Luke 3:16 - BII BILA

¹⁶ O kon mí Nsaŋ mulul nda kpow aa: «Ya, o mɛnndan nin ya co niaa yinɔɔ ni, kɛ Vana hiow ya kpaayaa-o co hunɔɔ, i co bɛɛ o sɔvɛ le yoi ndɔɛi lasiamtai timbio le. Ndu, o yinnin niaa a Kɔl-Diandaa a á yinnden.

Luke 3:16 Iomraidhean Croise

Talelan 1:23

La muungu ya o ibuŋ, mì la tuei kanalannda nilan. La tofa vɔ, i saŋnin kɔl nuu niaa coo, i cɔmnin niaa sɔɔn nun.

Esai 32:15

Ɲɔɔ lonin lende háá mì yiyan pum fula coocoo mò hun saŋnun naa coo. Mì lɛŋnde veselɛilen le siŋnun yondo kalaa, mì yondo kalaa cennun maa bundɛ.

Esai 4:4

Maalii co hoeyii dɛnɛ sandɛi a hoeyii dindiannde hɔŋ, mò tɔɔ vanlaandua Siɔn le ɲɛm nɔɔlɛin co nda tɛɛn-ndon, mò dindi Yerusalɛmnda le kooma vanaa nda diw-va.

Esekiɛl 36:25

I fasaŋanin niaa mɛmma diandan coo, o kon mì la dendu. I tɔaanin niaa le dɛnnda nɔɔlɛila niaalan kpow a le piɔmaa niaa kpede.

Sakari 13:9

I lueinin kunda yàándɔ lonin kon-ndo o yinnden nin, mì dindi ndu mɛɛ vana dindi volii humbuei yɛ. I dindinin ndu mɛɛ vana dindi sianiei yɛ. Vanaa kan a pialnin diola nilan o piɛilen nin, mì mulul nda. I diminin aa: ‹Vanaa nia co haa ni.› O kon nda bɛɛ diminin aa: ‹Mɛlɛka co Hala naa ni.›»

Matie 3:11

Ya, i co niaa yinɔɔ o mɛnndan nin le cɔmndo maa la mál yɔŋ vɔɔndo mì la mangalan. Kɛ vana co hunɔɔ o ya kɔɔli-o, ndu yinnin niaa a Kɔl-Diandaa a á yinnden ni. Ndu hiow ya kpaayaa, i co bɛɛ o sɔvɛ le ndu samtalan timbio le.

Matie 3:12

Fɛlɛ ndɔ hɛyaa co ndu o ba, o bɛɛsuunin kpele lɔaa n'mal ndɔɔ, mò vow malun ndɔn o konda, mò lom tɛ́fɛ́lan o yinnde ɲum te len nin.»

Nsaŋ 1:26

«Ya, o mɛnndan nin ya co yinɔɔ ni, kɛ vana pum co niaa tɛɛn, la sina ndu le, ndu hunnin o ya kɔɔli.

Nsaŋ 1:27

I bɛnda bɛɛ le yoei ndɔɛi lasamtai timbio le.»

Nsaŋ 1:33

Yáà sina ndu le, kɛ vana vem ya yinɔɔ o mɛnndan nin-ndo dimul-la ni aa: ‹Vana n canin Kɔl Hala-o tolɔɔ coo mò cal-lo, ndu yinnin a Kɔl-Diandaa ni.›

Nsaŋ 7:38

Vana laalan ya pɛ, peela mɛmma cindan la piɔlnin ndu nin maa mɛɛ o Sɛvan yɛ.»

Dɛnnda kiilaa 1:5

Kani o mɛnndan nin Nsaŋ yin vannda ni, kɛ niaa niaa, palɛi bendu lɛ le, mì la sɔla yinɔɔ Hala Kɔl-Diandaa.»

Dɛnnda kiilaa 10:44

Piɛr lo sɔɔn mun dimio, mí Hala Kɔl-Diandaa toal vanaa va ndu nilan yaŋɔɔ-a kpow coo.

Dɛnnda kiilaa 2:33

Mí Hala heelun ndu ikɛi, mó kɔ kɛsin ndu o ba kɛndɔɔ coo, mó sɔla Hala Kɔl-Diandaa, o Hala ndóò yii kpemaa-o pɛɛn. Mí ndu Yeesu sɛŋi naa ndu coo. Ndu niaa co cɔu mì la va tueyɔɔ sunsun nuaa ni.

1Korɛntea 12:13

Kani naa kpow n sɔla yinɔɔ Kɔl-Diandaa pilɛ kon o ba, mí n siŋnun kɔɔle pilɛ len, vana va Yuifinɔ, vana va Yuifinɔ le. Vana va cɛ, vana vannun o ba nɔm coo, mí n sɔla Kɔl-Diandaa pilɛ kon le kolɔɔ.