Luke 6:42 - BII BILA

⁴² Vɛ̀ɛ̀ n dimul-lɛnin puapilɛ nɔmndo aa: ‹Puapilɛ nuu, mɛi-yɔ mì soli nɔm bilten o lehɔl›, te a co yɔm ipɛngɛ co nɔm o lehɔl-lo cɔ le? Nɔm vana muuluanndo ho, solin-ndɔ fɔlɔn yɔm ipɛngɛ co nɔm o lehɔl-lo, o kon mà ce válán le bilte co puapilɛ nɔmndo o hɔl-ten solio.»

Luke 6:42 Iomraidhean Croise

Talelan 18:17

Vana ca ko aa vana bii seiyo tase-o nɔ di ni, kɛ fɔ mì vana nda sɛɛngian-ndo hun kɔɔsa, mò sɛɛngiaa ndu.

Matie 26:75

O kon, mí Piɛr yiyan sɔɛi Yeesu ndóò dimul ndu-e aa: «Lɔ́ɔ́ pá kongillo koova, a vuununnin leyáá maa a sina ya le.» Mí Piɛr fula, mó kɔ caŋ taw.

Matie 7:3

Le yɛɛ n co yɛ bilte co puapilɛ nɔmndo o hɔl-ten tofaa, a dow yɔm ipɛngɛ co nɔm pila o lehɔl-lo taasi le?

Matie 7:4

Te kon te, vɛ̀ɛ́ n dimul-lɛnin puapilɛ nɔmndo aa: ‹Mɛi-yɔ i soli nɔm bilte co nɔm o hɔl-ten›, te yɔm ipɛngɔɔ co pɛ nɔm pila o lehɔl?

Luke 13:15

Mí Maalii mulul ndu aa: «Niaa vanaa muuluannda ha! Niaa a pilɛn-pilɛnnda, vɛ̀ɛ̀ la timbi navaa niaa a sofɛlɛa niaa nɛɛ niaa dow nda billo-a o paale pɛngiaalen coo le nda koesio le.

Luke 22:32

Kɛ i cii Hala piɛi le nɔm, yɔŋii laalan nɔmndo cuu. Nɔm yɛ, a muungu pɛ ya o ibuŋ, a luei puapilɛa nɔmnda yoomuan.»

Luke 6:41

Le yɛɛ nɛ n co yɛ bilte co puapilɛ nɔmndo o hɔl-ten tofaa, a dow yɔm ipɛngɛ co nɔm o lehɔl-lo taasi le?

Luke 6:43

«Yɔm kɛndɔɔ kum komɔɔ vɔɔndo le, lende koni, yɔm vɔɔndo bɛɛ kum komɔɔ kɛndɔɔ le.

Dɛnnda kiilaa 13:10

mó dimi aa: «Nɔm vana pɛ ho a kɔlkalu vɔɔndo, mà pia vɛlɛ a vannda huiyo-o sei, nɔm po ɲina vɔɔndo, nɔm vana yeema ho dɛnɛ sandaa kɛ́-kɛ̀ loo. Lɔ́ɔ́ kuɛɛ n pɛngi yɛnin nɛila sandaala Mɛlɛka lan tunduuo?

Dɛnnda kiilaa 2:38

Mí Piɛr mulul nda aa: «La mangalan, mì vana-vana o niaa tɛɛn sɔla yinɔɔ o diola Yeesu lan, haliko mi hakila niaalan la malnun haki. O kon mì la sɔla ke Kɔl-Diandaa.

Dɛnnda kiilaa 8:21

A sɔlanin ɲɛ-ɲɛ, te kon te tɔnɔ oo tɔnɔ o sɔɛi he nin te, kani kɔl nɔmndo sendu Hala o hɔl te.

Rɔmnda 2:1

Éé nɔm vanacieo! Nɔm co yaman caanda kiolɔɔ-o, mɛ̀ɛ́-mɛ̀ɛ́ n va, a nɔ mɛɛ kɔɔsaa le, kani le dɛnɛ n co yamɛi caanda kiolɔɔ-o, nɔm bɛɛ co ndu tosaa, mɛɛ nɔm pila cii yaalan.

2Korɛntea 5:18

Hala pila o ba kon kpow fula ni, o mingi naa diom pilɛ naa ndaa o Krista nin, mó ke vɛlɛ naa vallo le diom pilɔɔ mingio ndu Hala a vannda tɛɛn-ndo.

2Timote 2:21

Lelan te vanndo dindin pɛ le dɛnnda ya dimi lan ndan kpow, o siŋnun volɔɔ baalaa le makola sɔvɛlan, vana vana ndɔ bɛndoo solin mako-o pɛɛn, o toosian le dɛnɛ kɛndɛ súú-súù ka tosaa-o.

2Piɛr 1:9

Kɛ te vanndo nɔ kaalan ndan te, mɛɛ vana sumɛi co kɔlan yingo-yingo-o o co ni: o pɔɛɛnun maa o sɔla dindio le hakila ndɔla paandulan-ndo.