Luke 7:44 - BII BILA

⁴⁴ O kon, mó muli hɔlla a kpengii cuaa va-e, mó dimul Simɔn aa: «A ce cuaa ho? I hin o nɔm ndo, a ke ya mamɛn mì pulu n'pelu le. Kɛ ndu ndu, o pilu ya pelon a mɛmɛma ndɔan, mó vɔɔsu mun a yiiŋii ndɔɛi.

Luke 7:44 Iomraidhean Croise

O Kandɔɔ 18:4

La cum ndɔ mì kɔ kondu niaa mɛnndan ɲɛ-pɔmbɔ le pelon pulɔɔ. La cii pɛ pelon pulɔɔ, la cal, la pɛngi o yɔmndo ho bɛngu.

O Kandɔɔ 19:2

Mó dimi aa: «A yandi vanaa nia bɛndua, la cɛl mì la kɔ pɛngi o vana niaa baalaa lo cɛinin. La kɔ pulu pelon mì la lɔl lon. Siɔdii idii, la pena hiovɔɔ nɛɛ niaa co kɔlan-nda.» Kɛ má mulul ndu aa: «Mal haki. O bɛɛ co o cieo tɛɛn-ndo naa n co malɔ ni.»

O Kandɔɔ 43:24

Mó luei nda niko o Yosɛf lo cɛinin. Mó yɔngu nda mɛnndan le pelon pulɔɔ, mó yɔngu sofɛlɛa ndaa billo le dioo.

2Samiɛl 11:8

O kon kɔɔli mí David dimul ndu aa: «Kɔ o nɔm ndo cɛinin, mà kɔ pɛngi ɲɛ-pɔmbɔ.» Mí Uri fula o masaa lo cɛinin, mí masaa koma soli fandaa pum má yoo ndu.

Luke 7:38

Mó kɔ sim Yeesu a makɔɔ o pelon ikɛi, mó va caŋndo, mó va Yeesu pelon liwviaa a mɛmɛan. O kon kɔɔli, mó va ndu pelun mun vɔɔsuuo a yiiŋii ndɔɛi, mó va mun vɔɛiyo, mó va cuɛima cun kɛndɛan taaliaa lecoo.

Luke 7:43

Mí Simɔn muli aa: «I ce maa vana kuee ndɔɔ ndóò hiow-vo.» Mí Yeesu dimul ndu aa: «A caa muli.»

Nsaŋ 13:5

O kon kɔɔli, mó vow mɛnndan o kpángàá nin, mó tundun kaandeŋaa ndɔa pelon pulɔɔ, mó vɔɔsuu nda mun a kola va ndu kon o caŋ-ndo.

1Timote 5:10

mò nɔ tɔ́ɔ́ kɛndɔɔ le dɛnnda kɛndɛla ndɔlan, mò va vana caa cuavaa ndɔa biyɔɔ-o, mò va vana caa mialla biyɔɔ-o, mò va vanaa diandaa pelon pulɔɔ, mò va vanaa sangaa co coo-a malaa, mò kindin le dɛnnda kɛndɛlan kpow tosaa.

Nsaki 2:6

Niaa yɛ, la co vanaa bala fondoa bɛ̀ɛ̀lan tɛɛmbuuo. Vɛ̀ɛ̀ o co vanaa bolofaa le a co niaa mɔnɛi lueiyo le? Vɛ̀ɛ̀ nda le a co niaa yɔɔ o fondala kialaa n'yamalan te?

Masaa kialaa n'yamaa 19:21

Mó luei nda o ndu lo, mó ke sofɛlɛa billo. Mí vanaa kelaa kan pulu pelon, má dia ɲɛdiaa, má kol.

1Samiɛl 25:41

Mí Abikail can, mó baŋ vulan nda o labɛngunin, mó tundu hɔlla lɛŋ, mó dimi aa: «Tofa vɔ, maa cɛ laandu pulu buɛyaa masa nuu bɛngulan-ndo ya co ni.»