Luke 3:3 - BII BILA

³ Mí Nsaŋ kei o tàndáà Yurdɛn nin kpow, mó dimul vannda aa: «La mangala kela niaa, mì la sɔla yinɔɔ, o kon mì hakila niaalan la malnun haki.»

Luke 3:3 Iomraidhean Croise

Matie 3:11

Ya, i co niaa yinɔɔ o mɛnndan nin le cɔmndo maa la mál yɔŋ vɔɔndo mì la mangalan. Kɛ vana co hunɔɔ o ya kɔɔli-o, ndu yinnin niaa a Kɔl-Diandaa a á yinnden ni. Ndu hiow ya kpaayaa, i co bɛɛ o sɔvɛ le ndu samtalan timbio le.

Luke 1:16

O minginin Israɛlaa bɔɔ-bɔɔ Mɛlɛka Hala ndaa o ibuŋ.

Luke 1:77

le vanaa ndɔa pɛɛkoo maa Hala mal nda haki, mà sɔla cindaa.

Luke 4:1

Yeesu va o piaa a Kɔl-Diandaa, telen o va muungoo fulaa Yurdɛn-ndo, mí Kɔl Hala-o yaa ndu o lɛŋnde veselɛilen nin.

Nsaŋ 1:28

Betani Yurdɛn peo leeloo dɛnɛ kon tosan ni, nɛɛ Nsaŋ va vannda yinɔɔ-a.

Nsaŋ 3:26

Má kɔa o Nsaŋ-ndo, má kɔ dimul ndu aa: «Kɔɔfa, vana va nɔm hoo ikɛi Yurdɛn peo leeloo, ma timbi seilen a ndu o kɔɔ-o cɛn vannda yinɔɔ, vannda kpow a co kɔlan o ndu lo.»

Dɛnnda kiilaa 13:24

Lɔ́ɔ́ pá mí Yeesu hun, mí Nsaŋ pɛɛku Israɛlla kpow maa a mangala kela nda vɔɔndo, mà sɔla yinɔɔ.

Dɛnnda kiilaa 19:4

Mí Pol dimul nda aa: «Vanaa va cɛlɔɔ le kelala ndalan mangalaa-a Nsaŋ yin ni, mó va nda dimullo maa a laalan vana va hunɔɔ ndu kɔɔli-o, Yeesu pɛɛn.»

Dɛnnda kiilaa 22:16

Yɛɛ nɛ n co yɛ nihau cum? Cɔn ma sɔla yinɔɔ, mà dendu le hakila nɔmndan, mà biilu Hala o diola Maalii lan.»