Luke 8:1 - BII BILA

¹ O kon kɔɔli, mí Yeesu va kɔlan o cieon a o kobilan nin. O va keiyo Yoongu Kɛndɛ masale Hala len dimio nɛɛ-nɛɛ ka. Kaandeŋaa tɔ́ a à ŋiɔŋaa ndɔa a va ndu kɔɔli,

Luke 8:1 Iomraidhean Croise

Matie 11:1

Yeesu ciiyo kaandeŋaa ndɔa sɔɔn mun dimullo, mó faŋan le kɔlan vannda pɛɛkoo a sɔɛi Hala-e dimio o kobila va o tàndá kon nin-ndan nin.

Matie 13:19

Kulun deli o nɛiyo demullo-on, mun co vanaa tuɛi sɔɛi masale Hala len, a bii ndi bila le-a ni. Vana vɔɔndo hin pɛ, o soli nda sɔɛi saŋnun ken nda o lakɔl-le o lakɔl.

Matie 4:23

Yeesu va kelaa o tàndá Kalile-o kpow nin, o va keiyo vannda pɛɛkoo o cɛila lekaannda Yuifia nin, o va yondaa a masale Hala len o kɔɔ, o va vannda singio a nààla ndalan kpow a á namtale kɛ́-kɛ̀ ndáà nɔ.

Matie 9:35

Yeesu va keiyo o kobilan kpow nin a o cieon pɔmbɔn, mó va vannda pɛɛkoo o cɛila lekaannda ndalan nin, mó va keiyo Yoongu kɛndɔɔ dimio a masale Hala len o kɔɔ, mó va nààla súú-súù ka a namtale súú-súù ka singio.

Marke 1:39

O kon mó kɔa o tàndá Kalile-o kpow nin, mó va sɔɛi Hala-e yondaa o cɛila lekaanndan nin a ɲinaa vɔɔnda tovɔɔ.

Luke 1:80

Poombɔɔ va hindɔɔ, o va vɛlɛ hiovɔɔ laci a kɔlkaloo sɔlaa. Mo lo o lɛŋnde veselɛilen nin háá telen o kandu Israɛlla sɔɛi o hɔl-lo.

Luke 20:1

Paale pilɛ, mɛɛ Yeesu va vannda pɛɛkoo o Cɛi-Hala-o nin, mó va nda cɔmndo a Masale Hala len o kɔɔ. Mí bolii vanaa-solia-lasálàá, vanaa pɛɛkaa latɔŋnda a kaasoŋaa kɔlkalua lelɛŋnda hun,

Luke 4:18

«Kɔl Hala-o co ya coo, kani o hɛli ya le vanaa bala fondoa Yoongu Kɛndɔɔ tiiyallo. Le vanaa co o kaasolan-nda baŋaa, le vanaa sumɛiya hɔltan kumbio, le vanaa co o sangaa nin-nda pɛngio keo,

Luke 9:6

Má kɔa, má va keiyo o cieon le vannda Yoongu Kɛndɔɔ tiiyallo, má va vɛlɛ vanaa lanàá singio nɛɛ-nɛɛ ka.

Dɛnnda kiilaa 10:38

La sinà mɛɛ Hala pɔla Yeesu fula Nasarɛt-o a kpaaya Kɔl-Diandaa yɛ, a mɛɛ ndu Yeesu kei vannda dɛnɛ kɛndɔɔ tosal nɛɛ-nɛɛ ka yɛ. O va vanaa va o biyɔɔ nin ɲina vɔɔndo o ba-a kpow singio, kani Hala va ndu ikɛi.

Dɛnnda kiilaa 13:32

Naa bɛɛ, Yoongu Kɛndɛ kon naa hin niaa tiiyallo ho ni: o Hala ndóò dimi le fuɲaa naa mamaa-o,

Rɔmnda 10:15

Nduyɛ vɛɛ nɛ nda yonda yɛnin, te vana vim nda le? Maa mɛɛ o sɛvan yɛ aa: «O naŋ bɔɔ le vanaa kan cɔu hunɔɔ, vanaa co yoongula kɛndɛlan yondaa-a.»