Luke 7:39 - BII BILA

³⁹ Faliisinɔ óò veelu ndu-o cɔu dɛnɛ kon, mó yiyan o kɔl ndɔɔ nin aa: «Te vana-tɛɛngaa-diom Hala-o langbanɔɔ ho ndóò va ni, o va sina vana súú cua co ndu piilianndo-o co-o, o va sina maa vana lahakio o co ni.»

Luke 7:39 Iomraidhean Croise

2Masaa 5:20

mí Kehasi, buɛi Elise vana-tɛɛngaa-diom Hala-o dimin o kɔl nin aa: «Vana ni bɛndoo cɛl le ɲɛm Naaman Aramiinɔ hin mùn-ndon biyɔɔ le. Kɛ nduyɛ, te Mɛlɛka co yoomu, mɛɛ mì dem ndu, mì kɔ sɔla ndu ɲɛ pum o ba!»

Talelan 23:7

Kani mɛɛ yiyannda ndɔla vɔɔnndan la co yɛ o co ni. O dimulnin nɔm aa: «Dio ma kol», kɛ kɔl ndɔɔ connun polon a nɔm.

Esai 65:5

a co dimio aa: «Nannun ndon polon, sɔɔnguu ya ikɛi le, kani (taa pilan pɛ ya), a siŋnun o diandaa siŋnun teengen-ndo». Kon kpede kumnde o co ya o milin ni, yinnde co niinoo sandei kpɛŋ nden o co ni.

Matie 20:16

O kon kɔɔli, mí Yeesu dimi maa lelan, vanaa mɛɛlaa vanin vanaa tasea, mì vanaa tasea siŋnun vanaa mɛɛlaa.»

Matie 21:11

Mí sɛ́lɔ́ɔ́ va mulio aa: «Yeesu ni, vana-tɛɛngaa-diom Hala-o, o fula Nasarɛt o tàndá Kalile-o nin-ndo!»

Marke 7:21

Kani vanacieo nin, o kɔlta vanndacieea nin yiyannda vɔɔnndan la fula ni: sɔɔn lasiɛmbon, vuilen, vannda diwvo,

Luke 12:17

Mɛɛ tɔlɔɔla ndɔla lan la kom lende, mó ɲunan aa: ‹Ko vɛ̀ɛ̀ ya tosa yɛ? I nɔ lɛ fonda oo fonda ya cuungiaa ɲɛm ya kow-von kpow le.›

Luke 15:2

Mí Faliisia a vanaa pɛɛkaa latɔŋnda a va dimio tootoo aa: «Fallo ho co cɛlɔɔ le dioo nda vanaa lahakia.»

Luke 16:3

Mí vana mandaa bolofaa kon ɲunan o kɔl ndɔɔ nin aa: ‹Vɛ̀ɛ̀ ya tosa yɛ? Kani vana ni bɛndoo co ya ɲɛm ndɔn faŋa o ba? I nɔ yɛ mayoomu mì tosa vali yondo le, nduyɛ siɛmbulan la co ya vɛlɛ le vannda ɲɔɔn piɛiyo.

Luke 18:4

Mí ɲɔɔ viaw ka, o cɛl te. Kɛ o mɛɛlulan kpɔŋ, mó yiyan o kɔl ndɔɔ nin maa: ‹Hali mi nɔ bɛɛ isiòòŋ a Hala nuaa le, mi vo bɛɛ vana nuaa le,

Luke 3:8

Mɛɛ la tosa niko dɛnnda kɛndɛla cɔm maa la mal kela niaa vɔɔndo, mì la mangalan ndan. La dimin o lakɔl te aa: ‹Abraham co fuɲa naa ni.› Kani mì dimul niaa, Hala nɔla mò siinguu powtan ndan cuavaa Abraham-nda.

Luke 7:16

Mí siòònde bii vannda kpow, má mel Hala balika, má dimi aa: «Vana-tɛɛngaa-diom Hala kaamaa hin o naa lo», má dimi vɛlɛ aa: «Hala hin vanaa ndɔa mala!»

Luke 7:37

Vanalanɔ suundɛiyo pum va o kobi kon nin. Ndóò sinaa maa Yeesu co dioo o Faliisinɔɔ lo cɛinin, mó kɔa a sianio pum o ba a cuɛima cun kɛndɛan mapiaa lenin ca.

Luke 7:38

Mó kɔ sim Yeesu a makɔɔ o pelon ikɛi, mó va caŋndo, mó va Yeesu pelon liwviaa a mɛmɛan. O kon kɔɔli, mó va ndu pelun mun vɔɔsuuo a yiiŋii ndɔɛi, mó va mun vɔɛiyo, mó va cuɛima cun kɛndɛan taaliaa lecoo.

Luke 7:40

O kon mí Yeesu cua sɔɛi, mó dimul Faliisinɔ kon aa: «Simɔn, i yeema mì dimul nɔm isɔɔ.» Mí Simɔn muli aa: «Soo, Kɔɔfa!»

Nsaŋ 4:19

Mí vuɛɛndo dimi aa: «Maalii, i ce maa vana-tɛɛngaa-diom Hala-o n co ni.

Nsaŋ 7:12

Mí vannda va sɔɔn pɔmbɔn taw o sɛ́lɔ́ɔ́ tɛɛn a ndu o kɔɔ. A pum va dimio aa: «Vana tosaa dɛnɛ kɛndɔɔ o co ni.» Mí a pum nda va dimio aa: «Ɛ-ɛ, vannda o co lueiyo o pɔwlan nin ni.»

Nsaŋ 9:24

Mí Faliisia veelu vɛlɛ langbanɔ va kon paandu o sumɛiyo-o, má dimul ndu aa: «Naa n sina maa vana lahakio vana singi nɔm kon-ndo co ni, lelan dimul naa toɲaa le Hala.»