Luke 3:9 - BII BILA

⁹ Cuei cuu nin toosiaa le puundun yɔmndo kilio. Yɔm oo yɔm kum komɔɔ kɛndɛ le, ndu kialunnin, mò viownun o yin.»

Luke 3:9 Iomraidhean Croise

Esekiɛl 31:18

O yɔmnde Edɛn tɛɛn faw, a nɛ̀ɛ́-nɛ̀ n velan yɛ o biiloo a o bɔɔbɔɔyɛi nin? Nɔm yɛ, a co nɔm tuisi o puuloo bɛngu di-di niaa yɔmii ken Edɛn latulu. A yambunin nɔm vanaa dii tooma le-a tɛɛn niaa vanaa vi o mɔɛi cɔwve bɛngu-a! Lende dɛnɛ masaa Esipte a dɛnɛ vanaa ndɔa sɛ́lɛ́a vanin ni. Ya Maalii, ya co Mɛlɛka-o soo nuaa ni.»

Daniɛl 4:14

Sɔɛi fula mɛlɛkaa Hala-a o sondo-e i co hee ni, ɲaa yoomaa diandaa pɛɛn, haliko mi vanndacieea kpow a sina maa Ó-Hiow-Ɲɔɔn-Kpow-vo masalen o ceendo coo le co o labɛngunin ni. Vana o yeema pɛ le masalen yɔngoo, o yɔngu ndu. O tiwba mò heelu vana hiow dɔɔnanndo vannda o hɔl-lo.»

Daniɛl 4:23

Diomndo ho yɛ aa: «La mɛi ciiye a puundun ndɔn!» Kɔlɔ ndɔɔ co hoo ni: Masale nɔmnden le muungunin nɔm o ba lɔ́ɔ́ n sinanin maa Ó-Hiow-Ɲɔɔn-Kpow-vo nɔ halataala o ba ni-o

Matie 3:10

Cuei cuu nin cɛɛŋa le puundun yɔmnde kilio. Yɔm oo yɔm kum komɔɔ kɛndɛ le, ndu kialunnin, mò viownun o yin.

Matie 7:19

Yɔm oo yɔm kum kulun kɛndɛ le, a kelu ndu, a viow ndu o yin.

Luke 13:6

O kon kɔɔli, mí Yeesu dimul nda vɛlɛ sandaa ho aa: «Vanndo pum ndóò nɔ voosu tumndo o tɔalaa o nakɔ ndɔ n'rɛsɛnndo nin. Mó hun vooson nuwviaa, kɛ o komal ɲɛ-ɲɛ le coo le.

Luke 13:7

O kon, mó dimul vana va nakɔ n'rɛsɛn kon mandaa-o aa: ‹Tofa vɔ, vɔsilan tan yáá co hoo ni, i co hunɔɔ voosun koaman nuwviaa o vosoo ho coo, kɛ i co ɲɛ-ɲɛ komal te. Kiolu ndu. O bɛnda mò bii fondaa o lɛŋnden coo fúú le!›

Luke 13:9

Te o kom pɛ vɔsi co hunɔɔ-o, o naŋ. Te o kum yɛ le, a kelu ndu.›»

Nsaŋ 15:6

Vana lo o ya nin te, ndu viownun o bɛ́ɛ̀ maa ilɛw, o kon o vesa, a cua ndu mɛɛ nda tingu ɲaandan vesɛiyon yɛ, a kɔ mal ndu o yin, o ŋɔɛ.

Hebreea 10:28

Vana-vana tɛɛmbuu pɛ tɔŋ Moise-o mì vanaa ŋiɔn te kon te a yaa tɛnda seilen maa lende i co ni, o bɛnda mò sɔla piɔ́mndo, a tuinun vana kon iɲíí le.

Hebreea 12:29

Kani yinnde tɛɛmbua len Hala naa co ni.