Luke 8:43 - BII BILA

⁴³ Nduyɛ vanalanɔɔ pum va lon, naa pulɔn ivanalanɔyaa va ndu, ndóò cii nin vɔsilan tɔ́ a latiɔn. Ndóò cii nin ɲɛ ndɔ sɔlaa kpede pisi o dɔtɔlɔa lo, kɛ vana-vana tiwba ndu singio le.

Luke 8:43 Iomraidhean Croise

2Dɛnnda lemasalan 16:12

O vɔsi beleyaa a o ŋɔmahiɔɔlundɔɔ nin, o masale ndɔlen nin, mí nàà n'pelu vɔɔn-vɔɔndo bii ndu, mó sanga taw-taw. Kɛ hali a nàà kàlà-kálà kon, o ɲuna Mɛlɛka le mala sɔla le, mó mulin mandea kelaa kɔɔli.

SƐBƐ YƆB-O 13:4

Kani niaa niaa, còòlan a sɔɔn lacòòvan koni niaa tuu ni. Mandea lacòòvaa niaa co ni.

Condii lisai 108:12

Fɔ nɔm Hala. Nduyɛ, a cii naa malɔɔ, n co lɛ lakɔ naa niaa o cɔwvo le.

Esai 2:22

Yɛɛ nɛ vanacieo co yɛ kpeekpei!» Yoomu co ndu o milin-ndo bendu le. Lelan, la pɛngi vanacieo kɔnganndo.

Marke 12:44

kani nda kpow, volin ndáà nɔ vɔ mako loon nda vow ni, kɛ ndu, ɲɛ va ndu o ba kpow-kpow-vo o hun vow nuaa ni, o ndóò tiindan le dioo-o pɛɛn.»

Marke 9:18

Nɛɛ-nɛɛ o bii ndu pɛ, o mal ndu lɛŋ, landìlandìo fula ndu o sondo, o sɔm ciŋndon, o kon o biondu, o kendu pen. I ɲuna nihau kaandeŋaa nɔmnda le ɲina kalaa tovɔɔ, kɛ a nɔla le.»

Luke 13:11

Nduyɛ vuɛɛndo pum va lon, o ɲina vɔɔndo ndóò soli buue-o. Vɔsilan tɔ́ a laŋɔmaa, o va o sanga kon nin. Ndóò tiw lɛ ba simndan sakpo le.

Luke 13:16

Vuɛɛn fula yɛ hoo niko o polale Abraham-nden coo-o, o Setana ndóò yii o vɔsilan tɔ́ a laŋɔmaa bɛngu-o, bàà ndu ya kɛɛnin singi o paale pɛngiaalen coo ni?»

Luke 8:27

Yeesu tolɔɔ lɛŋ, mí langbanɔɔ pum, ó va o kobi kon nin-ndo hun ndu o ibuŋ, ɲinaa vɔɔnda va ndu nin taw. Ndóò viow nin taw o ve lavolɔɔ vownɔn te, o ve vɛlɛ malɔ cɛinin te, kɛ o sɛilan nin ndóò lɔl ni.

Luke 8:42

kani cuale ndɔle pilɛle ndóò nɔ len le va piɔ́mndo, ndóò nɔ nin vɔsilan tɔ́ a latiɔn. Telen Yeesu va kɔlan lon-ndo, mí sɛ́lɔ́ɔ́ va ndu ŋoviŋovio.

Luke 8:44

Mó sɔɔnguu Yeesu a makɔɔ, mó pilan bɔɔle doma ndɔɔ. Fɔ́ɔ́fɔ̀, mí pulɔn ndɔ ipaangoo cuu.

Nsaŋ 9:1

Yeesu lo hiovɔɔ, mó ca langbanɔɔ pum, o sumɛiyo o velun ni.

Nsaŋ 9:21

Kɛ n sina mɛɛ o looku cɔ yɛ le, hali vana kumbi ndu hɔltan-ndo, n sina ndu le. La ɲuna ndu pila, o co lɛ cuaambɔ le o co le, o cɔmnin niaa mɛɛ dɛnɔɔ tosalan ndu yɛ.»

Dɛnnda kiilaa 3:2

Langbanɔ va namtanɔɔ kabi o violɔn ndɔɔ-o va o dio luɛyaa Cɛi-Hala-o ikɛi, dio ndáà veelu aa: «Naŋɔɔ»-o. Lon ndáà hun a ndu lɔ́ɔ́-lɔ́ɔ̀ ni, le vanaa va hunɔɔ o Cɛi-Hala kon nin-nda ɲɔɔn piɛiyo.

Dɛnnda kiilaa 4:22

Langbanɔ sɔla kon siongɔɔ kaamaa-o ndóò nɔ nin vɔsilan hiovɔɔ belehiɔɔlu coo.