Luke 3:8 - BII BILA

⁸ Mɛɛ la tosa niko dɛnnda kɛndɛla cɔm maa la mal kela niaa vɔɔndo, mì la mangalan ndan. La dimin o lakɔl te aa: ‹Abraham co fuɲa naa ni.› Kani mì dimul niaa, Hala nɔla mò siinguu powtan ndan cuavaa Abraham-nda.

Luke 3:8 Iomraidhean Croise

Nehemi 5:11

Lelan hau hauve he, la mingi nda ciɛɔn ndan, nakɔla n'rɛsɛnnda ndalan a cɛila ndalan o laba. La nuwviaa vɛlɛ tɔnɔ celen o ɲɛm niaa dɔnda nda-on coo le, o va n'voli, o va n'malu, o va mamɔi te kon te macuɛi.›

Esekiɛl 33:24

«Po vanacieo sei, vanaa co icali o cieon piɔlɛin mun nin Israɛl-la co dimio aa: ‹Abraham ndu pilɛ kpé va ni, kɛ mó hialu lɛŋnden nden kpow, kɛ naa naa n co sɛ́lɛ́ taw, nduyɛ naa lɛŋnden nden le yɔngun fasɛi ni!»

Matie 21:43

Lelan, i co niaa dimul, à hialunin masale Hala len niaa o ba, mà sɔɔ len vanaa-mangalaa-isɔaa celen o ba, mì nda tosa mì le kom mì le nɛŋi makoo.

Matie 3:8

Mɛɛ la cɔm niko o dɛnnda niaalan nin maa la mangalan lekɛ́ndɛi dɛ!

Matie 3:9

La yiyan te maa o tiw le diminndo o lakɔl te aa: ‹Abraham co fuɲa naa mamaa ni!› Kani, mì dimul niaa, hali o powtan-ndan, Hala nɔla mò solul Abraham cuawva.

Luke 13:25

Telen vana cɛiyo cannin mò kinda dioo-o, la lonin o bɛ́ɛ̀. La kandunin dioo lɔɔ a dimio aa: ‹Maalii! Kumbil naa dioo.› Kɛ mò mulul niaa aa: ‹I sina nɛɛ niaa fula le.›

Luke 13:26

O kon la dimulnin ndu aa: ‹N de mí kol naa niaa, má pɛɛku vannda o nɛila kobila naalan coo.›

Luke 14:9

mì vana veelu nɔm niaa vana kon-ndo hun dimul nɔm aa: ‹Mel ndu fondaa ho›. O kon siɛmbulan la biinin nɔm le kɔlan calle o fonda mɛɛlaa.

Luke 19:40

Mí Yeesu muli aa: «Mì dimul niaa, te nda mei pɛ, powtan ndan la co yonda ni!»

Luke 19:9

O kon mí Yeesu dimul ndu aa: «Vanaa co o nɔm ndo cɛinin nanu-a sɔla hau cindaa. Kani nɔm bɛɛ, o polale Abraham-nden nin n fula ni.

Luke 5:21

Mí vanaa pɛɛkaa latɔŋnda a Faliisia a kandu yiyanndo aa: «Vana súú yɛɛ co yɛ ho sɔɔn tanan dimio a Hala o kɔɔ? Ɔ́ɔ̀ vana tiwba mò mal vana haki-o, te o co Hala ndu pilɛ kpé le?»

Nsaŋ 8:33

Má mulul ndu aa: «Cuavaa-imamaa Abraham-nda naa n co ni, lepilɛ bɛɛ n tosa lecɛ vana o ba le, le yɛɛ n co yɛ naa dimullo maa mì n fula o cɛlen nin?»

Nsaŋ 8:39

Má mulul ndu aa: «Abraham co fuɲa naa ni.» Mí Yeesu dimul nda aa: «Te cuavaa Abraham-nda niaa co ni, mɛɛ la tosa dɛnndan maa Abraham.

Dɛnnda kiilaa 26:20

Kɛ vanaa co Damas-a a haa Yerusalɛm ya kandu yoongu kalaa tiiyallo ni, o kon kɔɔli, mí pɛɛku haa o tàndá Yuda-o nin kpow a vanaa-mangalaa-isɔɔa. Mí dimul nda maa a mal yɔŋnda vɔɔnnda ndalan, mà mangalan, mà mulul Hala hɔlla, mà tosa dɛnnda cɔm maa a mangalan ndan.

Rɔmnda 4:16

Lelan, le laalanndo naa n sɔla ɲɛm Hala yii kpemaa le naa keo-von ni, vɛ̀ɛ̀ kɛndɛi le co ken te! O kon, kpema kon co le vanaa-vanaa co cuavaa-imamaa Abraham-nda: a co o tɔŋndo bɛngu-a a á laalan vɛlɛ maa ndu Abraham fuɲa naa faw-faw-vo-a.

Rɔmnda 9:7

Kani cuavaa-imamaa Abraham-nda nda co ni, o co mɛɛ nda co kpede yɛ le nda co cuavaa Abraham-nda le. Kani mí Hala dimul Abraham aa: «O Isake nin cuavaa-imamaa ya yiilu nɔm kpemaa-a fulanin ni.»

Filipea 1:11

Mì Krista mala niaa, mì la pɛ a dɛnnda sandaa lan, o kon mì Hala sɔla biiloo a sangalaa.