Luke 4:15 - BII BILA

¹⁵ O va kaannden tosaa o cɛila lekaandan nin, mí vannda kpow a va ndu biiloo.

Luke 4:15 Iomraidhean Croise

Esai 55:5

Tofa vɔ: a veelunin vanaa-mangalaa-isɔɔa n sina le-a. Vanaa-mangalaa-isɔɔa sina nɔm te-a hunnin o nɔm ndo a kiltan bilika-bilika, le Mɛlɛka, Hala nɔmndo, O-Diandaa Israɛlla pɛɛn, o co nɔm bɛɛlen yɔngoo-o.

Matie 13:54

Mó kɔa o lɛŋnde ndɔlen nin, mó kandu vannda pɛɛkoo o cɛila lekaanndan nin, mí kɔndɔfillo bii nda. Má va dimio aa: «Kuɛɛ o fula yɛ a kɔlkaloo ho a á kaamaala o co lan tosaa lan?

Matie 4:23

Yeesu va kelaa o tàndá Kalile-o kpow nin, o va keiyo vannda pɛɛkoo o cɛila lekaannda Yuifia nin, o va yondaa a masale Hala len o kɔɔ, o va vannda singio a nààla ndalan kpow a á namtale kɛ́-kɛ̀ ndáà nɔ.

Matie 9:35

Yeesu va keiyo o kobilan kpow nin a o cieon pɔmbɔn, mó va vannda pɛɛkoo o cɛila lekaannda ndalan nin, mó va keiyo Yoongu kɛndɔɔ dimio a masale Hala len o kɔɔ, mó va nààla súú-súù ka a namtale súú-súù ka singio.

Matie 9:8

Sɛ́lɛ́ va lon-ndo cɔu dɛnɛ kon, mí siòònde bii nda, má biilu Hala le vanndacieea kpaaya vaa lende yɔngoo.

Marke 1:27

Mí siòònde bii nda kpow, má muungu ɲuunianndo aa: «Dɛnɛ yɛɛ co yɛ hoo? Pɛɛku sɛnɛi celen co vɛlɛ hoo ni, o nɔ bɔɔ kpaayaa. Hali ɲinaa vɔɔnda, langbanɔɔ ho co nda deŋullo mà va sɔɛi ndɔɛi biyɔɔ.»

Marke 1:39

O kon mó kɔa o tàndá Kalile-o kpow nin, mó va sɔɛi Hala-e yondaa o cɛila lekaanndan nin a ɲinaa vɔɔnda tovɔɔ.

Marke 1:45

Kɛ langbanɔ kon fulaa dɔ́ɔ́, mó kandu ndi keelaa a yondaa le vannda ndi dimullo. Le kɔlɔ kon, Yeesu ndóò nɔla lɛ luɛyɔɔ o kobi oo kobi nin te, fɔ o vionnɔnndo nin. O cieon kɔɔli, o lɛŋnde veselɛilen nin ndóò lo nin ni, mì vannda ndáà fula nɛɛ-nɛɛ ka le kɔlan o ndu lo.

Luke 13:10

O paale pɛngiaalen lepum coo, Yeesu va pɛɛkoo o cɛi lekaando nin.

Luke 4:16

Mɛɛ Yeesu tiiya Nasarɛt, nɛɛ o sul-la, mó luɛi o cɛi lekaando nin o paale pɛngiaalen coo mɛɛ o dema tosa yɛ, mó can le Sɛbɛ Hala-o dimio.