Luke 9:26 - BII BILA

²⁶ Kani vana-vana siɛmbulan la bii pɛ le ya a le sɔɔn nun, siɛmbulan la biinin Po vanacieo le vana kon telen o hunnin o biilu ndɔɔ nin, o biilu Fuɲa ndɔ-o nin a o biilu mɛlɛkaa nin-ndo.

Luke 9:26 Iomraidhean Croise

Esai 53:3

Vana vannda ndáà pɛɛsa ma kɛɛ-o o va ni, vana ɲɛ kindilaa o va ni, vana dema sangaa sɔla-o o va ni. Maa vana vannda feŋal hɔlla-o o va ni, ndáà tɛɛndan ndu bɔɔ, ndáà ci ndu ɲɛ-ɲɛ le.

Daniɛl 7:10

Pee bɛndu leyinndo va fulaa mó va hiovɔɔ ndu laci. Mí sɛ́lɛ́ bɛndu-bɛndoo va ndu baalaa tosallo. Mí sɛ́lɛ́ bɛndu cuu cɔm too va isisi ndu laci. Mí vanaa kialaa n'yamaa cal, mí sɛbɛlan la kumbin.

Matie 16:27

Kani Po vanacieo co hunɔ̀ɔ̀ o biilu Fuɲa ndɔ-o nin a mɛlɛkaa ndɔa, o kon o dɔawnin vana-vana vɔ́ngɔ̀ mɛɛ dɛnnda ndɔlan la co yɛ.

Matie 25:31

Mí Yeesu dimi aa: «Lɔ́ɔ́ Po vanacieo hunnin o biilu ndɔɔ nin a mɛlɛkaa kpow-vo, o calnin o kpɛŋɛ ndɔ lemasaa nin.

Matie 26:64

Mí Yeesu mulul ndu aa: «Nɔm pila cii dimi. I co niaa vɛlɛ dimul, la canin Po vanacieo icali Hala vana kpaayaa kpow o ba kɛndɔɔ coo, mo va hunɔɔ o yumbuyumbu halataala-o nin.»

Marke 8:38

Kani vana tosa pɛ siɛmbulan le ya a le sɔɔn nun dimio vanndacieea co haa vaalio ho tɛɛn, a sina haa Hala le-a, a co haa hakilan tosaa-a, Po vanacieo bɛɛ tosanin siɛmbulan a vana kon telen o hunnin o biilu Fuɲa ndɔ-o nin a mɛlɛkaa ndɔa diandaa-o.»

Nsaŋ 12:43

Kani candɔɔla vanndacieea ndáà hiow yeema a Hala nda candɔɔ.

Nsaŋ 5:44

Vɛ̀ɛ̀ niaa nɔla yɛnin laalanndo, la co niaa pila candanndo vellaa-velle, la co candɔɔla Hala lan kínɛí nuwviaa le?

Dɛnnda kiilaa 10:22

Má mulul ndu aa: «Kɔrnɛil co simlacinɔ vanaa cɔvaa kɛmɛa-o vem naa ni. Vana sandaa o co ni, o vo Hala-o, Yuifia kpow a co diola ndɔla kɛndɛlan dimio. Mɛlɛkanɔ diandaa Hala-o dimul ndu ni maa nɔm kɔ o ndu lo cɛinin, mò tuei ɲɛ n kɔ va ndu dimul-lo.»

Rɔmnda 1:16

Siɛmbula co ya le vannda Yoongu kɛndɔɔ tiiyallo le, kani kpaaya Hala ciindiaa vannda-o co kon ni, kandɔɔ a Yuifia kɔ bii niko a vanaa co N'Yuifi le-a.

2Korɛntea 12:10

Lelan i dɔwnun ɲaale le kpaaya lepɛŋndo, le yeowla vannda co ya lan, le ɲɛm nda co ya tuŋɔɔ-on, le yɛle nda co ya tollo-len, a le sangala co ya coo le Krista lan. Kani telen ya nɔ mayoomu loo, telen kon ya sɔlà kpaayaa ni.

Kalatea 6:14

Ya le ya, i sangalannin le ɲɛ-ɲɛ celen te, te o co le yɔm singafilaa Maalii Yeesu Krista-o le, o yɔm kon coo ceendo baŋnun le ya ni, mi ya i baŋnun ndon le ceendo.

1Timote 5:21

I co nɔm ɲuna Hala o hɔl, Yeesu Krista a mɛlɛkaa sɔla hɛlio-a kpow o hɔl, mà bii silalan ndan, hiyan vana-vana le, tosa ɲɛ-ɲɛ a lakafa le.

2Timote 1:12

Lelan ya co vɛlɛ sangalan ndan biuvɔnndo ni. Kɛ siɛmbula co ya le, kani i sínà vana ya tiindan-ndo, i nɔ vɛlɛ kɔlkɛsiaa maa o nɔ kpaayaa le ɲɛ o yɔngu ya-o mandaa háá paale o kialunin yamɛi len.

2Timote 2:12

Te n biwnun pɛ, n tosanin vɛlɛ masalen naa ndaa. Te n kɛɛ pɛ ndu, ndu bɛɛ kɛɛnin naa.

Hebreea 11:26

Mó ca maa sangaa sɔlaa le Krista co fisa a bolofaa Esipte. Kani vɔ̀ngɔ́ va ndu laci-o caando va cɔu ni.

Hebreea 13:13

Mɛɛ n kɔnnun o ndu lo o dɔ́ɔ́ngɔ́ɔ̀ kɔɔli, mì n cɛlnun sɔɔlɛmaa maa ndu.

Yude 1:14

A nda o kɔɔ Enɔk, fuɲa-mama ŋɔmmɛwndɔɔ o Adam kɔɔli tɛɛnguu diom Hala-o ni aa: «La tofa vɔ, Maalii co hunɔ̀ɔ́ a mɛlɛkaa ndɔa diandaa vaalan a vaalan

Dɛnnda cɔɔmuanndan 1:7

Tofa vɔ, o co hunɔɔ o yumbuyumboo nin. Vana-vana canin ndu, hali vanaa cuku ndu-a, vanaa-mangalaa-isɔɔa o lɛŋnden coo kpow a cɛɛŋunnin le ndu. A toɲa, lende i yɔŋnunnin ni. Amiina.

Dɛnnda cɔɔmuanndan 20:11

O kon mí ca kpɛŋɛ lemasa bɛndu humboo pum a vana va icali lenin-ndo. Mí lɛŋnden a halataalaa ɲaanun ndu, má kɔannun polon, vanaa ci lɛ foofo ndaa le.

Dɛnnda cɔɔmuanndan 21:8

Kɛ vanaa isiòònda, vanaa laalan te-a, vanaa tosa mààlan-nda, vanaa diw vannda-a, vanaa tosa dɛnnda laasiɛilan-nda, vanaa mangalaa, vanaa soolaa n'piɔmnda a vanaa lacòòvaa kpede, o dala bɛndu leyin fungoo vanin ŋɔu nin-ndo nin fonda ndaa vanin ni, piɔ́m diinndɔɔ co kon ni.»

Dɛnnda cɔɔmuanndan 3:5

O kon vana nɔlanin-ndo vownunnin volɔɔla humbulan, i vɔɔsuunin diola ndɔlan o sɛbɛ yoomaa nin te, i pialnin diola ndɔlan Fuɲa nuu a mɛlɛkaa ndɔa o hɔl.