Luke 7:13 - BII BILA

¹³ Yeesu cɔu ndu, mí ɲííye bii ndu a ndu, mó dimul ndu aa: «Caŋ te.»

Luke 7:13 Iomraidhean Croise

Condii lisai 103:13

Mɛɛ fuɲaa kaola cuavaa ndɔa nuaa yɛ, lende koni Mɛlɛka kaola vanaa nɔ siòòŋii ndɔɛi-ya ni.

Condii lisai 86:15

Kɛɛ nɔm Maalii, Hala iɲííyo a Hala ikɛndɔɔ n co ni, a yala kɔl fula le, a nɔ kaolaa taw, vana lo o lediom coo-o n co ni.

Condii lisai 86:5

Kani nɔm Maalii mal vana haki ni, a naŋ, a nɔ kɛndɛi taw le vanaa co nɔm piɛiyo-a.

Esai 63:9

O sangala ndalan kpede nin, (sangala yɔŋnun maa ɲɛ kindilaa hali le ndu pila lan), mí Mɛlɛka nɔ co ndu o hɔl-lo ciindiaa nda. O kaola ndɔɔ a o ɲíí ndɔɛi nin, mí ndu pila baŋa nda, mó mala nda, mó siilun nda o palɛi hiow paandu-e kpow nin.

Yeremi 31:20

Efraim co po ni kaolaa ni, po ya handu kɔllo coo-o. Telen oo telen ya va pɛ ndu dɛnɛ palaa tuisio coo, kɔllo faŋan ya o ndu lo le. Yiyanndo tuŋ ya yiyan ndu coo ni. Kani kaolaa pila ya kaola ndu ni, ɲííye pila ya nɔ a ndu ni.» Sɔɛi fula Mɛlɛka o sondo-e co ken ni.

Marke 8:2

«Ɲííye co ya a sɛ́lɔ́ɔ́ ho, kani palɛi ndii yáá co hoo ni, a co ya ikɛi, a nɔ yɛ ɲɛ-ɲɛ le dioo le.

Luke 10:1

O kon kɔɔli, mí Maalii hɛli vɛlɛ kaandennda belaŋɔmmɛw a ŋiɔn, mó viam nda a ŋiɔn-ŋiɔn ndu laci o kobilan nin a o fondala ndu pila ndóò nɔ o kɔl le kɔlan-ndan kpow.

Luke 11:1

Paale pilɛ, Yeesu va Hala piɛiyo nɛɛ pum. Mɛɛ o cii, mí kaandeŋaa ndɔa o pilɛ dimul ndu aa: «Maalii, pɛɛku naa piɛilen mɛɛ Nsaŋ pɛɛku kaandeŋaa ndɔa yɛ.»

Luke 11:39

O kon, mí Maalii dimul ndu aa: «Niaa Faliisia, maa taala kólaa a hɛngɛi nda tuei o kɔɔ-o niaa co ni, kɛ yeemɛi ciimbuɛi a kɔlvesɛiyo co niaa o piaa o lakɔl ca.

Luke 12:42

Mí Maalii mulul ndu aa: «Ɔ́ɔ̀ niko vana baala kɔlkalu lò kon o diomnden coo-o? Ndu co ò vana ndɔ bɛndoo dimulnin le hɔlla landɔɔ cɛi ndɔɔ coo a le vanaa baalaa tɔ̀a ɲɛdiaa yɔngoo a telen bɛnda-o-o ni.

Luke 13:15

Mí Maalii mulul ndu aa: «Niaa vanaa muuluannda ha! Niaa a pilɛn-pilɛnnda, vɛ̀ɛ̀ la timbi navaa niaa a sofɛlɛa niaa nɛɛ niaa dow nda billo-a o paale pɛngiaalen coo le nda koesio le.

Luke 17:5

Mí kiilaa dimul Maalii aa: «Cɔɔlu naa laalanndo.»

Luke 17:6

Mí Maalii muli aa: «Te niáà nɔ pɛ laalanndo ɲɛ-pɔmbɔ maa kulii mutarde, niáà dimulnin voosu tumndo ho aa: ‹Sungun mà kɔ tɔlnun o mɛmma ihɛllan nin›, mì ndóò tuei niaa diom.»

Luke 18:6

Mí Maalii hiaw laci a sɔɛi, mó dimi aa: «La tuei-yɔ o vana kialaa n'yama lakafaa ho dimio!

Luke 19:8

Kɛ mí Saasee can, mó dimul Maalii aa: «Maalii, i co vanaa bala fondoa ɲɛ-sɔlaa nuu ke ba pilɛ. Te i cua pɛ ɲɛ vana, i mingulnin vana kon kundalan lahiɔɔlu.»

Luke 22:61

Mí Maalii mulin, mó tofa Piɛr. O kon mí Piɛr yiyan dɔ́ɔ́ sɔɛi Yeesu ndóò dimul ndu-e aa: «Lɔ́ɔ́ pá mì kongillo koova hau, a vuununnin leyáá maa a sina ya le.»

Luke 24:3

Má luɛi o sɛiyo nin, a komal kɔɔle Maalii Yeesu len ndon te.

Luke 24:34

Mí nda kpow a dimul kaandeŋaa ŋiɔŋaa kan aa: «Toɲaa ni, Maalii tendul fulaa vanvílɛ́iya tɛɛn! O cɔmnun Simɔn!»

Luke 7:12

Telen o tiiya o dio luɛyaa kobi kon ikɛi-yo, mí vannda a va kɔlan vana vilɔɔ kumbɔɔ. Pole pilɛle vuɛɛn pɔnɔ ndɔ vi-o va kon ni. Vanaa va o kobi kon nin-nda a va vuɛɛn kalaa ikɛi sɛ́lɛ́ bɛndoo.

Luke 7:14

O kon, mó sɔɔnguu, mó pilan kesu vana vílɛ́i kon va nin-ndo. Mí vanaa va kɔlan a ndu-a sim. Mó dimi aa: «Poo sei, tiondu!»

Luke 7:19

mó viam nda o Maalii lo le ndu ɲunaa aa: «Vɛ̀ɛ̀ nɔm co vana naa n tuei tɔ́ɔ́ le hunɔɔ-o ni baa o bɛnda mì n cum o celen?»

Luke 8:52

Vannda kpow a va caŋndo mí mɔnɛi i va nda taw le cuaambɔ ndóò vi kon-ndo. Mí Yeesu kpaa nda aa: «La caŋ te, o vi le, o lɔan o co ni.»

Nsaŋ 11:2

Mari yɔŋnun vanalanɔ taaliaa Maalii cuɛima cun kɛndɛan o n'pelu, mó vɔɔsuu ndu pelon a yiiŋii ndɔɛi-yo ni, yema ndɔ va Lasar ni, ó va a naa-o.

Nsaŋ 11:3

Mí vanlaandua va kan pɔmbɔɔ a bɛndoo-a viam vanndo le kɔlan Yeesu dimullo maa Lasar caan ndɔ kɔllo co a nàá.

Nsaŋ 20:13

Mí mɛlɛkaa kan a ɲuna ndu aa: «Vuɛɛndo, le yɛɛ nɛ n co yɛ caŋndo?» Mó mulul nda aa: «A cii Maalii ni vi-o cua, i sínà nɛɛ nda kɛsi ndu le.»

Nsaŋ 20:15

Mí Yeesu ɲuna ndu aa: «Vuɛɛndo, le yɛɛ nɛ n co yɛ caŋndo? Nɛ̀ɛ́-nɛ̀ n co yɛ nuwviaa?» Mari ca ko bɛɛ aa vana baala nakɔɔ ni, mó dimul ndu aa: «Fallo, te nɔm faŋa dialun Yeesu-on ni, mɛɛ dimul-la nɛɛ n kɔ kɛsi mun-nda, mì kɔ cua.»

Nsaŋ 4:1

Yeesu sinaa maa Faliisia tuei maa ndu Yeesu co hiovɔɔ kaandennda sɔlaa le nda yinɔɔ a Nsaŋ,

Nsaŋ 6:23

Kɛ mí dɛ̀ndɛ̀la celen la fula Tiberiade, mí la hun o fonda Maalii ndóò dɔw buloo duaa mí vannda dia-o ikɛi.

1Korɛntea 7:30

mì vanaa co caŋndo-a siŋnun maa a co caŋ te, mì vanaa co ɲaaloo-a nda siŋnun maa a co a ɲaale le. Mì vanaa co ɲɔɔn piinduo-a siŋnun maa ɲɛ co nda o ba le.

1Tesalonikea 4:13

Puapilɛa naa, n yeema mì la sínà toɲaa le vanaa vi-a, yɔŋii mɔnɛi bii niaa maa vanaa celen, a nɔ tiindan te-a.

Hebreea 2:17

Lelan, mɛɛ mí ndóò vel puapilɛa ndɔa, haliko mi ndóò siŋnun bolle vanaa-solia-lasálàá, vana ikɛndɔɔ a vana lo o lediom coo o baala Hala-o nin-ndo, haliko mo sɔla malɔɔ lahakio le vannda kpow.

Hebreea 4:15

Bolle vanaa-solia-lasálà naa n nɔ-o nɔ ɲíí nɛi. Kani fúú le, o sínà maa n nɔ kpaaya le. Kani ndu bɛɛ mó sɔla tɔɔndanndan o nɛi oo nɛi coo mɛɛ naa n co tɔɔndanndan sɔlaa yɛ, kɛ o tosa haki kɛ́-kɛ̀ le.

Masaa kialaa n'yamaa 10:16

Mí Israɛlla faŋan piɔmaa nda va sooloo-a kɔɔli, má muungu vɛlɛ Mɛlɛka biiloo. Le hee, mí Mɛlɛka yiyan nda coo le sangala bɛndula nda va lan-ndan.