Luke 3:14 - BII BILA

¹⁴ Mí vanaa cɔwva bɛɛ ɲuna ndu aa: «Naa yɛ, yɛɛ naa n tosa yɛ?» Mó mulul nda aa: «La del vana coo le, la cua ɲɛ vana a lakafa le, la hìní kɔl a sala niaa.»

Luke 3:14 Iomraidhean Croise

Fulaa 20:16

La tímbul caanda seile lacòòvalen te.

Fulaa 23:1

«La sɛŋi sɔɔn lacòòvan te. La sim vana yɔŋ vɔɔndo kɔɔli mì la timbi seile lacòòvalen le ndu dio keo le.

Tɔŋ lasálàá 19:11

La yɔ́ŋ levui le, la dímùl caanda lacòò mì la tosal nda lakafa le.

Matie 8:5

Yeesu kandɔɔ tiiyaa Kapɛrnaum, mí simlacinɔ vanaa cɔvaa kɛmɛa komal ndu,

Luke 19:8

Kɛ mí Saasee can, mó dimul Maalii aa: «Maalii, i co vanaa bala fondoa ɲɛ-sɔlaa nuu ke ba pilɛ. Te i cua pɛ ɲɛ vana, i mingulnin vana kon kundalan lahiɔɔlu.»

Luke 3:10

Mí sɛ́lɔ́ɔ́ ɲuna Nsaŋ aa: «Yɛɛ naa n tosa yɛ niko?»

Luke 3:13

Mó mulul nda aa: «La handu ɲɛ-ɲɛ o ɲɛ nda dimul niaa le biyɔɔ-o coo le.»

Dɛnnda kiilaa 10:7

Mɛlɛkanɔ soo kon o ndu lo-o kɔnndan, mí Kɔrnɛil veelu buɛyaa ndɔa nda ŋiɔn a vana cɔw óò vo Hala mó va baalaa tosaa ndu o ba bɛngu-o.

Filipea 2:15

haliko mi la va vanaa yaalan te-a a vanaa diandaa, mì la va cuavaa Hala-a, à vànà seelun isɔw nin te-a vanaa co laasianndo-a a vanaa vɔɔnda tɛɛn. Mì la va nda diondɔɔ tɛɛn maa ɲɛ-tengaa o ceendo,

Filipea 4:11

O co le mɛɛ ya co o bahavɛiyo nin yɛ le ya co sɔɛi nuaa le, kani i dɛli nini a kɔllo naŋɔɔ a ɲɛ ya nɔ-o.

Tite 2:3

Pɛɛku vɛlɛ vanlaandua yuuvɛiya, mà va vanaa diandaa o kela ndaa nin. A va vanaa dimi sɔɔn vɔɔnndon-nda le, a yɔngun mɔiyan te. A va vanaa yɔngu silala kɛndɛlan-nda,

Dɛnnda cɔɔmuanndan 12:10

O kon mí tuɛi diom bɛndoo pum dimio o halataala aa: «Sunsun, telen cindaa tiiya, telen kpaayaa a masale Hala naa bɛɛ tiiya. Telen kpaaya Vana o pɔla-o bɛɛ tiiya. Kani vana va puapilɛ naa lɔlɔɔ-o viownun, ó va kon nda lɔlɔɔ paalen a ɲumndan Hala naa o hɔ-lo pɛɛn.