Luke 8:24 - BII BILA

²⁴ Má kɔa Yeesu ikɛi, má tindi ndu a yondaa aa: «Vana bɛndoo, vana bɛndoo, cuuo naa n co nuaa ni!» Mí Yeesu can, mó kpaa hoeiye a mɛmma va iyongban-yongbannde-an, mí ma cal. Mí ɲɔɔ mei kpili.

Luke 8:24 Iomraidhean Croise

Condii lisai 65:7

Nɔm simi pembon yili a yoomuma nɔmndan ni, kani vana kpaaya bɛndoo n co ni.

Esai 50:2

Lɔ́ɔ́ ya hin-ndo, le kɔlɔ yɛɛ vana ve nanu le? Tuma ya veelu-o, le yɛɛ nɛ vana cɛl te? Mò va maa o bingi ba nuu co, mì bumba niaa baŋa ni? Vɛ̀ɛ̀ i nɔ yoomuma bɔɔ le baŋaa le? Tofa vɔ, i kɔngɔlan pɛ, i veeliaa mɛmma ihɛllan, i veeliaa peelan kokolo, suwva vi le kolɔɔ iyeemaa, a sɛ le mɛmma lepɛŋndan.

Yeremi 5:22

Mí Mɛlɛka ɲuna aa: ‹Mɛɛ la nɔ siòòŋii ni le? Mɛɛ la nɔla ɲiiyaa ya o hɔl te? Ya kɛsul mɛmma ihɛllan pɛɛngulan a sióónndon ni, pɛɛngula fɛɛn-fɛɛnnda ma nɔla hiovɔɔ le lan pɛɛn. Mɛ̀ɛ́-mɛ̀ɛ́ ma va biiŋɔnndo, ma nɔ kpaaya má hiaw lan te, mɛ̀ɛ́-mɛ̀ɛ́ ma kuuliaa, ma hiw pɛɛngula lan te.

Nahum 1:4

O kɔngɔlan mɛmma ihɛllan, mí ma vela sɛ́ɛ́n. Ndu veeliaa peelan kpow ni. Bil puiyaa Basan a hoo o pembei Karmɛl yɛngullo vesa kékélé. Yandɔɔ billo Liban ɲɔfɔliaa.

Matie 14:30

Kɛ ndóò cɔu mɛɛ hoeiye va hɔŋndo fúkù-fùkù yɛ, mí siòònde bii ndu, mó kandu tolɔɔ o mɛnndan bɛngu. Mó yonda aa: «Maalii, ciindiaa ya!»

Matie 8:25

Mí kaandennda sɔɔnguu ndu ikɛi, má tindi ndu, má dimi aa: «Maalii, ciindiaa naa, cuuo naa n co nuaa ni!»

Marke 4:39

Ndóò tiondɔɔ, mó soaa o hoeiye lo a kpaayaa, mó dimul mɛnndan aa: «Mei! I tuɛi lɛhau le dɛ!» Mí hoeiye pɛngi hɔŋndo, mí ɲɔɔ mei kpili.

Luke 4:35

Mí Yeesu deŋul ɲina vɔɔn kon aa: «Mei ma fula langbanɔɔ ho nin!» Mí ɲina vɔɔn kalaa mal langbanɔ kon lɛŋ vannda kpow o hɔl, mó faŋan ndu kɔɔli, o yɔŋ ndu ɲɛ-ɲɛ le.

Luke 4:39

Mó tundun ndu coo, mó kpaa dialun tuwvun mun, mí n faŋan ndu. Fɔ́ɔ́fɔ̀, mì vuɛɛn kalaa can, mó ke nda ɲɛdiaa.

Luke 5:5

Mí Simɔn mulul ndu aa: «Vana bɛndoo, ciɛi icɔl pii sangaa naa n lɔl ni, n cue ɲɛ-ɲɛ le. Kɛ le mɛɛ n dimi yɛ, i co yalalan vuu.»

Luke 8:25

Mí Yeesu ɲuna kaandeŋaa ndɔa aa: «Kuɛɛ laalan niaa co yɛ?» Mí siòònde bii nda taw, má dɔawnun kɔndɔfili. Má muungu ɲuunianndo vellaa-velle aa: «Vana súú yɛɛ fallo ho co yɛ? Hali hoeiye a mɛnndan, mi ma tuɛi ndu diom.»