Luke 3:11 - BII BILA

¹¹ Mó mulul nda aa: «Te vanndo nɔ pɛ domalan latiɔn, mɛɛ o ke vana nɔ loo o pilɛ, mì vana nɔ ɲɛdiaa-o bɛɛ piɔw ndu nda vana nɔ loo.»

Luke 3:11 Iomraidhean Croise

Esekiɛl 18:7

o saangiaa vana le tɔnɔ soli ndu o n'dial too, o mingul vana yow ɲɔɔ ndu o ba-o landii ndɔɛi-yo, o tosa levui loo, o yɔngu vana yiaan má co nɛiyo-o ɲɛdiaa ndɔɔ-o, o yɔngu vana fɛlio co-o ɲɛ cuɛinan ndɔɔ-o,

Daniɛl 4:27

mó deŋi coocoo aa: «Babilɔn co hoo ni! Kobi bɛndu ya tangul le vaa kobi ni lemasaa-o, i tangul ndu a kpaaya ni bɛndoo, le biilu ni lemasaa cɔmndo.»

Matie 25:40

O kon masaa mululnin nda aa: ‹Mì dimul niaa toɲaa, telen oo telen niaa va o hiow dɔɔnanndo o puapilɛa nia ha tɛɛn-ndo dɛnnda lan tosallo, ya niaa va tosal kon lende ni.›

Luke 11:41

Lelan, la yɔngu vɔ fɔlɔn ɲɛ co o hɛngɛiyo nin-ndo a ɲííye, o kon mì ɲɛ-ɲɛ dendu le niaa.

Luke 18:22

Mɛɛ Yeesu tuei sɔɔn mun, mó dimul ndu aa: «Ɲɛ pilɛ lo vɔ nɔm le tosaa: pisi ɲɛ-sɔlaa nɔmndo kpow, mà piɔw vanaa bala fondoa volin mun, a co hunɔɔ bolofaa sɔla o halataala. O kon kɔɔli, a del-la kɔɔli.»

Luke 19:8

Kɛ mí Saasee can, mó dimul Maalii aa: «Maalii, i co vanaa bala fondoa ɲɛ-sɔlaa nuu ke ba pilɛ. Te i cua pɛ ɲɛ vana, i mingulnin vana kon kundalan lahiɔɔlu.»

Nsaŋ 13:29

Le tùú bɔlɔ n'volio va Yuda o ba-o, mí vannda pum a yiyan maa vomɔɔ Yeesu va ndu ɲɛm kafon nda nɔ makoo-on kɔlan piondɔɔ ni, te kon te vanaa bala fondoa ɲɔɔn kɔlan keu.

Dɛnnda kiilaa 10:2

Ndu a yungu ndɔɔ a va yɔŋ vɔɔndo vou. Ndáà nɔ vɛlɛ siòòŋii Hala-e. O va vannda ɲɔɔn keo taw, mó va Hala piɛiyo lɔ́ɔ́-lɔ́ɔ̀.

Dɛnnda kiilaa 10:31

‹Kɔrnɛil, Hala tuei piɛile nɔmnden. O loonun a ɲɛm n ke vanaa bala fondoa-on o kɔɔ.

Dɛnnda kiilaa 10:4

Mí Kɔrnɛil tofa ndu ciŋ a siòònde, mó ɲuna aa: «Yɛɛ nɛ Maalii?» Mí mɛlɛkanɔɔ mulul ndu aa: «Mɛlɛka tuei piɛile nɔmnden, o naŋ kɔl a kɛndɛi n tosal vanaa bala fondoa-e. O pɔɛɛnun a nɔm te.

Efɛsea 4:28

Vana co vuilenndo, ndu mal vuilen. Ndu pila tosa baalaa, haliko mo sɔla ɲɛ o piɔvan nda vanaa co o bahavɛiyo nin-nda-o.

1Timote 6:17

Dimul vanaa nɔ bolofaa sunsun-nda maa nda pila a cannun ɲɛ le, dimul nda maa a kɛsì kɔllo o bolofaa fondoo ho coo le, kɛ a tiindàn Hala, o yɔngù naa ɲɔɔn kpow mì n va taw-vo, haliko mi n de mun tɔnɔ.

1Timote 6:18

Dimul nda mà a tosa dɛnɛ kɛndɔɔ, mà tosal vannda kɛndɛi taw, mà cɛl le vanaa celen ɲɛm ndan piɔwvo.

Hebreea 6:10

Hala co vana kɛɛ isandu le. O pɔɛɛnun ɲɛ niaa co tosaa-o a kaola niaa cɔm le ndu le, o pɔɛɛnun kpekula niaa co vanaa Hala-a solio lan te.

Nsaki 1:27

Dina diandaa, o nɔ sɔŋ Hala Fuɲaa o hɔl too, ndu co le vííya a vanlaandua vii piaandua-a yilɔɔ le sangala ndalan ni, a vana pila mandanndo le dɛnnda nɔɔlɛila ceendo ho.

Nsaki 2:14

Puapilɛa nia, ɔ́ɔ̀ tɔnɔ co le dimio maa vanndo nɔ laalanndo-o, te o peelu ndu a dɛnndan te? Laalan vaa lende nɔla pá mò ciindiáá vana?

1Nsaŋ 3:17

Te vanndo nɔ pɛ ɲɛm ceenndon o ba, mo ce puapilɛ ndɔɔ o bahavɛiyo nin, mò kindal ndu kɔl ndɔɔ, vɛ̀ɛ̀ o dimi yɛ o kon maa o kaola Hala?

1Nsaŋ 4:20

Te vanndo dimi pɛ aa: «I kaola Hala», kɛ mò nɔ nɛyɔn puapilɛ ndɔɔ, mɛɛ vana lacòòvaa o co ni. Kani te vanndo kaola puapilɛ ndɔ o co cɔu-vo le, o nɔla mò kaola Hala o co cɔ loo le.