Luke 4:22 - BII BILA

²² Mí nda kpow a naŋ kɔl, má dɔawnun kɔndɔfili a sɔɔn kɛndɛn va ndu fulaa o sondo-on, má ɲuna aa: «Vɛ̀ɛ̀ o co po Yosɛf-o le?»

Luke 4:22 Iomraidhean Croise

Condii lisai 45:2

Kɔllo co ya yusaa nin le sɔɔn kɛndɔn dimio, i co dimio aa: Le masaa dɛnnda nilan la co ni. Màá diɛɛmule nilen le siŋnun maa kpɛ̀kile vana sɛvaa kɔlkaloo!

Condii lisai 45:4

Yiinun mɔɛi nɔmii cɔwve o càŋ, nɔm kuubanɔ kpaayaa ho. Mɔɛi ken cɔm biilu nɔmndo a naŋɔɔ nɔmndo ni.

Talelan 10:32

Sɔɔn sɔvɛɔn fula vana sandaa o sondo ni, kɛ sɔɔn vɔɔnndon daama n fula vana kɔlvesɛiyo o sondo ni.

Talelan 16:21

Vana nɔ yiyan kɔlkaloo-o co vana taasio ni. Mɛɛ sɔɛi hɛnan vana o tueyɔɔ yɛ, lende koni i cɔɔlu vana sinapɛngoo ni.

Talelan 25:11

Maa ɲɛ nda toosiaa a sianion má kɛɛmiaa ndu a volin humbon-ndo sɔɛi dimin a telen bɛnda-o-e co ni.

Vana Kɔlkaloo 10:12

Vana kɔlkaloo soo pɛ, sɔɔn mun hɛnan vannda. Kɛ diɔm sondo vesɛiyo ndu kumbi dɔ́ɔ́ pɛ sondoo, vannda yaa ndu.

Condii kɛndɛ-kɛndɛi 5:16

Sondo ndɔɔ yeela bɔɔ o vɔɛiyo, o hɛnan ya taw o tofaa. Lende vanapɔnɔ ya kaola hoo-o co ni, lende caan ni kon co ni, mbɔ̀ alɛ, felengia laandua Yerusalɛm!»

Esai 50:4

Maalii Hala yɔngu ya diɛɛmule bɛnda a kaandennɔɔ len, haliko mi caa vana sanga-o yoomuan mingio o n'dial a sɔɛi nii sondoei. Idii oo idii o co nila nilan kumbio válán, haliko mi yaŋ nilan mɛɛ kaandennda yaŋ nilan o pɛɛkoo yɛ.

Luke 2:47

Mí vanaa va ndu diomndo tueyɔɔ-a kpow a dɔawnun kɔndɔfili a kɔlkalu ndɔɔ a á mulila o va yɔngoo lan.

Luke 2:48

Yungu ndɔɔ cɔu ndu, má dɔawnun kɔndɔfili, mí kala ndɔ ɲuna ndu aa: «Po nuu, le yɛɛ n tosal-lɛ naa dɛnɛ vaa nuaa? N co nɔm nuwviaa a buulanndo naa fuɲa nɔm.»

Luke 21:15

Kani i sɔaanin niaa sɔɔn o lasondo, mì ke niaa kɔlkaloo, o yaamɔaa niaa nɔlanin niaa simul mà sɛɛngiaa niaa loo.

Luke 4:21

Mó kandu sɔɛi aa: «Sɔɛi he i peelun hau, niaa vanaa tuei ndi-ya o hɔl.»

Nsaŋ 1:45

Mí Filipe komal Natanaɛl, mó dimul ndu aa: «N saalun vana sɔɛi ndɔɛi dimin o tɔŋ Moise-o nin a o sɛbɛla vanaa-tɛɛngaa-diom Hala-a nin-ndo, Yeesu Nasarɛt, po Yosɛf-o.»

Nsaŋ 6:42

Má va dimio aa: «O co macoaa ndu le co Yeesu po Yosɛf-o le? N sina masinaa fuɲa ndɔ a kala ndɔ le? Kɛ le yɛɛ o co yɛɛ naa niko dimullo maa o halataala o fula ni?»

Nsaŋ 7:46

Mí kpalilla muli aa: «Kabi bɛɛ vanaciee suu vɔ maa langbanɔɔ ho le.»

Dɛnnda kiilaa 6:10

Kɛ a tiwba ndu simullo le, kani a kɔlkalu Hala Kɔl-Diandaa ke ndu-o o va sɔɛi ni.

Tite 2:8

Mì sɔɔn nɔmndon n sandu, vana nɔla mun sɛɛngiaa le, o kon mì yaamɔɔa laasian, a nɔla lɛ ɲɛ-ɲɛ vɔɔn dimi a naa o kɔɔ le.