Luke 3:22 - BII BILA

²² mí Hala Kɔl-Diandaa toal ndu coo maa kangbo. Mí diomndo fula o halataala aa: «Po ni ya kaola taw-vo n co ni, a hɛnan ya.»

Luke 3:22 Iomraidhean Croise

Condii lisai 2:7

I yondanin sɔɛi Mɛlɛka kelu-e kpélén. O dimul-la aa: «Nɔm co po nuu ni. Kandɔɔ hau, ya co fuɲa nɔm ni.

Esai 42:1

Tofa vɔ vana ni baalaa, o ya co ikɛi le ndu malaa-o. Ndu co vana ya hɛli-o ni, o ndu nin kɔl nuu dɔawnun ɲaale ni. I tuisi ndu kɔl nuu coo, o pɛɛkunin vanaa-mangalaa-isɔɔa dɛnɛ sandaa.

Matie 12:18

«Vana ni baala ya hɛli-o co hoo ni, o ya kaola-o, o ya hini kɔl-lo pɛɛn. I tuisinin Kɔl nuu ndu coo, mò cɔm vanaa-mangalaa-isɔɔa dɛnɛ sandaa.

Matie 17:5

O lo sɔɛi, mí yumbuyumbu ɲɛ-tengaa pum kumbu nda. Mí diomndo pum soaa o yumbuyumbu kon nin aa: «Po ni ya kaola taw-vo co hoo ni, o ya hɛli a kɔlkɛndɔɔ-o. La bíí ndu diom.»

Matie 27:43

Hala o tiindan ni, te Hala yeema pɛ ndu, mɛɛ o baŋa vɔ ndu niko. Kani o dimi maa Po Hala-o o co ni.»

Matie 3:13

O kon, mí Yeesu can Kalile, mó hun Yurdɛn o peelo nɛɛ Nsaŋ va-a, haliko mi Nsaŋ ndóò yin ndu.

Matie 3:16

Yeesu sɔlaa yinɔɔ, mó fula o mɛnndan nin. Fɔ́ɔ́fɔ̀, mí halataalaa kumbin, mó ca Kɔl Hala-o tolɔɔ maa kangbo, mó cal ndu coo.

Matie 3:17

Mí diomndo fula o halataala aa: «Po ni ya kaola taw-vo co hoo ni, o ya hɛli a kɔl nuu kpow-vo.»

Marke 1:11

Mí diomndo fula o halataala aa: «Po ni ya kaola taw-vo n co ni, a hɛnan ya taw.»

Marke 1:9

O telen kon, mí Yeesu can Nasarɛt o tàndá Kalile-o nin, mó hun. Mí Nsaŋ yin ndu Yurdɛn o peelo.

Marke 9:7

Mí yumbuyumboo toal, mó kumbu nda, mí diomndo fula o yumbuyumbu kon nin aa: «Po ni ya kaola taw-vo co hoo ni, la yaŋ ndu nilan.»

Luke 2:14

«Biiloo co le Hala o halataalaa nin coocoo, kɔlɲuloo co o lɛŋnden coo le vanaa hɛnan ndu-a.»

Luke 4:21

Mó kandu sɔɛi aa: «Sɔɛi he i peelun hau, niaa vanaa tuei ndi-ya o hɔl.»

Nsaŋ 1:32

Mí Nsaŋ timbi seile len aa: «I ce Kɔl Hala-o fulaa o halataala, mó toal, mó cal ndu coo maa kangbo.

Nsaŋ 12:28

Pua, cɔm vannda biilu diola nɔmndan.» O kon, mí diomndo pum soaa o halataala aa: «I cii nihau biilu ndɔɔ cɔm, la sɔlanin vɛlɛ biiloo.»

Nsaŋ 5:37

Pua vem ya-o bɛɛ timbi seilen a ya o kɔɔ. Kabi bɛɛ la tui diom ndɔɔ le, la ci hɔlaa ndɔa le,

Dɛnnda kiilaa 10:38

La sinà mɛɛ Hala pɔla Yeesu fula Nasarɛt-o a kpaaya Kɔl-Diandaa yɛ, a mɛɛ ndu Yeesu kei vannda dɛnɛ kɛndɔɔ tosal nɛɛ-nɛɛ ka yɛ. O va vanaa va o biyɔɔ nin ɲina vɔɔndo o ba-a kpow singio, kani Hala va ndu ikɛi.

Kolɔsea 1:13

O baŋa naa kpaaya maɲumndo o ba, mó hivi naa o masale Po ndɔ o kaola-o len nin.

1Piɛr 2:4

La sɔɔnguu ndu o ibuŋ, ndu pow kiyɛiyo, o vanndacieea viow-vo, kɛ mí Hala ca ndu ɲɛ sɔvɛ bɛndu, mó hɛli ndu.