Luke 7:40 - BII BILA

⁴⁰ O kon mí Yeesu cua sɔɛi, mó dimul Faliisinɔ kon aa: «Simɔn, i yeema mì dimul nɔm isɔɔ.» Mí Simɔn muli aa: «Soo, Kɔɔfa!»

Luke 7:40 Iomraidhean Croise

1Masaa 2:14

Mó dimi aa: «I yeema mì dimul nɔm isɔɔ.» Mí Bat-Seba mulul ndu aa: «Ava, mɛɛ soo.»

Esekiɛl 33:31

A co hunɔɔ sɛ́lɛ́ bɛndoo fili-fili o nɔm ndo, vanaa niaa kan pɛɛn, a co hunɔɔ calle nɔm o hɔl. A co nilan yaŋɔɔ o sɔɔn nɔmndon, kɛ a co kela lecoo le, kani a sondo yeelaa koni nda co sɔɛi ni, kɛ o kɔlta ndalan nin, tɔnɔ nda pila-o daama nda co nuwviaa ni.

Malasi 1:6

Mɛlɛka-Nɔ-Kpaayaa-Kpow-vo dimi aa: «Poo bɛnda mò ke fuɲa ndɔ bɛɛlen, cɛɔ bɛɛ bɛnda mò ke vana ndɔ bɛndoo bɛɛlen. Vɛ̀ɛ̀ o co ya le co fuɲa niaa a vana niaa bɛndoo le? Kɛ le yɛɛ niko la co ya lebɛɛ ke le? La nɔ́ vɛlɛ siòòŋii ni le. La co ya ɲunaa aa: ‹Vɛ̀ɛ̀ naa n kɛɛ yɛ nɔm bɛɛlen ke?›

Matie 26:49

Fɔ́ɔ́fɔ̀, mí Yuda sɔɔnguu Yeesu ikɛi, mó yil ndu aa: «Kɔɔfa isɛ!» Mó kɔman ndu.

Matie 7:22

Vanaa bɔɔ-bɔɔ a dimulnin ya paale len aa: ‹Maalii, vɛ̀ɛ̀ o co o diola nɔmndan te naa n tɛɛngul vannda sɔɔn Hala-on te? Vɛ̀ɛ̀ o co o diola nɔmndan te naa n tow ɲinaa vɔɔnda, mí n tosa dɛnnda kaamaalan taw le?›»

Luke 18:18

Mí simlacinɔ Yuifinɔɔ pilɛ ɲuna Yeesu aa: «Vana pɛɛkaa kɛndɔɔ, yɛɛ nɛ ya tosa yɛ mì sɔla yoomu fɛɛn-fɛɛndo?»

Luke 5:22

Yeesu sinaa yiyannda ndalan, mó cua sɔɛi, mó ɲuna nda aa: «Le yɛɛ niaa co yɛ yiyanndo o kɔlta niaalan nin lende?

Luke 5:31

Mí Yeesu cua sɔɛi, mó mulul nda aa: «O co vanaa co kɛndia-a le nɔ makoo a dɔtɔlɔnɔɔ le, kɛ vanaa lanàá.

Luke 6:8

Kɛ mɛɛ o sina yiyannda ndala lan, mó dimul vana ba vílɛ́i kon aa: «Cɔn ma sim vannda kpow o hɔl nanu.» Mí langbanɔɔ can, mó sim.

Luke 7:39

Faliisinɔ óò veelu ndu-o cɔu dɛnɛ kon, mó yiyan o kɔl ndɔɔ nin aa: «Te vana-tɛɛngaa-diom Hala-o langbanɔɔ ho ndóò va ni, o va sina vana súú cua co ndu piilianndo-o co-o, o va sina maa vana lahakio o co ni.»

Luke 7:41

Mí Yeesu dimi aa: «Vanndo pum yɔngu vannda nda ŋiɔn volion kueo ni. N va vana pilɛ kuee volin latámán kɛmɛ leŋuɛɛnu, o pilɔɔ ndu n va ndu kuee beleŋuɛɛnu.

Nsaŋ 13:13

La co ya veeloo aa: ‹Vana bɛndoo›, ‹Maalii›, la nɔ dí mì la veelu ya lende, kani ndu ya co ni.

Nsaŋ 16:19

Yeesu sinaa maa a yeema le ndu ɲunaa, mó dimul nda aa: «Mò va maa o sɔɛi ya dimi-e coo niaa co ɲuunianndo le kɔlɔɔ sinaa nuaa ni: ‹O lo ɲɛ-pɔmbɔ, la ci lɛnin ya le, telen bingi o kon kɔɔli, la canin ya vɛlɛ.›

Nsaŋ 16:30

N síná nihau maa a sínà dɛnndan kpow, hali mi vana ɲuna lɛhau nɔm te, lelan n laalan maa o Hala lo n fula ni.»

Nsaŋ 3:2

Mó hun o Yeesu lo icɔllo, mó dimul ndu aa: «N sina maa vana pɛɛkaa Hala vem-ndo n co ni, kani vana-vana nɔla kaamaala n co lan tosaa lan tosa le, te o co mì Hala va ndu ikɛi le.»