Luke 7:2 - BII BILA

² Vana baala simlacinɔ vanaa cɔvaa kɛmɛa pum va lon a nàà piɔ́mndo, o simlacinɔ kon ndóò handu kɔllo coo taw-vo.

Luke 7:2 Iomraidhean Croise

O Kandɔɔ 24:27

Mó dimi aa: «Biiloo co le Mɛlɛka, Hala Abraham vana ni bɛndoo. Kani o sanga le vana ni bɛndoo Abraham kɛndɛi tosallo a le lou o diomnde ndɔlen coo le. I sina nihau maa o sim ya laci o kela nuu ho nin, mó yaa ya o vanayɛi vana ni bɛndoo lo cɛinin.»

O Kandɔɔ 35:8

Lon Debora, vana biyaa n'cuaw Rebeka-o vi ni, má kumbu ndu Betɛl ciee-lekɔɔ o yálánndo pum bɛngu. Kandɔɔ ɲinkon, má ke yɔm bɛndu kon diolan aa «Yɔm caŋndo.»

SƐBƐ YƆB-O 31:5

Te i kela pɛ o sɔɔn lacòòvan nin, te i kindin pɛ le dɛnɛ sendu loo tosaa,

Talelan 29:21

Vana hiw pɛ buɛiyo kɛngaa kandɔɔ o cuaambɔyɛi nin, o mɛɛlulan, buɛi vaa lende kendu tundɔɔ.

Matie 27:54

Simlacinɔ vanaa cɔwva a vanaa va ndu ikɛi le Yeesu cumullo-a cɔu lɛŋnden ɲiiyaa, má ca vɛlɛ dɛnnda yɔŋnun-ndan kpow, mí siòònde bii nda taw. Má dimi aa: «Po Hala-o lekɛ́ndɛi o va ni.»

Luke 23:47

Bolle vanaa cɔvaa kɛmɛa cɔw ɲɛ yɔŋnun-ndo, mó biilu Hala, mó dimi aa: «A toɲa, vana sandaa langbanɔɔ ho va ni.»

Luke 7:1

Lɔ́ɔ́ Yeesu cii vannda sɔɔn mun kpow dimul-lo, mó muungu Kapɛrnaim.

Luke 7:3

Mɛɛ o tuei Yeesu tɔ́ɔ́, mó viam kaasoŋaa kɔlkalua Yuifia le ndu tɛɛlɔnndo haliko mo kɔ singi vana baala ndɔɔ.

Luke 8:42

kani cuale ndɔle pilɛle ndóò nɔ len le va piɔ́mndo, ndóò nɔ nin vɔsilan tɔ́ a latiɔn. Telen Yeesu va kɔlan lon-ndo, mí sɛ́lɔ́ɔ́ va ndu ŋoviŋovio.

Dɛnnda kiilaa 10:1

Langbanɔ pilɛ va Sesaree diolan Kɔrnɛil, ndu va simlacinɔ kunda vanaa cɔvaa kɛmɛa rɔmnda ni, kunda ndáà veelu vɛlɛ aa: «Kunda fula o lɛŋnde Italii len nin-ndo» pɛɛn.

Dɛnnda kiilaa 10:7

Mɛlɛkanɔ soo kon o ndu lo-o kɔnndan, mí Kɔrnɛil veelu buɛyaa ndɔa nda ŋiɔn a vana cɔw óò vo Hala mó va baalaa tosaa ndu o ba bɛngu-o.

Dɛnnda kiilaa 22:26

Mɛɛ simlacinɔ kon tuei sɔɔn mun, mó kɔ dimul simlacinɔ vanaa cɔvaa kɛmɛa aa: «Vɛɛ n co yɛ tosa? Rɔmnɔɔ langbanɔɔ ho co ni?»

Dɛnnda kiilaa 23:17

O kon mí Pol veelu simlacinɔ vanaa cɔvaa kɛmɛa pilɛ, mó dimul ndu aa: «Liila langbanɔɔ ho o simlacinɔ vanaa cɔvaa kɛmɛa lo, o nɔ sɔɛi pum le ndu tiiyallo.»

Dɛnnda kiilaa 27:1

Mɛɛ nda dimi le kɔla naalan o dɛ̀ndɔ̀ɔ́ nin Itali, má mal Pol a vanaa kaasoa pum simlacinɔ vanaa cɔvaa kɛmɛa rɔmnda o ba, diolan ndu Yulius.

Dɛnnda kiilaa 27:3

Diimandɔɔ, mí n tiiya Sidɔn. Mí Yulius tosal Pol dɛnɛ kɛndɔɔ, mó mal ndu, mó kɔ yil caaŋaa ndɔa, mí kan a yɔngu ndu ɲɛm ndóò nɔ maako-on.

Dɛnnda kiilaa 27:43

Kɛ mí simlacinɔ vanaa cɔvaa kɛmɛa, óò yeema le Pol ciindiaa-o kuuna nda le kon tosaa. Mó dimul vanaa caa sanaa-a maa nda deli fɔlɔn o peelo, mà tiiya o kɔngɔ,

Kolɔsea 3:22

Niaa cɛa, la bii sɔɔn vanaa niaa bɛndua o falon nin, o dɛnndan kpow nin, o va ko telen nda co niaa hɔlten-ndo daama le, yɔŋii o va maa le vanndacieea hɛnanndo kínɛí niaa co baalaa ni, kɛ o va a kɔlta niaalan kpow le bɛɛle niaa nɔ le Maalii len.