Luke 9:22 - BII BILA

²² mó dimul nda vɛlɛ aa: «Mɛɛ mì Po vanacieo sanga taw, mì bɛndua lelɛŋnda, bolii vanaa-solia-lasálàá a vanaa pɛɛkaa latɔŋnda kɛɛ ndu, mò sɔla piɔ́mndo, mò tendu fulaa vanvílɛ́iya tɛɛn o paale yàándɔlen.»

Luke 9:22 Iomraidhean Croise

O Kandɔɔ 3:15

I lueinin vɔvanndo niaa tɛɛn niaa vanalanɔɔ, vɔvanndo vanin cuavaa ndɔa a cuavaa nɔmnda tɛɛn. Po vanalanɔɔ pialnin nɔm bollen, mì nɔm lɔva ndu bɛngu tííndííyo.»

Daniɛl 9:26

O lɔ́ɔ́la belaŋɔmpum a latiɔn ndan kɔɔli, vana nda pɔla pɔla diandaa-o kialunnin. Vana-vana venin le ndu le, yungu simlacinɔ co hunɔɔ-o tɛɛmbuunin kobio a cɛi-diandaa. Kɛ piɔ́mndo hinulnin simlacinɔ kon súlùlù maa o kpundɛ kɔltuw Hala-o nin. O kelun maa háá o mɛɛlulan ndɔlan, o tosanin cɔwvo, mò tɛɛmbuu ɲɔɔn taw.

Sakari 13:7

Ɲɛ Mɛlɛka-Nɔ-Kpaayaa-Kpow-vo dimi-o co hoo ni aa: «Mɔɛi cɔwve! Cɔ́n ma kuel vana mandaa n'cɔlu nuu! Cɔ́n ma kuel vɛlɛ vana naa n co nɛɛ pilɛ-o! Lɔva vana mandaa n'saa, o kon mì saa saŋnun! O kon, i mululunnin saa cuawva, mì diw nda tɛ́ɛ́.»

Matie 17:12

Kɛ mì dimul niaa maa Elii hin nin, kɛ vannda sina ndu le, má tosal ndu mɛɛ ndáà yeema yɛ. Lende koni nda saangiaanin Po vanacieo ni.»

Matie 17:22

Tuma nda va kelaa o tàndá Kalile-o nin-ndo, mí Yeesu dimul kaandeŋaa ndɔa aa: «A malnin Po vanacieo vannda o ba,

Matie 27:63

má dimul ndu aa: «Vana bɛndoo, n loonun maa telen langbanɔ poopoo ho va vɔ yoomu-o, mó dimi aa: ‹Te i vi pɛ, palɛi yaa o kon kɔɔli, i tendulnin.›

Marke 8:31

O kon kɔɔli, mí Yeesu kandu kaandeŋaa ndɔa dimullo maa fɔ mì Po vanacieo sanga taw, mì vanaa bɛndua lelɛŋnda kɛɛ ndu, mì bolii vanaa-solia-lasálàá a vanaa pɛɛkaa latɔŋnda kɛɛ ndu, mà dii ndu. Palɛi yaa o kon kɔɔli, mò tendu fulaa vanvílɛ́iya tɛɛn.

Marke 9:31

Kani o va kaandeŋaa ndɔa pɛɛkoo mò va nda dimullo aa: «Po vanacieo malnunnin vannda o ba, mà dii ndu. Palɛi ndii yáá o kon kɔɔli, o tendulnin mò fula vanvílɛ́iya tɛɛn.»

Luke 17:25

Kɛ mɛɛ mò sanga fɔlɔn o dɛnndan taw nin, mì vanndacieea vaalio ho a kɛɛ ndu.

Luke 24:26

Mɛɛ mì Krista ndóò sanga o dɛnnda lan nin kpow lende lɔ́ɔ́ pá mì ndóò luɛi o biilu ndɔɔ nin.»

Luke 24:44

O kon kɔɔli, mó dimul nda aa: «Telen naa n va vɔ naa niaa latulu-o, mí dimul niaa maa fɔ mì ɲɛ-ɲɛ co o sɛvaa a ya o kɔɔ o sɛbɛ tɔŋ Moise-o nin, o sɛbɛla vanaa-tɛɛngaa-diom Hala-a nin, a o sɛbɛ condii lisai nin kpow-vo ndóò peelun.»

Luke 24:7

‹Mɛɛ mà mal Po vanacieo vanaa lahakia o ba, mà baŋ ndu o yɔm singafilaa coo, o paale yàándɔlen, o tendulnin fulaa vanvílɛ́iya tɛɛn.›»

Luke 9:44

«La yaŋ nilan ɲɛkɛndɛi o ɲɛ ya co niaa dimullo-o: A co hunɔɔ Po vanacieo malɔɔ vannda o ba.»

1Korɛntea 15:4

Má kumbu ndu, o paale yàándɔlen coo, mó tendul maa mɛɛ o sɛvan yɛ.

1Piɛr 1:11

A va kindinndo le telen dɛnnda lan la tosan-ndo a ɲɛ yɔngu dɛnnda lan tosanndo-o sinaa, la Hala Kɔl-Diandaa Krista-o yɔngu lan pɛɛn. O dɛnnda lan nin nda va pɔɔ sangala Krista ndóò sɔlanin-ndan a biilu ndóò sɔlanin o kon kɔɔlio dimio ni.