Luke 8:15 - BII BILA

¹⁵ Yɛi del o lɛŋnde kɛndɛlen-ndo, ndu co vanaa tuɛi sɔɛi Hala-e, má bii ndi a kɔlkɛndɔɔ a á kɔlta ndalan kpow-va ni, má lo lecoo háá má koam komɔɔ kɛndɔɔ.»

Luke 8:15 Iomraidhean Croise

Condii lisai 119:11

I mandannin sɔɛi nɔmnde ya o kɔl kpan yɔŋii ya cua hakio a nɔm.

Condii lisai 51:10

Tosa mì tuei condun kponyon a condun kɔlkɛndɔn. O kon mì dɔwnun ɲaale, ya vana n yimi hoo paalan-ndo.

Talelan 3:1

«Po nuu sei! Pɔɛɛnun pɛɛkula nilan te, mandan tɔŋnda nilan nɔm o kɔl,

Yeremi 15:16

Mí candu sɔɔn nɔmndon, o kon mí dia mun. N co ya kɔllo nɛŋio, kani le nɔm ya co ni, nɔm Mɛlɛka, Hala-Nɔ-Kpaayaa-Kpow-vo.

Yeremi 31:33

Mɛlɛka dimi aa: ‹Kpema va naa tɛɛn naa Israɛlla-o va hoo ni maa te palɛi ken hiow pɛ, i vownin tɔŋnda nilan nda nin mì sɛva vɛlɛ lan nda o lakɔl. I vanin Hala ndaa mì nda va vanaa nia.

Yeremi 32:29

Babilɔŋaa delnin kobio ho coo a cɔwvo-a malnin ndu yin, mà lom cɛila ndáà lum Baal ansan o yindɔla ndalan coo lan, cɛila ndáà solul ndu sálàla mamɔilan lenin le ya kɔllo tɛɛmbuuo lan pɛɛn.

Matie 24:13

Kɛ vana lonin biuvɔnndo háá o mɛɛlulan-ndo, ndu sɔlanin cindaa.

Luke 11:28

Kɛ mí Yeesu mulul ndu aa: «Lende i co ni, kɛ nduyɛ, vanaa tuei sɔɛi Hala-e má bii ndi-a, le nda dɛnɛ kɛndɔɔ co ni.»

Luke 6:45

Sɔɔn kɛndɛn co vanaciee kɛndɔɔ o kɔl-lon, mun o soli ceen ni. Sɔɔn vɔɔŋun co vana vɔɔndo o kɔl-lon, mun koni ndu bɛɛ soli ceen ni. Kani ɲɛ pia vana o kɔl-lo, ndu sondoo dimi ni.»

Luke 8:14

Yɛi del o yɔɔn nin-ndo, ndu co vanaa tuɛi sɔɛi Hala-e-a, kɛ mí buulanndan, yeemɛi bolofaa a yeemɛi ceende pia nda o lakɔl, a kum ndɛ komɔɔ kɛndɛ le-a ni.

Luke 8:16

«Vana-vana mɛndul fitinaa, mò kuumbuu ndu o kpɛɛnɛi bɛngu, te kon te mò ven ndu o kpeloo bɛngu le. Kɛ nɛɛ vakpaa o kɛsi ndu ni, haliko mi vanaa co luɛyɔɔ-a ce ɲɛ-tengaa.

Nsaŋ 14:15

«Te la kaola ya pɛ, mɛɛ la biinin sɔɔn ya co niaa dimullo-on,

Nsaŋ 15:10

Te la bii pɛ tɔŋnda nilan, mɛɛ la lonin o kaola nuu nin, mɛɛ ya bii tɔŋnda Fuɲa nuu mì lo o kaola ndɔɔ nin yɛ.

Rɔmnda 2:7

O kenin vanaa co biuvɔnndo le dɛnɛ kɛndɔɔ tosaa-a yoomu fɛɛn-fɛɛndo, a co kindinndo le biiloo, bɛɛlen a si lɔ́ɔ́-lɔ́ɔ̀-o sɔlaa-a pɛɛn.

Rɔmnda 6:22

Kɛ sunsun, la hɛlun hakio, mì la siŋnun cɛa Hala-a. La tosà niko dɛnndan le dindinndo, o kon mì sɔla yoomu fɛɛn-fɛɛndo.

Rɔmnda 7:18

Kani i sinà maa dɛnɛ kɛndɛ co ya nin te, o falun nin ivanacieeyan nin pɛɛn. Kani yeemɛi co ya le dɛnɛ kɛndɔɔ tosaa, kɛ i nɔla ndu tosaa le.

Rɔmnda 7:4

Puapilɛa nia, lende koni i co ni. Niaa bɛɛ la vi a ba tɔŋndo o dialun Krista-on nin, mí la muungu sumialii vana celen, o tendul fulaa vanvílɛ́iya tɛɛn-ndo, haliko mi n kom kɔmnde kɛndɛlen le Hala.

Rɔmnda 8:25

Kɛ te n kɛsi pɛ kɔllo ɲɛ naa n co cɔ loo coo, n cum ndu a biuvɔnndo.

1Korɛntea 7:19

Vana dii tooma, vana dii tooma le, kon co ɲɛ-ɲɛ le, tɔŋnda Hala lan biyɔɔ co bollen ni.

Efɛsea 2:8

Kani le kɛndɛi Hala-e niaa sɔla cindaa ni, le laalan niaa laalan ndu-o. O co niaa pila o ba le cinda kon fula le, ke Hala-o co kon ni.

Tɔŋ miingua 30:6

Mɛlɛka Hala niaa diinin kɔlta niaalan a kɔlta cuavaa niaa tooma, la kaolanin Mɛlɛka Hala niaa a kɔlta niaalan a á yoomu niaa kpede, haliko mi la va yoomu.

Filipea 1:11

Mì Krista mala niaa, mì la pɛ a dɛnnda sandaa lan, o kon mì Hala sɔla biiloo a sangalaa.

Kolɔsea 1:10

O kon la tiwnin ba kelaa mɛɛ vanaa Maalii-a bɛnda mà kela yɛ, la vanin dɛnnda hɛnan ndu lan tosaa lɔ́ɔ́-lɔ́ɔ̀. La tosanin dɛnnda kɛndɛlan kpow mì la hiow laci a Hala sinaa.

Kolɔsea 1:6

Mí Yoongu Kɛndɛ kon tiiya o niaa lo. Mɛɛ o co yoomuan sɔlaa mò va hiovɔɔ laci o ceendo nin yɛ, lende koni o co niaa tɛɛn kabi paale niaa tuei, mí la sínà kɛndɛi Hala-e a toɲaa ni.

Hebreea 10:36

La hiow laci a biuvɔnndo le hɛnan Hala-o tosaa, mì la sɔla ɲɛm o dimi-on.

Hebreea 2:1

Lelan, o bɛnda mì n handun kɔllo o sɔɔn naa n tuei-yon coo, yɔŋii naa n luɛi o sangaa nin.

Nsaki 1:4

Kɛ fɔ mì biuvɔnndo siow baala ndɔɔ peelu kpow, haliko mi la peelun, mì la tiwnun, o kon ɲɛ-ɲɛ ve niaa lepɛŋ te.

1Nsaŋ 2:3

Te n bii pɛ tɔŋnda Hala lan, n nɔla mì n laalan maa n sínà Hala.