Luke 6:11 - BII BILA

¹¹ Kɛ mí vanaa pɛɛkaa latɔŋnda a Faliisia tambu kɔl taw, má kandu ɲuunianndo le ɲɛ nda tosa a Yeesu-o.

Luke 6:11 Iomraidhean Croise

Vana Kɔlkaloo 9:3

Dɛnɛ vɔɔn komal vannda kpow o paalen bɛngu-o co hoo ni: ɲɛ pilɔɔ kpé komal vanndacieea ni. Yɔŋ vɔɔndo a diɔmii sondo vesɛiye koni nda co tosaa telen nda co yoomu-o ni, o kon kɔɔli, a vinnun.

Matie 16:7

Mí kaandennda can sɔɛi nda pila tɛɛn aa: «Le bulu naa n cue loo o co dimio nuaa ni.»

Matie 21:45

Bolii vanaa-solia-lasálàá a Faliisia tueyɔɔ sɔɔn mun, má bii bila maa le nda Yeesu va sɔɛi ken dimio ni.

Luke 4:28

Mɛɛ vanaa va o cɛi lekaando nin-nda kpow a tuei sɔɔn mun, má fula kɔl taw.

Luke 6:10

O kon, mó keela nda hɔlten coo, mó dimul vana ba vílɛ́i kon aa: «Siɛndi baa!» Mí vana kon siɛndi baa, mí ba ndɔɔ siangun.

Luke 6:12

O telen kon, mí Yeesu kɔa o pembei coo le piɛilen, mó lɔl Hala piɛiyo pii.

Nsaŋ 11:47

O kon mí bolii vanaa-solia-lasálàá a Faliisia mɔɔsiaa vanaa kialaa n'yamaa lelɛŋnda, má dimul nda aa: «Vɛɛ naa n co yɛ tosa? Kani langbanɔɔ ho co bɔɔ dɛnnda kaamaalan tosaa.

Nsaŋ 7:1

O kon kɔɔli, mí Yeesu va balɔɔ o tàndá Kalile-o nin, kani ndóò yeema mi ndóò balu tàndá Yuda-o le, bau Yuifia va nɛilan nuwviaa le ndu diyɔɔ.

Dɛnnda kiilaa 26:11

Palɛi bɔɔ-bɔɔ, i va keiyo o cɛila lekaandan nin le vanaa laalaŋaa kan saangiaa, yáà yeema le nda baŋɔɔ mì ndáà mal laalan ndaa. Mɛɛ sɔɛi pala ya tei, mí va nda kɔlan kɔɔli o kobila isumial tan nin.

Dɛnnda kiilaa 4:15

O kon, má dimul nda le fulaa o bɛ́ɛ̀. O kon kɔɔli, má koma cal niko o sɔɛi ken coo.

Dɛnnda kiilaa 4:19

Kɛ mí Piɛr nda Nsaŋ mulul nda aa: «Niaa pila kiolu vɔ yamɛi he, sɔɛi niɛi biyɔɔ a sɔɛi Hala-e biyɔɔ, o kuɛɛ bɛnda yɛ Hala o hɔl?

Dɛnnda kiilaa 5:33

Vanaa kialaa n'yamaa tueyɔɔ sɔɔn mun, má tambu kɔltan, o kon má tuu le nda diwvo.

Dɛnnda kiilaa 7:54

Mɛɛ vanaa kialaa n'yamaa lelɛŋnda tuei diomndan ndan, mí ɲɔɔ pala nda taw, má va ciŋndon sɔmndo le ndu.

2Timote 3:9

Kɛ a hiwnin laci le, kani diɔmii ndɛi fulanin ceen mì i cɔmnun vannda kpow o hɔl mɛɛ o tosalan poaa ŋiɔnda haa yɛ.