpow, la hun o ya lo, mì ke niaa pɛngio.

Matie 12:39

Mó mulul nda aa: «Vanndacieea paale haulen nden a vɔw bɔɔ! A lo o lediom coo a Hala le, a yeema le dɛnɛ kaamaa cɔu, kɛ a cinin o kɛ́-kɛ̀ faŋanndo o dɛnɛ kaama Yonas vana-tɛɛngaa-diom Hala-o kɔɔli le.

Matie 12:45

o kɔ cua ɲinaa vɔɔŋaa celen, a hiow ndu vɔwlen-nda a ŋɔmmɛw, o luɛi a nda, a kɔ cal cɛinin ndon. Ceen vana kon cɔɔlú levɔw hiovɔɔ ceen ndɔ paandoo coo. Lende koni i yɔŋnunnin a vanndacieea vɔɔnda ha paalen nden hau ni.»

Matie 16:4

Vanaa vɔɔnda a vanaa suundɛiya ha yeema le dɛnɛ kaamaa cɔu! Kɛ dɛnɛ kaamaa celen cɔmnunnin nda o dɛnɛ Yonas-o kɔɔli le.» O kon mó mɛi nda, mó kɔannun.

Matie 17:17

Mí Yeesu muli aa: «Éé, niaa vanaa nila kalua a vanaa laasiannda ha! Háá telen kuɛɛ nɛ ya lo yɛnin niaa ikɛi? Vɛ̀ɛ̀ kpɛ́ ya lo yɛnin biwnɔnndo a niaa? La cuu ya ndu nanu.»

Matie 23:36

I co niaa toɲaa dimul, sɔɔn mun kpow n toalnin vanndacieea vaalio coo.»

Matie 3:7

Nsaŋ ndóò cɔu maa Faliisia a Sadusea co hunɔɔ taw le yinɔɔ sɔlaa, mó dimul nda aa: «Niaa cuavaa hɔ̀ɔ̀lɔ́a ha! Nɛ̀ɛ́-nɛ̀ dimul-lɛ niaa le kɔltuw Hala co nin hoo kpɛɛlun-ndo ɲaanɔnndo?

Marke 10:14

Yeesu cɔu lende, mó tambu kɔllo, mó dimul nda aa: «La mal cuaambɔa pɔmbɔa hunɔɔ o ya lo, la kuuna nda le, kani le vanaa co maa nda-a masale Hala len le co ni.

Marke 10:49

O kon mí Yeesu sim, mó dimi aa: «La veelu ndu.» Má veelu vana sumɛi kalaa, má dimul ndu aa: «Lueí yoomuan, cɔn, o co nɔm veeloo.»

Marke 9:19

Mí Yeesu mulul nda aa: «Kpòkóó, niaa vanaa nila kalua ha! Háá lɔ́ɔ́ kuɛɛ ya lo yɛnin niaa ikɛi? Háá lɔ́ɔ́ kuɛɛ ya lo yɛnin niaa biuvɔnndo? La cuu ya poombɔ kalaa!» O kon má yoo ndu ndu.

Luke 8:25

Mí Yeesu ɲuna kaandeŋaa ndɔa aa: «Kuɛɛ laalan niaa co yɛ?» Mí siòònde bii nda taw, má dɔawnun kɔndɔfili. Má muungu ɲuunianndo vellaa-velle aa: «Vana súú yɛɛ fallo ho co yɛ? Hali hoeiye a mɛnndan, mi ma tuɛi ndu diom.»

Luke 9:40

I tɛɛlun kaandeŋaa nɔmnda le ɲina kalaa tovɔɔ ndu kɔɔli, kɛ a tiwba le.»

Luke 9:42

Telen poombɔɔ va Yeesu sɔɔnguuo ikɛi-yo, mí ɲina vɔɔndo mal ndu lɛŋ, mó yusuŋia ndu falon taw. Kɛ mí Yeesu deŋul ɲina kon, mó singi poombɔɔ, mó mingi ndu fuɲa ndɔ o ba.

Nsaŋ 14:9

Mí Yeesu dimul ndu aa: «O co lɛhau le naa n co latulu naa niaa le Filipe, yee a kon kpede a sina vɔ ya le? Vana ce ya pɛ, mɛɛ Pua o ce lende ni. Le yɛɛ n co yɛ vɛlɛ dimio aa: ‹Cɔm naa Pua›?

Nsaŋ 20:27

O kon, mó dimul Tomas aa: «Siɛndi suei mà vow, tofa ya balan. Siɛndi vɛlɛ baa mà vow ya o ilungbu, pɛngi sikaa mà laalan!»

Dɛnnda kiilaa 13:18

Mó dɔaw nda balo o lɛŋnde veselɛilen nin vɔsilan belehiɔɔlu.

Dɛnnda kiilaa 2:40

Mí Piɛr dimul nda vɛlɛ sɔɔn celen taw, n pilan nda kɔltan mí n luei nda yoomuan-ndon. Mó sila nda aa: «La hiɔlun vanaa laasiannda ha!»

Rɔmnda 2:4

Te kon te vɛ̀ɛ̀ a co vanakɛndɛyɛi bɛndui Hala-e, biuvɔn ndɔɔ a dɛnɛ kɛndɛ ndɔɔ yii luɛyɔɔ le? A co sínà le maa le mangalan nɔmndo Hala co kon kpow tosaa ni?

Tɔŋ miingua 32:5

Hali vanndacieea nda laasian bɛɛ nuaa, ndu Hala, o nɔ dɛnɛ vɔɔn te few! Le laasian nda laasian-ndo, à co lɛ cuavaa ndɔ le. À cuu lɔngɔlian má tambu labɛɛ!

Hebreea 3:19

Ɛ̀ɛ̀ nduyɛ lekɛ́ndɛi, mí n ca maa a nɔla luɛyɔɔ o pɛngi kon nin te, le laalan nda kɛɛ-o.

Hebreea 4:11

Lelan n kindikindin le luɛyɔɔ o pɛngi kon nin, haliko vana-vana del mò bumba le luɛyɔɔ maa fuɲaa naa mamaa lɔ́ɔ́ kon te.

Hebreea 4:2

Kani mɛɛ sɔɛi Hala-e ndíì dimulun vanaa va o lɛŋnde veselɛilen nin-nda yɛ koni i dimulun naa ni. Kɛ sɔɛi nda tuei ken-nde nɛŋi nda mako kɛ́-kɛ̀ le. Kani ndáà tueyɔɔ sɔɛi kalɛi, a laalan ndi le.

Hebreea 7:25

Lelan, Yeesu nɔ kpaayaa le vanaa tiindan ndu le sɔɔnguuo Hala ikɛi-ya ciindiaa le fɛɛn a fɛɛn. Kani o co yoomu le lɔ́ɔ́-lɔ́ɔ̀, o tiwba mo va lɔ́ɔ́-lɔ́ɔ̀ Hala ɲɔɔloo le nda.