Luke 9:19 - BII BILA

¹⁹ Má mulul ndu aa: «Vanaa pum co dimio aa nɔm co Nsaŋ Vana-yinaa ni, a pum yɛ aa Elii, a pum co vɛlɛ dimio aa vana-tɛɛngaa-diom Hala va sindɛ, mó tendul fulaa vanvílɛ́iya tɛɛn-ndo n co ni.»

Luke 9:19 Iomraidhean Croise

Matie 14:2

Mó dimul vanaa ndɔa baalaa aa: «Nsaŋ Vana-yinaa ni, o tendul mó fula vanvílɛ́iya tɛɛn. Lelan o nɔ kpaayaa le dɛnnda kaamaalan tosaa nuaa ni.»

Matie 3:1

O telen kon, mí Nsaŋ Vana-yinaa can, mó va kaannden tosaa o lɛŋnde veselɛilen nin o tàndá Yuda-o nin,

Marke 6:14

Mí masaa Herɔde tuɛi sɔɛi ken, kani Yeesu ndóò kela nin tɔ́ɔ́ taw. Mí vannda va dimio aa: «Nsaŋ Vana-yinaa tendu fulaa vanvílɛ́iya tɛɛn, o fula ciee-piɔ́m mó muungu yoomu, lelan o nɔ kpaayaa le dɛnnda kaamaalan tosaa nuaa ni.»

Marke 6:15

A pum a va dimio aa: «Elii ni.» Mì a pum nda va dimio aa: «Vana-tɛɛngaa-diom Hala-o maa haa sindɛ cɛn nuaa ni.»

Luke 9:18

Paale pilɛ, Yeesu va Hala piɛiyo o fonda yilio pum, kaandeŋaa ndɔa va ndu ikɛi, mó ɲuna nda aa: «Vɛ̀ɛ̀ vannda co yɛ dimio a ya o kɔɔ?»

Luke 9:20

Mó ɲuna nda aa: «Kɛ niaa yɛ niko, yɛɛ niaa co yɛ dimio le vana ya co-o?» Mí Piɛr muli aa: «Krista fula o Hala lo-o n co ni.»

Nsaŋ 1:21

Má ɲuna ndu aa: «Nɛ̀ɛ́ n co yɛ? Mò va maa Elii n co ni?» Mó dimi aa: «I co Elii le.» Má ɲuna ndu aa: «Mò va maa vana-tɛɛngaa-diom Hala naa n co cumndo-o ni?» Mó muli aa: «Ɛ-ɛ!»

Nsaŋ 1:25

Má ɲuna ndu aa: «Le yɛɛ n co yɛ niko vannda yinɔɔ, nɔm yɛ a co Krista le, a co Elii le, a co yɛ vana-tɛɛngaa-diom Hala-o le?» Mí Nsaŋ mulul nda aa:

Nsaŋ 7:40

Sɛ́lɛ́ va lon-ndo ciiyo sɔɔn o va dimio-on tueyɔɔ, má va dimio aa: «Vana-tɛɛngaa-diom Hala-o kpeekpei langbanɔɔ ho co ni.»

Nsaŋ 9:17

O kon má muungu, má ɲuna vɛlɛ vana va kon o sumɛiyo-o aa: «Nɔm niko, vɛ̀ɛ́ n yiyan yɛ a langbanɔ kumbi nɔm hoo hɔltan-ndo?» Mó muli aa: «Vana-tɛɛngaa-diom Hala-o o co ni.»