Luke 5:32 - BII BILA

³² O co vanaa sandaa le ya hin veelu le, kɛ vanaa lahakia, haliko ma mal yɔŋ vɔɔndo, ma mangalan.»

Luke 5:32 Iomraidhean Croise

Esai 57:15

Kani Ó-Hiow-Ɲɔɔn-Kpow-vo, o calta ndɔlan la co le fɛɛn a fɛɛn-ndo, o diola ndɔlan la co ladiandaa-o soo nuaa ni mó dimi aa: «I co icali o fondala vilɛi-vilɛilan nin coocoo pɔɔli, i connun icali lon o diondɔɔ nin. Kɛ i co vɛlɛ icali naa vana co o mɔnɛi nin-ndo a vana cennun o pɔmbɔ o yiyan-ndɔɔ nin-ndo, haliko mi luei yiyannda vanaa cennun a pɔmbɔ-a yoomuan, mi nɛŋi kɔlta vanaa co o mɔnɛi nin-nda.

Matie 18:10

La mandan le cuaambɔa pɔmbɔa vaa nuaa o pilɛ pɛɛsaa. Kani i co niaa dimul, mɛlɛkaa ndaa co Fuɲa ni co o halataala-o hɔlla tofaa o halataala tuŋ-tuŋ.

Matie 9:13

La kɔ nuwviaa kɔlɔ sɔɛi he aa: ‹Vannda ɲííye tuinɔnndo hɛnan ya ni, o co sálàlan solio le.› Kani o co vanaa sandaa le ya hin veelu le, kɛ vanaa lahakia.»

Marke 15:10

Kani ndóò sina nin maa le nɛyɔn simlacia ndáà nɔ a Yeesu-o nda hun lɔlu ndu ni.

Marke 15:7

Langbanɔɔ pum va o kaasoo diolan Barabas, le vanaciee ndóò dii fondo fúú o paale vɔkɔ-vɔkɔɔlen lepum coo-o ndáà mal ndu o kaaso kon ni.

Marke 2:17

Mí Yeesu tuɛi sɔɛi ken, mó dimul nda aa: «O co vanaa connun kɛndia-a le a nɔ makoo a vana singiaa le, kɛ a co a nààlan-nda. O co vanaa sandaa le ya hin veelu le, kɛ vanaa lahakia.»

Luke 15:10

Mì dimul niaa, lende koni mɛlɛkaa Hala-a a dɔawnun ɲaale le vana yɔŋ vɔɔn mal yɔŋ ndɔ vɔɔndo, mò mangalan-ndo ni.»

Luke 15:7

Lende vɛlɛ koni, mì dimul niaa, te vana yɔŋ vɔɔndo o pilɛ mal pɛ yɔŋ ndɔ vɔɔndo, lende koni ɲaale bɛndoo vanin o halataala, mò hiow ɲaale vanaa sandaa belaŋɔmahiɔɔlu a ŋɔmahiɔɔlua a nɔ lɛ mako le mangalan te-a ni.»

Luke 19:10

Kani Po vanacieo hin le vanaa va o lou nin-nda nuwviaa, mò ciindiaa nda.»

Luke 24:47

mì vannda balu vanaa-mangalaa-isɔɔ kpow dimullo, kandɔɔ Yerusalɛm maa a mal yɔŋ vɔɔndo, mà mangalan, mà sɔla hakilan malɔɔ.

Luke 5:31

Mí Yeesu cua sɔɛi, mó mulul nda aa: «O co vanaa co kɛndia-a le nɔ makoo a dɔtɔlɔnɔɔ le, kɛ vanaa lanàá.

Luke 5:33

Mí Faliisia dimul Yeesu aa: «Kaandeŋaa Nsaŋ-nda co sumndo biyɔɔ cuɛi-cuɛi ma va Hala piɛiyo, a naa bɛɛ co kon tosaa. Kɛ a nɔmnda yɛ, a co dioo ma va kolɔɔ.»

Dɛnnda kiilaa 17:30

Hala co lɛhau telen vannda ve ndu kon sina loo tofa le, kɛ sunsun o co nda veeloo, nɛɛ-nɛɛ nda co, haliko ma mangala kelala ndalan.

Dɛnnda kiilaa 2:38

Mí Piɛr mulul nda aa: «La mangalan, mì vana-vana o niaa tɛɛn sɔla yinɔɔ o diola Yeesu lan, haliko mi hakila niaalan la malnun haki. O kon mì la sɔla ke Kɔl-Diandaa.

Dɛnnda kiilaa 20:21

I veelu Yuifia a vanaa co N'Yuifi le-a le vulan baŋɔɔ Hala o labɛngunin, a le Maalii naa Yeesu laalanndo.

Dɛnnda kiilaa 3:19

Lelan, la mangalan, mì la mal yɔŋ vɔɔndo, mì la mulul Hala hɔlla, haliko mo ɲumi hakila niaalan.

Dɛnnda kiilaa 3:26

Le niaa Hala cuu vana ndɔ baalaa ni. O cuu ndu haliko mi vana-vana mal kela ndɔ vɔɔndo, mì la sɔla duaa.»

Dɛnnda kiilaa 5:31

Mó heelun ndu ikɛi, mó kɔ kɛsin ndu o ba ndɔ kɛndɔɔ coo, mó siinguu ndu Masaa a Vana Ciindiaa, haliko mi Israɛlla mal yɔŋ vɔɔndo, mà mangalan, mì hakila ndalan la malnun haki.

2Piɛr 3:9

Mɛlɛka tamala le sɔɛi o dimi-e peeloo maa mɛɛ vanaa pum a yiyan yɛ le. Biuvɔnndo o biwnun niaa ni, o yeema mì vana pilɛ bɛɛ lo le, kɛ o yeema mì vannda kpow a mangalan.