Luke 4:34 - BII BILA

³⁴ «Yɛɛ n yeema yɛ naa yɔŋndo ho, nɔm Yeesu Nasarɛt? Vɛ̀ɛ̀ le naa ciiyo n hin ni? I sina vana n co-o, O-Diandaa Hala-o.»

Luke 4:34 Iomraidhean Croise

O Kandɔɔ 3:15

I lueinin vɔvanndo niaa tɛɛn niaa vanalanɔɔ, vɔvanndo vanin cuavaa ndɔa a cuavaa nɔmnda tɛɛn. Po vanalanɔɔ pialnin nɔm bollen, mì nɔm lɔva ndu bɛngu tííndííyo.»

1Masaa 17:18

Mí cua kon ɲuna Elii aa: «Yɛɛ nɛ co yɛ naa tɛɛn naa nɔm? Vɛ̀ɛ̀ le Hala hakila nilan cɔɔmullo n hin nanu ni haliko mi po nuu sɔla piɔ́mndo?»

Condii lisai 16:10

Kani nɔm Mɛlɛka, a melnin ya kɔlan ciee-piɔ́m te, a cɛlnin mì ya vana lo lediom coo a nɔm-ndo tol o sɛiyo nin te.

Daniɛl 9:24

Lɔ́ɔ́lan la kelun belaŋɔmmɛw le yungu nɔmndo a kobi nɔm diandaa, le diondɔɔ a hakilan, le yɔŋ vɔɔndo ciiyo, le hunɔɔ a dɛnɛ sandaa fɛɛn-fɛɛndo, le vunduan a sɔɔn vanaa-tɛɛngaa-diom Hala-a dimi-on peelɔnndo, le Fonda-Dianda-Diandaa mingio sɔɔ Mɛlɛka o ba.

Matie 8:29

Má can yoondiaa aa: «Yɛɛ n yeema yɛ le naa yɔŋndo, nɔm po Hala-o? Vɛ̀ɛ̀ le naa saangiaa n hin ni lɔ́ɔ́ pá mì telenndo tiiya?»

Marke 1:24

«Yɛɛ n yeema yɛ naa yɔŋndo, nɔm Yeesu fula Nasarɛt-o? Le naa ciiyo n hin ni? I sina vana n co-o, O-Diandaa Hala vem-ndo n co ni.»

Marke 1:34

Mó singi vannda taw a nààla yɛ́-yɛ́lan. Mó toaw vɛlɛ ɲinaa vɔɔnda vanaa bɔɔ-bɔɔ kɔɔli. Kɛ o ve ɲinaa vɔɔnda malɔɔ sɔɛi le, kani ndáà sina ndu.

Marke 5:7

mó deŋi kpélén aa: «Le yɛɛ n co yɛ ya kɔɔli, nɔm Yeesu po Hala-Hiow-Ɲɔɔn-Kpow-vo? I co nɔm ɲɔɔlu, tosa le Hala, luei ya imɔnɔ le.»

Luke 1:35

Mí mɛlɛkanɔɔ mulul ndu aa: «Hala Kɔl-Diandaa hunnin nɔm coo, mì kpaaya Ó-Hiow-Ɲɔɔn-Kpow-vo kuumbun nɔm coo maa levundu. Lelan, o diandaa n vialunin-ndo sɔlanin veeloo aa Po Hala-o.

Luke 4:33

Vana pum va o cɛi lekaando nin, o ɲina vɔɔndo va kɔɔli-o, mó yonda kpélén aa:

Luke 4:41

Mí ɲinaa vɔɔnda bɛɛ va fulaa vanaa siama nin, ma va deŋio aa: «Po Hala-o n co ni!» O kon, mí Yeesu kpaa nda, o cɛl mà soo le, kani má sina maa Krista o co ni.

Luke 8:28

Ndóò cɔu Yeesu, mó yonda kpélén, mó del Yeesu o labɛngunin, mó heelu diomndo aa: «Le yɛɛ n co yɛ ya kɔɔli, nɔm Yeesu Po Hala-Hiow-Ɲɔɔn-Kpow-vo? I co nɔm tɛɛlɔn, saangiaa ya le.»

Luke 8:37

O kon, mí vanaa va o tàndáá Serasenii nin-nda kpow a dimul Yeesu maa o faŋan o nda lo, kani siòònde va nda taw. Mí Yeesu luɛi o dɛ̀ndɔ̀ɔ́ nin le kɔnndan.

Dɛnnda kiilaa 16:39

Má kɔ ɲɔɔlu nda, má soli nda o kaasoo. Má tɛɛlun nda le faŋanndo o kobi ndaa nin.

Dɛnnda kiilaa 2:27

Kani nɔm Mɛlɛka melnin ya kɔlan ciee-piɔ́m te, a cɛlnin mì ya vana baala nɔm n kɛsi landɔ-o tol o sɛiyo nin te.

Dɛnnda kiilaa 3:14

Niaa yɛ, mí la kɛɛ vana Diandaa, o co vana Sandaa Mɛlɛka o hɔl-lo pɛɛn. Mí la ɲuna le vana diyaa n'vanndo malɔɔ.

Dɛnnda kiilaa 4:27

I co toɲa, maa mí Herɔde nda Pɔnse-Pilate a cɛlan o kobio ho nin nda vanaa-mangalaa-isɔɔa celen, a Israɛlla, má yii Yeesu dúmbú, Yeesu vana baala diandaa nɔmndo, o n hɛli mo va Krista-o pɛɛn.

Hebreea 2:14

Le tùú cuavaa kan a co cuavaa n'falua a cuavaa kooma vanacieo-vo, mí Yeesu bɛɛ siŋnun maa nda, mó cua dialun ivanacieeyan. O kon mó pial ɲina vɔɔn nɔ kpaaya piɔ́mndo o ba-o o piɔ́m ndɔɔ nin.

Nsaki 2:19

A laalan maa Hala ndu pilɛ kpé co ni? A caa laalan lende. Ɲinaa bɛɛ laalan lende mà va ɲiiyaa.»

1Nsaŋ 3:8

Vana tosa pɛ hakio, mɛɛ le masa ɲinaa vɔɔnda vana kon co ni, kani o kandɔɔ pɔ́ masa ɲinaa vɔɔnda ndu tosa hakio ni. Po Hala-o ndu fula, haliko mo tɛɛmbuu baala masa ɲinaa vɔɔnda.

Dɛnnda cɔɔmuanndan 20:2

Mó bii tambálakáà, kɛwvo sindɛ, o co masa ɲinaa vɔɔnda-o, Setana pɛɛn, mó yii ndu le vɔsilan vàá pilɛ.

Dɛnnda cɔɔmuanndan 3:7

Sɛval mɛlɛkanɔ vanaa laalannda Filadɛlfii aa: «Ɲɛ vana co O-Diandaa mo nɔ toɲaa-o, vana nɔ kii David-e o ba-o, o kumbi vana-vana kinda loo, o kinda vana-vana kumbi loo co dimio-o co hoo ni aa: