Luke 4:8 - BII BILA

⁸ Mí Yeesu mulul ndu aa: «O co o sɛvaa aa: ‹Biilu Mɛlɛka, o co Hala nɔmndo-o. Ndu pilɛ kpé n bɛnda ma tosal baalaa ni.›»

Luke 4:8 Iomraidhean Croise

2Masaa 19:15

Mó piɛi Mɛlɛka aa: «Mɛlɛka, Hala Israɛlla, nɔm co icali mɛlɛkaa kanda ɲɛm Hala-on-nda tɛɛn-ndo, nɔm pilɛ kpé co Hala le masɛi kpow o lɛŋnden coo ni, nɔm soli halataala a lɛŋnden ni.

Condii lisai 83:18

Màá siɛmbulan la tol nda mà va a siòònde lɔ́ɔ́-lɔ́ɔ̀! Màá a tambu labɛɛ, mà cuu kpede!

Esai 2:11

Siɛmbulan la toalnin vanaa heelannda, mì vanaa kuundiannda tol tootoo mɔlɔmɔlɔ. Mɛlɛka ndu pilɛ kpé sɔlanin heeloo ɲinkon ni!

Matie 16:23

Kɛ mí Yeesu mulin, mó dimul Piɛr aa: «Faŋan ya kɔɔli, Setana! A yeema mà luei ya o pɔwlan nin, o co yiyannda Hala le n nɔ lan te, yiyannda vanndacieea kposon n nɔ ni.»

Matie 4:10

Mí Yeesu dimul ndu aa: «Faŋan ya kɔɔli, Setana! Kani o co o sɛvaa aa: ‹Mɛlɛka Hala nɔmndo n bɛnda le biiloo ni, ndu pilɛ kpé n bɛnda le baalaa tosallo ni.›»

Luke 4:4

Mí Yeesu mulul ndu aa: «O co o sɛvaa aa: ‹O co ko ɲɛdiaa daama le vanacieo dia mò va yoomu le.›»

Luke 4:7

Lelan, taa baŋ pɛ vulan ya o labɛngunin, mɛɛ le nɔm kon kpow vanin ni.»

Tɔŋ miingua 10:20

La bɛnda mì la nɔ siòòŋii Mɛlɛka Hala niaa, ndu niaa bɛnda le biiloo ni, ndu kínɛí niaa bɛnda le holnɔndo ni, o diola ndɔlan daama niaa bɛnda le mɛnanndo ni.

Tɔŋ miingua 6:13

Mɛlɛka Hala niaa kínɛí niaa bɛnda le biiloo ni, ndu pilɛ kpé niaa bɛnda le baalaa tosallo ni. O diola ndɔlan kínɛí niaa bɛnda le mɛnanndo ni.

Nsaki 4:7

Lelan, la tuisin Hala o labɛngunin. La simul ɲina vɔɔndo, o ɲaanunnin niaa.

1Piɛr 5:9

La simul ndu ɲɛkɛndɛi a laalanndo, la sínà maa sangala pilɛla lan la co puapilɛa niaa coo o ceendo coo.

Dɛnnda cɔɔmuanndan 19:10

Mí del ndu o pelon bɛngu le ndu biiloo, kɛ mó dimul-la aa: «Ɛ-ɛ, tosa lende le! Vana baalaa maa nɔm, a puapilɛ nɔm lo o toɲa Yeesu-o coo-o ya co ni. Hala n bɛnda ma baŋ vulan o labɛngunin ni!» Seile Yeesu len le co kɔl vanaa-tɛɛngaa-diom Hala-a ni.

Dɛnnda cɔɔmuanndan 22:9

Kɛ mó dimul-la aa: «Tosa lende le! Caan nɔm niaa co baala pilɔɔ tosaa-o ya co ni, caaŋoo puapilɛa nɔmnda, vanaa-tɛɛngaa-diom Hala-a pɛɛn, a vanaa co sɔɔn sɛbɔɔ ho biyɔɔ-a. Hala n bɛnda le vulan baŋɔɔ o labɛngunin ni.»

1Samiɛl 7:3

Mí Samiɛl dimul nda aa: «Te o va pɛ a kɔlta niaalan kpede niaa yeema le muungoo Mɛlɛka o ibuŋ ni, mɛɛ la mal piɔmaa Astarteea sooloo few-few, mì la tiindan Mɛlɛka, mì la biilu ndu ndu pilɛ kpé. O baŋanin niaa Filistia o ba.»