Luke 8:18 - BII BILA

¹⁸ Lelan, la caa taw, le mɛɛ niaa yaŋnun vannda yɛ. Kani a yɔngunin vana nɔ-o, kɛ vana nɔ loo, hali ɲɛ-pɔmbɔ o co yiyanndo maa o nɔ-o, ndu hialunnin ndu.»

Luke 8:18 Iomraidhean Croise

Talelan 14:12

Vanndo pum ce maa kela ndɔɔ sandu, kɛ nduyɛ o mɛɛlulan mì kela ndɔ kon yɛɛ ndu ciee-piɔ́m.

Matie 13:12

Kani vana nɔnin o ba-o sɔlanin cɔɔloo mo kui ndu o ba taw. Kɛ vana nɔ o ba loo ndu, hali o pɔmbɔ co ndu o ba-o hialunnin ndu.

Matie 25:29

Kani vana nɔ ɲɛ o ba-o, a cɔɔlunnin ndu yɔngu, mì ɲɔɔn kui ndu o ba. Kɛ vana nɔ ɲɛ o ba loo, hali o pɔmbɔ co ndu o ba-o, a hialunin kon ndu o ba.

Marke 13:14

Tuma niaa canin vana nɔɔlɛi tɛɛmbua bɛndoo o kɛsiaa nɛɛ o bɛnda le va le-a-o, (vana co sɛbɔɔ dimio-o bɛnda mò bii bila), o tuma kon vanaa vanin o tàndá Yuda-o nin-nda bɛnda ma ɲaanun le kɔnndan o pembon coo.

Luke 19:26

Mí masaa dimi aa: ‹Vana nɔ ɲɛ o ba-o, a cɔɔlunnin ndu yɔngu. Kɛ vana nɔ ɲɛ o ba loo, hali o pɔmbɔ co ndu o ba-o, a hialunin kon ndu o ba.

Luke 9:44

«La yaŋ nilan ɲɛkɛndɛi o ɲɛ ya co niaa dimullo-o: A co hunɔɔ Po vanacieo malɔɔ vannda o ba.»

Nsaŋ 15:2

Lɛvii-lɛvii co pɛ o ya nin, mì i kum te, o kialunin ndi. Lɛvii-lɛvii kom yɛ pɛ, o kɛɛya ndi haliko mi i cɔɔlu komɔɔ.

Dɛnnda kiilaa 10:33

Fɔ́ɔ́fɔ̀, mí viam vannda nɔm kɔɔli. Nduyɛ, a bɛɛndiaa hunɔɔ. Má cè niko naa kpow Hala o hɔl, haliko mi n tuei a ɲɛ-ɲɛ Mɛlɛka vem nɔm dimi o kɔɔ!»

Dɛnnda kiilaa 17:11

Mí Yuifia va Beeree-a bii nda ɲɛkɛndɛi hiovɔɔ biyɔɔ haa Tesalonike a bii nda-o coo. Má cɛl sɔɛi Hala-e a kɔlta ndalan kpede. Lepalaa-lepala, a va Sɛbɛ Hala-o yaasiaa le sinaa te toɲaa sɔɔn Pol va dimi-on co ni.

Rɔmnda 12:3

Le kɛndɛi Hala tosal-la-e, i co niaa dimul maa la cannun niaa pila ɲɛ mò hiow mɛɛ niaa co yɛ le, kɛ la tuisin mì vana-vana cennun mɛɛ o co yɛ, maa mɛɛ Hala ke vana-vana laalanndo yɛ.

1Korɛntea 14:37

Te vana pum cennun pɛ maa vana-tɛɛngaa-diom Hala-o o co ni, te kon te maa Kɔl Hala-o cɔm ndu dɛnɔɔ pum, mɛɛ mò sina maa tɔŋ Mɛlɛka-o sɔɔn ya co niaa sɛvallo-on n co ni.

1Korɛntea 3:18

Vana-vana huinun ndu pila le. Te vana pum o niaa tɛɛn yiyan pɛ maa o nɔ kɔlkalu ivanacieeyaa, mɛɛ o siŋnun diɔmndo mò sɔla kɔlkalu kpeekpeiyo.

1Korɛntea 8:2

Te vanndo yiyan pɛ maa o sínà dɛnɛ, mɛɛ o sínà vɔ mɛɛ o bɛnda le sinaa yɛ le.

Filipea 3:4

Nduyɛ, yáà tiwba mì yáà tiindan dɛnnda n'falulan. Te vana pum co pɛ yiyanndo maa o nɔ dí le dɛnnda n'falulan tiindanndo, mɛɛ ya i hiow vana kon.

Hebreea 2:1

Lelan, o bɛnda mì n handun kɔllo o sɔɔn naa n tuei-yon coo, yɔŋii naa n luɛi o sangaa nin.