Luke 4:18 - BII BILA

¹⁸ «Kɔl Hala-o co ya coo, kani o hɛli ya le vanaa bala fondoa Yoongu Kɛndɔɔ tiiyallo. Le vanaa co o kaasolan-nda baŋaa, le vanaa sumɛiya hɔltan kumbio, le vanaa co o sangaa nin-nda pɛngio keo,

Luke 4:18 Iomraidhean Croise

O Kandɔɔ 3:15

I lueinin vɔvanndo niaa tɛɛn niaa vanalanɔɔ, vɔvanndo vanin cuavaa ndɔa a cuavaa nɔmnda tɛɛn. Po vanalanɔɔ pialnin nɔm bollen, mì nɔm lɔva ndu bɛngu tííndííyo.»

2Dɛnnda lemasalan 34:27

Le tùú sɔɛi ndu Mɛlɛka dimi a fondaa ho a á vanaa co lenin-nda o kɔɔ-e i pilan ndu masaa kɔllo, mó tuisin tootoo mɛlɛka o hɔl-lo, le tùú o tuisin tootoo mó sɛɛsian volɔɔlan lekɔɔ-o, le tùú o yaŋ vɛlɛ Mɛlɛka nilan-ndo, Mɛlɛka bɛɛ tuei ndu diom. Sɔɛi Mɛlɛka dimi-e co ken ni.

Condii lisai 102:20

Mɛlɛka lo o Fonda-Diandaa ndɔɔ, mó naŋun le tofaa. O lo o halataala, mó mɛɛndan lɛŋnden

Condii lisai 147:3

O co vanaa ndáà tambu kɔltan nda dandaa dɔvɔɔ, mo va boolɔnnda ndalan cɛwcɛwvo.

Condii lisai 2:2

Le yɛɛ masaa lelɛŋnda co yɛ cɔnɔnndo nda simlacia, má va dúmbúlan yiiyo nda ndaa le Mɛlɛka a vana o pɔla-o cɔlɔbaa?

Condii lisai 2:6

O co nda dimullo aa: «Ya pɔla masa nuu o pembei Siɔn coo ni, pembii nii diandɛi pɛɛn.»

Condii lisai 34:18

Vanaa sandaa koŋul pɛ, Mɛlɛka tuei nda diom, ò soli nda o buulannda ndalan kpow nin.

Condii lisai 45:7

Masale nɔmnden le vanin le lɔ́ɔ́-lɔ́ɔ̀ a le fɛɛn a fɛɛn. Tinda nɔm lemasaa tinda dɛnɛ sandaa o co ni.

Condii lisai 51:17

Maalii, kumbi cɔcɔn nun, mì sondo nuu lisa nɔm.

Esai 32:3

Hɔlta vanaa co cɔu-va la kindan ndɛnin te, nila vanaa co tueyɔɔ-a la beŋul-lɛnin te, la vanin layaŋaa yékén.

Esai 35:5

Paale len, hɔlta vanaa sumɛiya a nila vanaa nila baŋulɛiya la kumbinnin,

Esai 42:7

le vanaa sumɛiya hɔltan kumbio, le vanaa co o biyɔɔ nin-nda solio o kaasoo, le vanaa co a biyaa o ɲumndan nin-nda baŋaa.»

Esai 45:13

Ya pila cua Siris o sandii nii nin ni. I peelunin nɛila ndɔlan kpede. O minginin kobi nuu tangul, mò ke vanaa niaa co o cɛlen nin-nda hɔ́ɔ́yɛi. O venin a bɔnɔ le, o venin vɛlɛ a ɲɛ-sɔlaa le.» Mɛlɛka-Nɔ-Kpaayaa-Kpow-vo soo lende ni.

Esai 49:9

Le vanaa co o biyɔɔ nin-nda dimullo aa: «La fula le vanaa co o ɲumma kaasoan nin-nda dimullo aa: «La fula nɛɛ vavonnda!» A dɔawnunnin balo o nɛilan demullo, a saalunnin bil puiyaa o dúkúdúkùla puleelan kpow coo.

Esai 50:4

Maalii Hala yɔngu ya diɛɛmule bɛnda a kaandennɔɔ len, haliko mi caa vana sanga-o yoomuan mingio o n'dial a sɔɛi nii sondoei. Idii oo idii o co nila nilan kumbio válán, haliko mi yaŋ nilan mɛɛ kaandennda yaŋ nilan o pɛɛkoo yɛ.

Esai 57:15

Kani Ó-Hiow-Ɲɔɔn-Kpow-vo, o calta ndɔlan la co le fɛɛn a fɛɛn-ndo, o diola ndɔlan la co ladiandaa-o soo nuaa ni mó dimi aa: «I co icali o fondala vilɛi-vilɛilan nin coocoo pɔɔli, i connun icali lon o diondɔɔ nin. Kɛ i co vɛlɛ icali naa vana co o mɔnɛi nin-ndo a vana cennun o pɔmbɔ o yiyan-ndɔɔ nin-ndo, haliko mi luei yiyannda vanaa cennun a pɔmbɔ-a yoomuan, mi nɛŋi kɔlta vanaa co o mɔnɛi nin-nda.

Esai 59:21

Mɛlɛka dimi vɛlɛ aa: «Ya yɛ, tofa vɔ kpema ya yii a nda-o. Kɔl nuu co niaa coo-o a sɔɔn niin ya vow niaa o sondo-on faŋannin niaa o sondo le. N feŋannin niaa pila a cuavaa niaa o lasondo le, cuavaa niaa imamaa bɛɛ, n feŋannin nda o lasondo le. Kandɔɔ sisa háá le fɛɛn a fɛɛn.» Mɛlɛka dimi lende ni.

Esai 61:1

«Kɔl Maalii Hala-o co ya coo, kani (Mɛlɛka) pɔla ya, o vem ya le kɔlan vanaa co o sangaa nin-nda yoongu kɛndɔɔ tɛɛngullo, le vanaa nɔ mɔnɛi o lakɔl-la cɛwvo, le vanaa co o biyɔɔ nin-nda yoongu baŋan ndaa dimullo, le vanaa kaasoa yoongu sɔlaa ihɔɔyaa dimullo.

Esai 66:2

Ɲɛm mun kpow, ba nuu cɔw mun ni, o kon n mun kpow n va mɛɛ n co yɛ, ya Mɛlɛka co sɔɛi nuaa ni. Tofa vɔ, vana ya landunin hɔlla coo-o, ndu co vana ikɔɔ co o mɔnɛi nin-ndo ni, o co ɲiiyaa a siòònde a sɔɛi nii-o.

Esekiɛl 9:4

mí Mɛlɛka dimul ndu aa: «Balu kobio Yerusalɛm kpow, mà kei pondalen handɔɔ vanaa sɔɛi co palaa má va cɛɛŋɔnndo le dɛnnda nɔɔlɛila co lan tosanndo lan-nda o itendu.»

Daniɛl 9:24

Lɔ́ɔ́lan la kelun belaŋɔmmɛw le yungu nɔmndo a kobi nɔm diandaa, le diondɔɔ a hakilan, le yɔŋ vɔɔndo ciiyo, le hunɔɔ a dɛnɛ sandaa fɛɛn-fɛɛndo, le vunduan a sɔɔn vanaa-tɛɛngaa-diom Hala-a dimi-on peelɔnndo, le Fonda-Dianda-Diandaa mingio sɔɔ Mɛlɛka o ba.

Sofoni 3:12

I mɛinin vanaa tuisiannda a vanaa bala fondoa yoomu niaa tɛɛn, á nuwviaanin nɛɛ viannannda o ya Mɛlɛka nin-nda pɛɛn.

Sakari 11:11

Mí kpema kon tambu ɲinkon. Mí yulaa n'saa va ya mɛɛndanndo-a bii bila maa sɔɛi Mɛlɛka-e va tɛɛngɔn kon a dɛnnda nilan ni.

Matie 11:5

vanaa sumɛiya co cɔu, vanaa bɛvɛiya co cɔnɔnndo mà va kelaa, vanaa nàà siaŋaa co siongɔɔ, vanaa nila baŋulɛiya co tueyɔɔ, vanvílɛ́iya co muungoo yoomu, Yoongu Kɛndɔɔ co vanaa bala fondoa tiiyalanndo.

Matie 12:18

«Vana ni baala ya hɛli-o co hoo ni, o ya kaola-o, o ya hini kɔl-lo pɛɛn. I tuisinin Kɔl nuu ndu coo, mò cɔm vanaa-mangalaa-isɔɔa dɛnɛ sandaa.

Matie 12:20

O siownin kpɛ̀ndɛ̀le co nin le yomɛilen-den kendi le, o siownin tɛngɛ co nin le ɲumndo-o ɲumi le, lende o co lo tosaa ni háá mi dɛnɛ sandaa tiw sɔ́.

Matie 4:16

vanaa co icali o ɲumndan nin-nda ce ɲɛ-tengaa bɛndoo, pangeloo tenga vanaa va icali o lɛŋnde vunduma piɔ́mnden nin-nda coo!»

Matie 5:3

«Dɛnɛ kɛndɔɔ co le vanaa tuisin tootoo o kɔlta ndalan nin-nda, kani masale halataala len le co le nda.

Luke 4:17

Má yɔngu ndu sɛbɛ simbula Esai vana-tɛɛngaa-diom Hala-o. Mó timbi ndu, mó ca nɛɛ o co o sɛvaa-a aa:

Luke 6:20

Yeesu keeliaa kaandeŋaa ndɔa hɔlten coo, mó dimi aa: «Dɛnɛ kɛndɔɔ co le niaa vanaa bala fondoa, kani masale Hala len le co le niaa.

Luke 7:22

O kon kɔɔli, mó mulul kiilaa Nsaŋ vem kan-nda aa: «La kɔ dimul Nsaŋ ɲɛ niaa ce mì la tuɛi-yo: vanaa sumɛiya co cɔu, namtaa co kɔlan, vanaa nàà siaŋaa co siongɔɔ, vanaa nila baŋulɛiya co tueyɔɔ, vanvílɛ́iya co tendullo, Yoongu Kɛndɔɔ co vanaa bala fondoa tiiyalanndo.

Nsaŋ 1:41

Vana tase o komal-lo va Simɔn Piɛr puapilɛ ndɔ ni. Mó dimul ndu aa: «N saalun Vana Hala vem-ndo, Krista pɛɛn!»

Nsaŋ 12:46

Ya ɲɛ-tengaa, i hin o ceendo coo, haliko vana-vana laalan ya pɛ, o va o maɲum nin te.

Nsaŋ 3:34

kani sɔɔn Hala-on vana Hala vem-ndo dimi ni, kani taw-taw Hala yɔngu Kɔl-Diandaa ni.

Dɛnnda kiilaa 10:38

La sinà mɛɛ Hala pɔla Yeesu fula Nasarɛt-o a kpaaya Kɔl-Diandaa yɛ, a mɛɛ ndu Yeesu kei vannda dɛnɛ kɛndɔɔ tosal nɛɛ-nɛɛ ka yɛ. O va vanaa va o biyɔɔ nin ɲina vɔɔndo o ba-a kpow singio, kani Hala va ndu ikɛi.

Dɛnnda kiilaa 26:18

I co nɔm vomɔɔ mà kɔ kumbi nda hɔltan, mà soli nda o ɲumndan nin, mà ce ɲɛ-tengaa. Mà soli nda o kpaaya Setana-o bɛngu, mà muungu Hala o ibuŋ. O kon taa laalan ya pɛ, a sɔlanin hakio malɔɔ, mà sɔla vɛlɛ kɛ́ ndaa vanaa Hala-a tɛɛn.›»

Dɛnnda kiilaa 4:26

Le yɛɛ masaa lelɛŋnda co yɛ cɔnɔnndo mà va cuungianndo nda simlacia le Mɛlɛka nda Vana o pɔla-o simullo?›

Dɛnnda kiilaa 4:27

I co toɲa, maa mí Herɔde nda Pɔnse-Pilate a cɛlan o kobio ho nin nda vanaa-mangalaa-isɔɔa celen, a Israɛlla, má yii Yeesu dúmbú, Yeesu vana baala diandaa nɔmndo, o n hɛli mo va Krista-o pɛɛn.

Kolɔsea 1:13

O baŋa naa kpaaya maɲumndo o ba, mó hivi naa o masale Po ndɔ o kaola-o len nin.

Nsaki 2:5

Puapilɛa nia hɛnan ya-a, la yaŋ-ndɔ nilan. Vɛ̀ɛ̀ o co hɛlio le Hala hɛli vanaa bala fondoa o ceendo nin le nda siinguuo vanaa bolofaa o laalanndo nin te? O hɛli nda haliko ma sɔla Masale o yiilu vanaa kaola ndu-a kpemaa len.

1Piɛr 2:9

Kɛ niaa, vanaa Hala hɛli-a niaa co ni, vanaa-solia-lasálàá lemasaa, kunda diandaa, haliko mi la yonda dɛnnda kɛndɛla vana soli niaa o ɲumndan nin, mó cuu niaa o ɲɛ-tengaa ndɔ sɔvɛɔ-o nin-ndo lan.