Luke 5:24 - BII BILA

²⁴ Nduyɛ, mɛɛ mì la sina maa Po vanacieo nɔ kpaayaa o lɛŋnden coo, o ó mal vannda haki-o pɛɛn. O kon, mó dimul vana falun vílɛ́i kon aa: ‹Cɔn, cua ɲɛ hinia nɔmndo mà kɔɛnnun o nɔm ndo.›»

Luke 5:24 Iomraidhean Croise

Esai 53:11

Lɔ́ɔ́ o ciinin sangalan ndan kpede sɔla-o, o canin ɲɛ-tengaa mò pim ca. Le sinapɛngu nda sɔlanin a ndu o kɔɔ-o, vana ni baala sandaa siinguunin vannda taw vanaa sadaa, o siilunnin tɛɛmbuula ndalan.

Daniɛl 7:13

I va vundule len cɔu tuŋ icɔl kon, mí ca vɛlɛ ɲɔɔ pum hunɔɔ o yumbuyumboo nin, velanndo a Po vanacieo. Mó sɔɔnguu háá nɛɛ Bɛndu Yuu Masindɛ-Sindɔɔ va icali-a. Má kɔa a ndu Bɛndu Yuu kon o hɔl.

Matie 16:13

Yeesu tiiyaa o tàndá Sesaree Filipe-o nin, mó ɲuna kaandeŋaa ndɔa aa: «Vɛ̀ɛ̀ vannda co yɛ dimio le vana ya co-o, ya Po vanacieo?»

Matie 25:31

Mí Yeesu dimi aa: «Lɔ́ɔ́ Po vanacieo hunnin o biilu ndɔɔ nin a mɛlɛkaa kpow-vo, o calnin o kpɛŋɛ ndɔ lemasaa nin.

Matie 26:64

Mí Yeesu mulul ndu aa: «Nɔm pila cii dimi. I co niaa vɛlɛ dimul, la canin Po vanacieo icali Hala vana kpaayaa kpow o ba kɛndɔɔ coo, mo va hunɔɔ o yumbuyumbu halataala-o nin.»

Matie 28:18

Mí Yeesu sɔɔnguu, mó dimul nda aa: «Kpaayaa kpow yɔngun ya o halataala a o lɛŋnden coo.

Matie 4:24

Mí tɔ́ɔ́ ndɔɔ tiw o lɛŋnde Siri len nin kpow. Má va ndu vanaa lanàà súú-súù ka, vanaa bolii hiŋnannda, vanaa ɲinaa vɔɔnda va kɔɔli-a a vanaa kikiɲaa cuuo. A va ndu vɛlɛ vanaa falun vílɛ́iya cuuo, mí Yeesu va nda singio.

Matie 9:6

Nduyɛ mɛɛ mì la sina maa Po vanacieo nɔ kpaayaa le hakilan malɔɔ o lɛŋnden coo.» Mí Yeesu dimul langbanɔ falun vílɛ́i kon aa: «Cɔn, cua yala nɔmndo mà muungun o nɔm ndo.»

Luke 5:13

Mí Yeesu siɛndi baa, mó pilan ndu, mó dimi aa: «I cɛl, siongu.» Fɔ́ɔ́fɔ̀, mí naa kon mal ndu.

Luke 5:18

Mí vannda pum a hun a vana falun vílɛ́iyo o ɲɛ hinia coo. A va nɛilan nuwviaa le ndu lueiyo cɛinin mì ndáà kɔ yambu ndu Yeesu o hɔl.

Luke 5:23

Ɔ́ɔ̀ o hiow va bɛɛn-bɛɛn-ndo? Vana falun vílɛ́iyo dimullo aa: ‹Hakila nɔmndan la malnun haki› baa ndu dimullo aa: ‹Cɔn, cua ɲɛ nɔm hinia mà kɔɛ›?

Luke 7:14

O kon, mó sɔɔnguu, mó pilan kesu vana vílɛ́i kon va nin-ndo. Mí vanaa va kɔlan a ndu-a sim. Mó dimi aa: «Poo sei, tiondu!»

Luke 8:54

Kɛ mí Yeesu saa cuaambɔɔ baa, mó dimi a diom bɛndoo aa: «Cuaambɔɔ, cɔn!»

Nsaŋ 11:43

Ndóò ciiyo dimio lende, mó yonda a diom bɛndoo aa: «Lasar, fula!»

Nsaŋ 17:2

maa mɛɛ n ke ndu kpaayaa ɲɔɔn kpow coo yɛ, haliko mo ke vanaa n ke ndu-a kpow yoomu fɛɛn-fɛɛndo.

Nsaŋ 3:13

Vana-vana hel o halataala le, fɔ vana tol fulaa o halataala-o, Po vanacieo pɛɛn.

Nsaŋ 5:27

Mó ke ndu dio le yamɛi kiolɔɔ, kani Po vanacieo o co ni.

Dɛnnda kiilaa 14:10

mó yonda aa: «Cɔn ma sim o pelun nɔmndon coo!» Mí langbanɔɔ can ɲaali, mó kandu kɔlan.

Dɛnnda kiilaa 5:31

Mó heelun ndu ikɛi, mó kɔ kɛsin ndu o ba ndɔ kɛndɔɔ coo, mó siinguu ndu Masaa a Vana Ciindiaa, haliko mi Israɛlla mal yɔŋ vɔɔndo, mà mangalan, mì hakila ndalan la malnun haki.

Dɛnnda kiilaa 9:34

Mí Piɛr dimul ndu aa: «Enee, Yeesu Krista singi nɔm! Cɔn ma cua vala nɔmndo.» Fɔ́ɔ́fɔ̀, mí Enee can.

Dɛnnda kiilaa 9:40

Mí Piɛr soli nda kpow o dio, mó baŋ vulan, mó piɛi Hala. O kon kɔɔli, mó muli hɔlla nɛɛ vana vílɛ́i kon va-a, mó dimi aa: «Tabita, cɔn.» Mí Tabita kumbi hɔltan. Ndóò cɔu Piɛr, mó can, mó cal.

Dɛnnda cɔɔmuanndan 1:13

ɲɔɔ pum va isisi o ɲɛla-kɛsiaa-lafitinala lan tɛɛn maa vanaciee. Doma va ndu lekɔɔ-o ndóò tol háá o pelon, a yáwle n'sianilen o takpa.