Luke 8:32 - BII BILA

³² Pewva pum a va diólan kundaa o pembei coo. Mí ɲinaa kan tɛɛlun Yeesu maa o cɛl mà kɔ luɛi nda nin. O kon mí Yeesu cɛl.

Luke 8:32 Iomraidhean Croise

1Masaa 22:22

Mí yiyan kalaa muli aa: ‹I co lakɔ, mì kɔ siŋnun yiyan lacòòvaa, mì còòlan la luɛi vanaa-tɛɛngaa-diom Hala-a masaa kpow o lasondo.› O kon, mí Mɛlɛka mulul ndu aa: ‹Mɛɛ a nɔlanin ndu dɛɛniaa lekɛ́ndɛi, fula ma kɔɛ, mà kɔ tosa mɛɛ n dimi nuaa yɛ.›

SƐBƐ YƆB-O 1:10

O co nɔm te co ndu pila, cɛi ndɔɔ a ɲɛ-ɲɛ co ndu o ba kandaa ba-ba fee le? A dɔw kɛvalta ndɔlan duaa, cɔlua ndɔa co kuiyo vɛɛlɛ̀-vɛɛlɛ̀ o lɛŋnde len nin.

SƐBƐ YƆB-O 1:12

Mí Mɛlɛka dimul Setana aa: «Ava, mɛɛ ɲɛm ndɔn kpow n co o kpaaya nɔmndo bɛngu. Kɛ hol ndu pila baa le dɛ!» O kon, mí Setana faŋan Mɛlɛka o hɔl.

SƐBƐ YƆB-O 2:6

Mí Mɛlɛka dimul Setana aa: «Ava, mɛɛ ndu pila co o kpaaya nɔmndo bɛngu. Kɛ yaa baa o yoomu ndɔɔ le dɛ!»

Condii lisai 62:11

La tííndàn delɔɔ coo le, la handu kɔltan o vannda ɲɔɔn puuwvo o laba coo le. Bolofaa niaa va bɛɛ handɔnndo lecoo, la handu kɔltan lecoo le.

Esai 65:4

Vannda ha co icali o sɛilan nin, mà va lɔan o buululan nin, a co visin pewvon dioo, a nɔ ɲɛm dian nɔɔlɛiyon o ɲɛm-laandun ndan nin,

Esai 66:3

Vana kelu pɛ nawvo bololan le ndu sálàá solio, mɛɛ o dii vɛlɛ vanacieo. Vana soli pɛ saa téndóó sálà, mɛɛ o yem vɛlɛ tunndo kɛsɛi. Vana heelu pɛ sálà ɲɛm vàá le ndu cɔmndo, mɛɛ o fasaŋiaa kooma pewvan. Vana lom pɛ ɲɛ loonan lasikɔlɔ ansan, mɛɛ o tosa dɛnɛ nɔɔlɛiyo le piɔmndo sooloo. Vanaa kan kpede a co kɔllo naŋɔɔ o kela ndaa nin, ɲɔɔ co nda hɛnanndo o dɛnnda nɔɔlɛila lan nin.

Tɔŋ lasálàá 11:7

La dia vɛlɛ pewvo le, kani o nɔ buuku tɛndaa a bɛngu piasaa, kɛ o kpukula le, la cɔ ndu maa visi nɔɔlɛiyo o co ni.

Matie 7:6

La ke tunnda ɲɛm diandan te, yɔŋii nda mulin ma kisikisi niaa. La vuulu pewva ɲɛm niaan báà kalan te, yɔŋii nda nɛw mun.»

Luke 8:31

Mí ɲinaa kan a tɛɛlun Yeesu yɔŋii ndóò yɔɔ nda o soon nɔ lamɛɛlu loo nin.

Luke 8:33

O kon má fula langbanɔ kon nin, má kɔ luɛi pewva nin. Mí pevaa kan kpow a hialun o fonda feke-fekeo, má toal a pimbullo o dala va o pembei bɛngu-o nin. Mí nda kpow kɔ miisuu o mɛnndan nin.

Nsaŋ 19:11

Mí Yeesu muli aa: «A nɔ kpaaya kɛ́-kɛ̀ ya coo le, te o co mò kennun nɔm fulaa o halataala le. Lelan, vana mal-la nɔm o ba-o hiow tɛɛmbuu a nɔm.»

1Nsaŋ 4:4

Niaa cuavaa nia, a Hala-a niaa co ni, nduyɛ la nɔla vanaa-tɛɛngaa-diom Hala-a lacòòvaa, kani o co niaa nin-ndo hiow vaa o bɔɔ a o co o ceendo nin-ndo.

Dɛnnda cɔɔmuanndan 20:7

Telen vɔsila vaa pilɛlan la sulnin-ndo, Setana sɔlanin malɔɔ mò fula o kaasoo,