Luke 8:25 - BII BILA

²⁵ Mí Yeesu ɲuna kaandeŋaa ndɔa aa: «Kuɛɛ laalan niaa co yɛ?» Mí siòònde bii nda taw, má dɔawnun kɔndɔfili. Má muungu ɲuunianndo vellaa-velle aa: «Vana súú yɛɛ fallo ho co yɛ? Hali hoeiye a mɛnndan, mi ma tuɛi ndu diom.»

Luke 8:25 Iomraidhean Croise

Talelan 30:4

Nɛ̀ɛ́ hel-lɛ nin o halataala? Nɛ̀ɛ́ cɛn yɛ nin o halataala mó toal? Nɛ̀ɛ́ bii yɛ nin hoeiye o ba ninndo? Nɛ̀ɛ́ vow yɛ nin mɛnndan o volɔɔ ndɔ cuɛinanndo nin? Nɛ̀ɛ́ handu yɛ pɛɛngula lelɛŋndan? Ɔ́ɔ̀ diola ndɔlan? Vɛ̀ɛ̀ po ndɔɔ nɔ yɛ diolan? Taa sinà pɛ, dimul-la!

Talelan 8:29

mó kilul mɛmma ihɛllan kpélénndo, ò ma bɛnda le hiovɔɔ loo. Mó kila fonda lɛŋnden le cal coo-o.

Matie 14:31

Fɔ́ɔ́fɔ̀, mí Yeesu siɛndi baa, mó saa ndu, mó dimul ndu aa: «Laalan nɔmndo dɔɔnan bɔɔ, le yɛɛ n kiisan yɛ?»

Matie 17:20

Mí Yeesu mulul nda aa: «Kani la nɔ laalan bɔɔ le. I co niaa toɲaa dimul, niáà nɔ pɛ laalanndo maa kulii mutarde, niáà nɔla mi niáà dimul pembei he aa: ‹Faŋan o fondaa ho, mà kɔɛ o nda›, mì ndíì faŋan. Ɲɛ-ɲɛ niáà bumbanin tosa le.

Matie 6:30

Te Hala cuɛi-yɔ pɛ billo yondoo nin, o co hau kɛ mò hun va siɔdii viowɔn o yin-ndo, vɛ̀ɛ̀ o kɛɛ yɛnin niaa vanndacieea cuɛyɔɔ hiovɔɔ billo coo? Mbɔ̀ laalan niaa dɔɔnan bɔɔ!

Matie 8:10

Yeesu tueyɔɔ ndu sɔɔn mun dimio, mí ɲɔɔ hɛnan ndu a langbanɔ kon. Mó dimul vanaa va ndu kɔlan kɔɔli-a aa: «Mì dimul niaa toɲaa, hali Israɛl, i seelun-ndɔ vana nɔ laalan bɛndu vaa nuaa le.

Matie 8:26

Mó dimul nda aa: «Le yɛɛ niaa co yɛ a siòònde? Laalan niaa dɔɔnan dɛ!» O kon, mó can, mó kpaa hoeiye a mɛnndan, mí ɲɔɔ mei o lepilɔɔ doŋ.

Marke 4:35

Paalen delɔɔ ɲinkon, mí Yeesu dimul kaandeŋaa ndɔa aa: «N taŋnun o kɔngɔɔ pilɔɔ!»

Luke 12:28

Te Hala cuɛi pɛ billo lende, o co hau yondoo nin, siɔdii mò hun viownun o yin-ndo, vɛ̀ɛ̀ o kɛɛ yɛnin niaa vanndaciee cuɛi hiovɔɔ billo coo? Mbɔ̀ laalan niaa dɔɔnan bɔɔ!

Luke 8:24

Má kɔa Yeesu ikɛi, má tindi ndu a yondaa aa: «Vana bɛndoo, vana bɛndoo, cuuo naa n co nuaa ni!» Mí Yeesu can, mó kpaa hoeiye a mɛmma va iyongban-yongbannde-an, mí ma cal. Mí ɲɔɔ mei kpili.

Luke 8:26

O kon kɔɔli, mí Yeesu nda kaandeŋaa ndɔa tiiya o lɛŋnde Seraseniia len nin, Kalile hɔl-ndɔ lɛŋnde len le co ni.

Nsaŋ 11:40

Mí Yeesu dimul ndu aa: «I dimul nɔm, maa taa laalan pɛ, a canin biilu Hala-o?»