Luke 6:23 - BII BILA

²³ La dɔwnun ɲaale paale len mì la deŋi a kɔlkɛndɔɔ, kani vɔ̀ngɔ̀ niaa vanin o bɔɔ o halataala. Kani lende koni fuɲaa ndaa a va tosaa a vanaa-tɛɛngaa-diom Hala-a ni.

Luke 6:23 Iomraidhean Croise

2Samiɛl 6:16

Tuma nda va kesu kpema Mɛlɛka-o lueiyo o Kobi David-o nin-ndo, mí Mikal, cua Saul-lo va tofaa o dio-pɔmbɔɔ. Ndóò cɔu masaa David huuloo a hiŋnɔnndo Mɛlɛka o hɔl, mó pɛɛsa ndu o kɔl ndɔɔ nin.

1Masaa 18:4

Telen kon kpeekpei Yesabɛl va vanaa-tɛɛngaa-diom Hala-a diwvo ni. Mí Obadia cua vanaa-tɛɛngaa-diom Hala-a n'van kɛmɛ, mó kɔ vian nda kundalan tan tiɔn o buululan nin, ba pilɛ n'van beleŋuɛɛnu, baa pilɔɔ vɛlɛ n'van beleŋuɛɛnu. Mó va nda mɛnndan a baloo yɔngoo.

1Masaa 19:10

Mó muli aa: «Kaola paŋalaa bɛndoo ya kaola Mɛlɛka ni, Hala-Nɔ-Kpaayaa-Kpow-vo pɛɛn, kani Israɛlla tɛɛmbuu kpema nɔmndo, a pesipesi fondala-loamaa-lasálàla nɔmndan, má diw vanaa-tɛɛngaa-diom Hala-a nɔmnda a mɔɛi cɔwve, ya pilɛ kpé lo yoomu ni. Ya bɛɛ, a co nɛilan nuwviaa le ya diyɔɔ.»

1Masaa 19:14

Mó muli aa: «Kaola paŋalaa bɛndoo ya kaola Mɛlɛka ni, Hala-Nɔ-Kpaayaa-Kpow-vo pɛɛn, kani Israɛlla tɛɛmbuu kpema nɔmndo, a pesipesi fondala-loamaa-lasálàla nɔmndan, má diw vanaa-tɛɛngaa-diom Hala-a nɔmnda a mɔɛi cɔwve, ya pilɛ kpé lo yoomu ni. Ya bɛɛ, a co nɛilan nuwviaa le ya diyɔɔ.»

1Masaa 19:2

O kon, mí Yesabɛl yoo ndu kiilaa le ndu kɔlan dimullo aa: «A telenndo ho siɔdii, te i dii nɔm mɛɛ n diw vanaa-tɛɛngaa diom Baal-la nuaa yɛ le few, mɛɛ halaa tuisí ya sanga hiow sangalan kpow-vo coo!»

1Masaa 21:20

O kon mí Akab mulul Elii aa: «Yaamɔɔ nuu komal-la fɔ́!» Mí Elii mulul ndu aa: «Lekɛ́ndɛi, i komal nɔm. Kani nɔm pila vɔngulun o dɛnnda hɛnan Mɛlɛka le lan tosaa nin ni.

1Masaa 22:27

ma kɔ dimul nda aa ya laa a mal ndu o kaasoo, mà va ndu baloo dɔvɔɔ a buloo a á mɛnndan daama. A vá tosaa lende háá telen ya fulanin o cɔwvo mì muungu nanu kɛndia a kɔlɲuloo-o.»

1Masaa 22:8

Mí masa Israɛlla mulul ndu aa: «Vana-tɛɛngaa-diom Hala-o pum co nanu le Mɛlɛka ɲunaa, kɛ i yeema ndu le, kani o dimul-la sɔɔn kɛndɛ lɔ́ɔ́-lɔ́ɔ̀ le, fɔ sɔɔn vɔɔnndon kínɛí, Misee po Yimla-o pɛɛn.» Kɛ mí Yosafat deŋul ndu aa: «Masa suu nuaa le!»

2Masaa 6:31

Mí masa kalaa dimi aa: «Te bolle Elise po Safat-o le lo pɛ ndu hau o kɛsei coo few, mɛɛ Mɛlɛka tuisí sanga hiow sangalan kpow-vo ya coo!»

2Dɛnnda lemasalan 36:16

Kɛ Israɛlla saalan kiilaa Hala-a kan te, má pɛɛsa sɔɔn Hala-on, má va vanaa-tɛɛngaa-diom Hala-a mamɔɔ, háá mí Mɛlɛka tuulu kɔllo a Israɛlaa kan, a co kan vanaa ndɔa-a pɛɛn. Ɲɛ-ɲɛ nɔ̀lá kɔltuw kon pɔlul te.

Nehemi 9:26

Kɛ a kon kpow, a bii sɔɛi nɔmnde le, má tosa nila kalulan a nɔm, má mulul nɔm kɔɔ, má diw vanaa-tɛɛngaa-diom Hala-a nɔmnda, á va nda tolɔɔ kɔɔli le muungoo nɔm o ibuŋ-nda, má tosa dɛnnda nɔɔlɛilan taw.

Condii lisai 58:11

Vana sandaa dɔawnunnin ɲaale, kani o canin Hala vanaa kɔlvesɛiya màá mingullo, o kon mò kela o kooma ndan nin.

Esai 35:6

vana pelii tambɛiyo huulunin maa kial seeli, diɛɛmule bobonɔɔ le timbinnin mò yonda a kɔlkɛndɔɔ. Kani mɛnndan ma bulinin o lɛŋnde veselɛilen nin, peela pɔmbɔlan la piɔlnin o dɛɛlala vesɛilan nin.

Yeremi 2:30

I diw poaa niaa, kɛ sangan fondo fúú, kani a bii sila nuu le. Mí la diw vanaa-tɛɛngaa-diom Hala-a niaa maa yàlàá kɔltuw.

Matie 5:12

La naŋ kɔl mì la dɔwnun ɲaale, kani vɔ̀ngɔ̀ niaa vanin o bɔɔ o halataala. Kani lende nda tol vanaa-tɛɛngaa-diom Hala-a hiow niaa laci-a yɛlen ni.»

Luke 1:41

Lɔ́ɔ́ Elisabɛt tuei yilɔɔ Mari-o-o, mí cɛlɛkpɔɔ biiŋun ndu o dembe. O kon mó pia a Hala Kɔl-Diandaa,

Luke 1:44

Kani yáà tueyɔɔ dɔ́ɔ́ yilɔɔ nɔmndo diom, mí cɛlɛkpɔɔ biiŋun ya o dembe a ɲaaloo.

Luke 6:35

Kɛ la kaola yaamɔaa niaa, mì la tosa dɛnɛ kɛndɔɔ, la dɔnda vannda, la yiyan le niaa mingul te. O kon, vɔ̀ngɔ̀ niaa vanin o bɔɔ, la siŋnunnin vɛlɛ Poaa O Hiow-Ɲɔɔn-Kpow-vo, kani vana kɛndɔɔ o co le vanaa sina ikɛndɛ le-a a le vanaa vɔɔnda ni.

Dɛnnda kiilaa 14:10

mó yonda aa: «Cɔn ma sim o pelun nɔmndon coo!» Mí langbanɔɔ can ɲaali, mó kandu kɔlan.

Dɛnnda kiilaa 3:8

Mó huulu, mó kandu kɔlan. Mó luɛi nda kiilaa kan o Cɛi-Hala-o nin, mó va kɔlan a huuloo a á Hala candɔɔ.

Dɛnnda kiilaa 5:41

Mí kiilaa faŋan vanaa kialaa n'yamaa o hɔl a ɲaaloo taw le tùú Hala cɛl má sɔla sangaa o diola Yeesu lan-ndo.

Rɔmnda 5:3

Hiovɔɔ o kon coo, hali n co bɛɛ o sangaa nin, n nɔla mì n kuundian, kani n sinà maa o sangaa nin biuvɔnndo fulà ni,

2Korɛntea 12:10

Lelan i dɔwnun ɲaale le kpaaya lepɛŋndo, le yeowla vannda co ya lan, le ɲɛm nda co ya tuŋɔɔ-on, le yɛle nda co ya tollo-len, a le sangala co ya coo le Krista lan. Kani telen ya nɔ mayoomu loo, telen kon ya sɔlà kpaayaa ni.

Kolɔsea 1:24

Sunsun, i naŋ kɔl le sangala ya sɔla le niaa lan. Kani i co sangala tɔ̀la Krista mɛi le sɔlaa lan sɔlaa o dialun nun nin o fonda dialun ndɔn, vanaa laalannda pɛɛn.

2Timote 2:12

Te n biwnun pɛ, n tosanin vɛlɛ masalen naa ndaa. Te n kɛɛ pɛ ndu, ndu bɛɛ kɛɛnin naa.

Hebreea 11:26

Mó ca maa sangaa sɔlaa le Krista co fisa a bolofaa Esipte. Kani vɔ̀ngɔ́ va ndu laci-o caando va cɔu ni.

Hebreea 11:6

Nduyɛ, te o co a laalanndo le, vana-vana nɔla Hala hɛnan te. Kani, vana va pɛ Hala sɔɔnguuo ikɛi, fɔ mò laalan maa Hala co, maa o salanin vanaa co ndu nuwviaa-a.

Nsaki 1:2

Puapilɛa nia, la cɔ̀ tɔɔndannda niaa co keiyo nin-ndan kpow maa dɛnɛ kɔlkɛndɛ bɛndu,

1Piɛr 4:13

Kɛ la dɔwnun ɲaale le sangala Krista lan sɔlaa, haliko mi la naŋ kɔl, telen biilu ndɔɔ fulanin ceen-ndo.

Dɛnnda cɔɔmuanndan 2:17

Vana nɔ pɛ nilan, mɛɛ ndú tuéi ɲɛ Kɔl-Diandaa co vanaa laalannda dimullo-o. Vana nɔlanin-nda, i kenin ndu manne vianaa a pow humboo, pow diola sɛnɛila lasɛvaa coo-o, vana-vana sina diola lan te fɔ vana sɔla lan-ndo.›»

Dɛnnda cɔɔmuanndan 2:26

Vana nɔlanin-ndo, vana mandanin dɛnnda nilan háá mi hin-ndo, i kenin ndu kpaaya ya pila sɔla Fuɲa nuu o ba-o. I yɔngunin vana kon kpaayaa vanaa-mangalaa-isɔɔa coo, mò tosa masalen nda coo a kpaayaa, mò pesipesi nda maa kpɛɛnɛi puulu. I kenin ndu vɛlɛ loei idii-ye.

Dɛnnda cɔɔmuanndan 2:7

Vana nɔ pɛ nilan, mɛɛ ndú tuéi ɲɛ Kɔl-Diandaa co kundala vanaa laalannda dimullo-o. Vana nɔlanin-ndo, i kenin ndu kɔmnde yɔm ciindaa le dioo, yɔm cindaa co o nakɔ Hala-o nin-ndo pɛɛn.›»

Dɛnnda cɔɔmuanndan 21:7

Ɲɛ vana nɔlanin-ndo sɔlanin kɛ́ɔ-vo co hoo ni: I vanin Hala ndɔɔ, mì ndu va po nuu.

Dɛnnda cɔɔmuanndan 3:12

Vana nɔlanin-ndo, i siinguunin ndu sungbulen o Cɛi-Hala nuu nin, o fula lɛnin lɔ́ɔ́-lɔ́ɔ̀ le. I sɛvanin diola Hala nuu a diola kobi Hala nuu, Yerusalɛm sɛnɛi co fula o halataala o Hala nuu lo-o a diola nila sɛnɛilan ndu coo.

Dɛnnda cɔɔmuanndan 3:5

O kon vana nɔlanin-ndo vownunnin volɔɔla humbulan, i vɔɔsuunin diola ndɔlan o sɛbɛ yoomaa nin te, i pialnin diola ndɔlan Fuɲa nuu a mɛlɛkaa ndɔa o hɔl.