Luke 5:21 - BII BILA

²¹ Mí vanaa pɛɛkaa latɔŋnda a Faliisia a kandu yiyanndo aa: «Vana súú yɛɛ co yɛ ho sɔɔn tanan dimio a Hala o kɔɔ? Ɔ́ɔ̀ vana tiwba mò mal vana haki-o, te o co Hala ndu pilɛ kpé le?»

Luke 5:21 Iomraidhean Croise

Condii lisai 103:3

Ndu mal-la haki le hakila nilan kpow ni, mó singi nààla nilan kpede.

Condii lisai 130:4

Kɛɛ nɔm, a tiwba mà mal vana haki, lelan, mɛɛ mì vana ke nɔm bɛɛlen.

Condii lisai 32:5

O kon kɔɔli, mí sɔlɔlan haki nuu, i vin tɛɛmbuu nuu le. Mí dimi aa: «I co hakila nilan sɔlalan Mɛlɛka o hɔl». Ɛ̀ɛ̀ nduyɛ, má mal-la haki le tɛɛmbuula nilan.

Condii lisai 35:5

Màá mɛlɛkanɔ Hala-o tow nda, mà siŋnun maa bilte hoeiye cua len!

Esai 1:18

Mɛlɛka dimi aa: «La hun mì n soonun latulu! Te hakila niaalan la va pɛ lasiaŋa vaŋ, la co muungu lahumbu maa fengbɔ, te la va pɛ lasiaŋa maa kola siaŋa sɔɔtɔtɔ, la co muungu maa kola keese humbu.

Esai 43:25

Ya ni, ya ɲumi biondɔnnda niaalan le kaola ni ya pilaa ni, nduyɛ, i loonun ndɛnin hakila niaalan te.

Esai 44:22

I vɔɔsuu hakila niaalan maa mɔ́m. I ɲumi yɔŋnda vɔɔnnda niaalan maa yumbuyumbu. Lelan la muungu ya o ibuŋ, kani ya baŋa niaa ni.

Daniɛl 9:19

Maalii, yaŋnun! Maalii, mal haki. Tuei naa diom, keleŋa ɲɛ ya co nɔm ɲunaa-o tosa. Yiyan a kaola nɔmndo o kɔɔ. Kani o kobi nɔmndo ho nin a o yungu nɔmndo ho tɛɛn diola nɔmndan la co piɔlnɔnndo ni.›»

Daniɛl 9:9

Nɔm Maalii Hala naa ɲííye a haki malaa co o ba ni. Kani n simul nɔm a nila kalulan.

Tɔŋ lasálàá 24:16

Vana-vana soo pɛ diomnde vɔɔnnden a diola Mɛlɛka lan, vana kon bɛnda mò sɔla piɔ́mndo kangalan. Israɛlla kpow a lonin ndu viiyo a powtan háá mo vi. Vana kon va bɛɛ mial hin calle Israɛlla o bɛngu coo-o, o va vɛlɛ bɛɛ Israɛlnɔ pilacieo, o bɛnda mò sɔla piɔ́mndo le diomnde vɔɔnnde o soo a Hala len.

Misee 7:19

O laan vɛlɛ nɔm Hala, a co naa iɲíí tuinɔn, a biinin naa maa tɛɛmbuula naalan la co yɛ le. A viawnin hakila naalan kpow o mɛmma ihɛllan nin polon.

Matie 26:65

O kon, mí bolle vanaa-solia-lasálàá sɛɛsian volɔɔlan lekɔɔ, mó dimi aa: «O dimi sɔɛi tana-i a Hala. Ɔ́ɔ̀ seyaa naa n co vɛlɛ ɲuna le hee-a? Kámáá niaa pila langa tuei mɛɛ o dimi sɔɛi tanɛi a Hala yɛ! Ɔ́ɔ̀ yiyan niaa?»

Matie 9:3

O kon mí vanaa pɛɛkaa latɔŋnda pum a dimulan aa: «Langbanɔɔ ho dimi sɔɛi tanɛi.»

Luke 3:8

Mɛɛ la tosa niko dɛnnda kɛndɛla cɔm maa la mal kela niaa vɔɔndo, mì la mangalan ndan. La dimin o lakɔl te aa: ‹Abraham co fuɲa naa ni.› Kani mì dimul niaa, Hala nɔla mò siinguu powtan ndan cuavaa Abraham-nda.

Luke 5:17

Paale pilɛ, Yeesu va vannda pɛɛkoo. Faliisia a vanaa pɛɛkaa latɔŋnda va icali, fulaa o cieon va Kalile, Yuda a Yerusalɛm-ndon nin kpow. Kpaaya Mɛlɛka-o va Yeesu nin, mó va vanaa lanàá singio.

Luke 5:22

Yeesu sinaa yiyannda ndalan, mó cua sɔɛi, mó ɲuna nda aa: «Le yɛɛ niaa co yɛ yiyanndo o kɔlta niaalan nin lende?

Luke 7:49

Mí vanaa va dioo nda ndu latulu-a va ɲuunianndo o kɔlnin aa: «Ɛ̀ɛ̀ vana súú yɛɛ langbanɔɔ ho ndu co yɛ, o co hoo vannda hakilan malɔɔ-o?»

Nsaŋ 10:33

Mí Yuifia mulul ndu aa: «O co le dɛnɛ le naa n co nɔm viiyo a powtan te, kɛ le sɔɛi tanai n dimi-e, kani a cii siingɔn Hala, nɔm vanacieo!»

Rɔmnda 8:33

Nɛ̀ɛ́ lɔalu yɛnin vanaa Hala hɛli-a? Hala siinguu vana vana sandaa ni.